Movie News

తమన్ సెన్సాఫ్ హ్యూమర్ అదిరిపోయింది

సంగీత దర్శకుడు తమన్ కు ఈ సంక్రాంతికి డబుల్ బొనాంజా పడింది. రెండు క్రేజీ సినిమాలు గేమ్ ఛేంజర్, డాకు మహారాజ్ కు సంగీత దర్శకుడు కావడం వల్ల పెద్ద బాధ్యతను నెరవేరుస్తున్నాడు. ముందొచ్చేది రామ్ చరణ్ మూవీ కాబట్టి దాంతో బ్లాక్ బస్టర్ బోణీ జరగాలని అభిమానులు కోరుకుంటున్నారు. ఇటీవలే యుఎస్ లో జరిగిన ప్రీ రిలీజ్ ఈవెంట్ లో తమన్ సెన్సాఫ్ హ్యూమర్ మాములుగా పేలలేదు. తనకు ఈ అవకాశం ఎలా వచ్చింది, శంకర్ తో అనుబంధం వగైరాలు సరదాగా వివరించిన తీరు నవ్వులు పూయించింది. తమన్ లో ఇంత కామెడీ యాంగిల్ ఉందని బయటపడింది ఈ వేడుకలోనే. తనేం చెప్పాడో చూద్దాం.

మూడేళ్ళ క్రితం వకీల్ సాబ్ కోసం మగువ మగువ పాటను కంపోజ్ చేస్తున్న తమన్ దగ్గరికి దిల్ రాజు వచ్చి నవ్వుతు నిలబడ్డారు. అయన ఎందుకలా ఎక్స్ ప్రెషన్లు ఇస్తున్నారో అర్థం కాని తమన్ రెండుమూడు సార్లు అడిగితే కానీ అర్థం కాలేదు. రికార్డింగ్ అవ్వగానే చెన్నై వెళ్లాలని, అక్కడ శంకర్ గారు ఎదురు చూస్తుంటారని దిల్ రాజు చెప్పడంతో ఒక్కసారిగా తమన్ కు షాక్ కొట్టినంత పనైంది. ఇరవై సంవత్సరాల క్రితం తనకు నటన రాదని తెలిసి కూడా బాయ్స్ లో వేషం ఇచ్చిన అభిమాన డైరెక్టర్ తో ఏకంగా పని చేయాల్సిన సందర్భమే రావడంతో తమన్ కు వెంటనే డైపర్ వేసుకోవాలన్నంత ఉద్వేగం కలిగింది.

విమానంలో ప్రయాణిస్తున్నప్పుడు కూడా కిందకు దూకాలా లేక వెళ్లాలా అనేంత ఎగ్జైట్ మెంట్ వచ్చిందంటే తమన్ ఏ స్థాయిలో ఉద్వేగం చెందాడో అర్థం చేసుకోవచ్చు. రెహమాన్ కలయికలో శంకర్ ఇచ్చిన బ్లాక్ బస్టర్ ఆల్బమ్స్ కి ధీటుగా పని చేశానని చెబుతున్న తమన్ సాంగ్స్ పరంగా పాస్ మార్కులు అయితే తెచ్చుకున్నాడు కానీ విజువల్ గా చూశాక పాటలు నెక్స్ట్ లెవెల్ అనిపిస్తాయని దిల్ రాజు అంటున్నారు. ఇవన్నీ తమన్ వేదిక మీద స్వయంగా చెప్పిన విశేషాలే. గతంలో నాయక్, బ్రూస్ లీ లాంటి సూపర్ హిట్స్ కి మ్యూజిక్ ఇచ్చిన తమన్ గేమ్ ఛేంజర్ కి ఎలాంటి బ్యాక్ గ్రౌండ్ స్కోర్ ఇస్తాడోనని ఫ్యాన్స్ వెయిటింగ్.

This post was last modified on December 29, 2024 2:20 pm

Share

Recent Posts

కోటి రూపాయ‌లు ప‌లికిన `స‌ర్పంచ్` ప‌ద‌వి!

ఏపీలో గ్రామ పంచాయ‌తీ ఎన్నిక‌ల ప‌ర్వం ప్రారంభ‌మైంది. మూడు విడ‌త‌ల్లో రాష్ట్ర వ్యాప్తంగా ఉన్న గ్రామ పంచాయ‌తీల‌కు ఎన్నిక‌ల‌ను నిర్వ‌హించ‌నున్నారు.…

46 minutes ago

‘జగనన్నా… భారతి గారిని రాజకీయాల్లోకి తీసుకురండి’

మాజీ ముఖ్యమంత్రి జగన్ మోహన్ రెడ్డి సతీమణి వైఎస్ భారతి క్రియాశీల రాజకీయాల్లోకి రానున్నారా అంటే వాతావరణం అలాగే కనిపిస్తుంది. ఇప్పటి…

57 minutes ago

నాగ్ చెప్ప‌డం కాదు… చేసి చూపిస్తున్నాడు

చెప్పిన డేటుకి షూటింగ్ పూర్తి చేయ‌రు. రిలీజ్ డేట్ మళ్లీ మ‌ళ్లీ మార్చాల్సిన ప‌రిస్థితి వ‌స్తుంది. ఫైన‌ల్ డేట్ ద‌గ్గ‌ర…

2 hours ago

వాష్‌ రూమ్‌ విషయంలోనూ ఏఐ గోల తప్పట్లేదు

సాంకేతిక పరిజ్ఞానం పెరుగుతున్న కొద్దీ మనుషుల జీవితాలు సులభతరం కావాలి. కానీ కొన్ని సంస్థల్లో పరిస్థితి అందుకు భిన్నంగా కనిపిస్తోంది.…

6 hours ago

‘రాహుల్ వెనుక మేము పరిగెడితే వారికెందుకు బాధ’

దేశంలో మొదటిసారి హైదరాబాద్ లో శనివారం గిగ్ వర్కర్ల సంక్షేమ సభ జరిగింది. కాంగ్రెస్ పార్టీ అధినేత రాహుల్ గాంధీ…

7 hours ago

తమిళ బాక్సాఫీస్ దగ్గర విడ్డూరం

హిందూ సంస్కృతి, పురాణాలు, దేవుళ్ల నేపథ్యంలో సినిమాలు తీస్తే తమిళ ప్రేక్షకులకు పెద్దగా పట్టదు అనే ఒక ముద్ర పడిపోయింది.…

9 hours ago