అనిల్‍ రావిపూడికి హీరో అక్కర్లేదు!

కరోనా కల్లోలంలో చాలా మంది దర్శకులు, హీరోల ప్లాన్స్ భగ్నమయ్యాయి. వరుస హిట్లు కొడుతోన్న అనిల్‍ రావిపూడి తన ‘ఎఫ్‍ 3’ సినిమా మొదలు పెట్టే వీల్లేని సిట్యువేషన్‍లో పడ్డాడు. వెంకటేష్‍, వరుణ్‍ తేజ్‍ ఇద్దరూ వచ్చే ఏప్రిల్‍ తర్వాతే అందుబాటులోకి వస్తారు. మిగతా హీరోలంతా కూడా బిజీగా వున్నారు. దీంతో ఎప్పట్నుంచో తన దగ్గరున్న ఒక హీరోయిన్‍ సెంట్రిక్‍ కథను తెరకెక్కించాలని రావిపూడి ప్లాన్‍ చేస్తున్నట్టు సమాచారం.

హీరోయిన్‍ ప్రధాన కథ అయినా కానీ తన మార్కు వినోదం, కమర్షియల్‍ ఎలిమెంట్స్ మిస్‍ అవని వెరైటీ కాన్సెప్ట్ అట. ఈ చిత్రంలో సాయి పల్లవి హీరోయిన్‍ అయితే బాగుంటుందని ఆమెను కాంటాక్ట్ చేసినట్టు సమాచారం. సాయి పల్లవి ఈమధ్య ఎక్కువ సినిమాలు సైన్‍ చేస్తోంది. గతంలో తన పాత్ర, కథ విషయంలో ఆమె చాలా ఖచ్చితంగా వుండేది కానీ ఇప్పుడు కొంచెం అటు, ఇటు అయినా ఓకే అనేస్తోంది.

అనిల్‍ రావిపూడి లాంటి సక్సెస్‍ఫుల్‍ దర్శకుడు, హీరోయిన్‍ ప్రధాన సినిమా అంటే ఆమె నో చెప్పడానికి రీజన్‍ ఏమీ లేదు. ఈ చిత్రాన్ని దిల్‍ రాజు నిర్మించే అవకాశాలున్నాయి. ప్రస్తుతానికి చర్చల దశలో వున్న ఈ చిత్రం అన్నీ ఓకే అయితే త్వరలోనే అనౌన్స్ కావచ్చు.