దీపావళికి మూడు సినిమాలు పోటాపోటీగా రిలీజై అన్ని పాజిటివ్ టాక్ తెచ్చుకోవడం వల్ల లక్కీ భాస్కర్ తనకొచ్చిన పబ్లిక్ రెస్పాన్స్, పాజిటివ్ రివ్యూలకు తగ్గట్టు విపరీతమైన వసూళ్లు నమోదు చేయలేదు. ముఖ్యంగా అమరన్ నుంచి ఎదురైన తీవ్రమైన పోటీ, ఊహించని స్థాయికి కకు దక్కిన ఆదరణ కొంత ప్రభావం చూపించాయి. దీని గురించి రెండో రోజు నిర్మాత నాగవంశీ సక్సెస్ మీట్ లో మాట్లాడుతూ లక్కీ భాస్కర్ కు లాంగ్ రన్ ఉంటుందని, ఇప్పుడు హెచ్చుతగ్గులు కనిపించినా ఫైనల్ గా గట్టిగా నిలబడుతుందని అన్నారు. ప్యాన్ ఇండియా సినిమాలే రెండు వారాలకు నెమ్మదించిన టైంలో ఇది సాధ్యమా అనుకున్నారందరూ.
కట్ చేస్తే లక్కీ భాస్కర్ మెల్లగా పుంజుకుని 111 కోట్ల గ్రాస్ దాటేసి ఇంకా స్టడీగా కొనసాగుతోంది. మొన్న వచ్చిన కంగువ, మట్కా రెండూ డిజాస్టర్ కావడం దుల్కర్ సల్మాన్ కి కలిసి వచ్చింది. అమరన్ సైతం బలంగా ఉన్నప్పటికీ ఫ్యామిలీ ఆడియన్స్ ఛాయస్ ముందు లక్కీ భాస్కర్ నిలుస్తోంది. ఇది కేవలం తెలుగు వెర్షన్ కే పరిమితం కాలేదు. తమిళనాడు, కర్ణాటక, కేరళలో సైతం కలెక్షన్లు స్థిరంగా ఉన్నాయి. వీకెండ్స్ ప్రధాన కేంద్రాల్లో హౌస్ ఫుల్ బోర్డులు కనిపిస్తున్నాయి. నాగవంశీ, వెంకీ అట్లూరి ఏదైతే నమ్మకం పెట్టుకున్నారో దాన్ని ప్రేక్షకులు నిజం చేసి చూపించారు. బ్లాక్ బస్టర్ ట్యాగ్ ఇచ్చేశారు.
నాలుగో వారంలో అడుగు పెడుతున్న టైంలో లక్కీ భాస్కర్ కు శుభ శకునాలు ఎదురయ్యాయి. ఓటిటి స్ట్రీమింగ్ ఎప్పటి నుంచనే క్లారిటీ ఇంకా లేదు కానీ త్వరలోనే ఉండొచ్చు. ఎలాగూ ఈ వారం మెకానిక్ రాకీ, జీబ్రా, దేవకీనందన వాసుదేవతో పాటు మరో నాలుగు కొత్త రిలీజులు వస్తున్న నేపథ్యంలో భాస్కర్ ఇంకో వారాంతాన్ని ఎలా వాడుకుంటాడో చూడాలి. దీని దెబ్బకు దుల్కర్ మార్కెట్ టాలీవుడ్ లో స్థిరపడిపోయింది. నిర్మాణంలో ఉన్న ఆకాశంలో ఒక తారకు ఇప్పటికే ఆఫర్స్ మొదలయ్యాయట. ఇంకో స్ట్రెయిట్ మూవీకి త్వరలోనే గ్రీన్ సిగ్నల్ ఇవ్వబోతున్నాడట. మల్లువుడ్ కన్నా ఎక్కువ ఫోకస్ ఇక్కడే పెడుతున్నట్టులా ఉంది.
This post was last modified on November 19, 2024 2:04 pm
భారతీయ జనతా పార్టీ, కాక్రోచ్ జనతా పార్టీ మధ్య విదేశీ నిధుల వివాదం దుమారం రేపుతూనే వుంది. నీట్ పేపర్…
ఒకే రోజు... వెంటవెంటనే రెండు యాక్సిడెంట్లు. లక్కీగా ఆ ఎమ్మెల్యే బయటపడ్డారు. తెలంగాణాలో ఈ ఘటన కలకలం సృష్టించింది. అయితే…
కొన్ని నెలల ముందు చెన్నైలో జరిగిన ఒక వివాహ వేడుకకు ఆంధ్రప్రదేశ్ మాజీ ముఖ్యమంత్రి వైఎస్ జగన్మోహన్ రెడ్డి హాజరు…
ఒకప్పుడు చదువు పూర్తవగానే మంచి ఉద్యోగం సంపాదించడం, సొంత ఇల్లు కొనుక్కోవడం, పెళ్లి చేసుకోవడం, పిల్లలతో స్థిరపడటం.. ఇవే జీవితంలో…
తెలంగాణ‌లో కొత్తగా ఇళ్లు నిర్మించుకోవాలంటే సామాన్యులు, మ‌ధ్య‌త‌ర‌గ‌తిప్ర‌జ‌లు భ‌య‌ప‌డే ప‌రిస్థితి వ‌చ్చింద‌ని మాజీ మంత్రి బీఆర్ ఎస్ వ‌ర్కింగ్ ప్రెసిడెంట్…
అనంత‌పురం జిల్లాకు చెందిన ఫైర్ బ్రాండ్ నాయ‌కుడు.. జేసీ ప్ర‌భాక‌ర్ రెడ్డి తాజాగా సంచ‌ల‌న వ్యాఖ్య‌లు చేశారు. వైసీపీ, టీడీపీ…