‘వైల్డ్ ఫైర్’ దేశమంతా అంటుకుంటోంది: రాజమౌళి

అభిమానుల నిరీక్షణకు తెర దించుతూ ‘పుష్ప: ది రూల్’ ట్రైలర్ నిన్న సాయంత్రం రానే వచ్చింది. వచ్చీ రాగానే సోషల్ మీడియాను ముంచెత్తేసింది. దేశవ్యాప్తంగా ఈ ట్రైలర్ చర్చనీయాంశంగా మారింది. నిన్న సాయంత్రం నుంచి ఇండియా లెవెల్లో టాప్‌లో ట్రెండ్ అవుతోంది ‘పుష్ప-2’ ట్రైలర్. ఇందులో చాలా హైలైట్లు ఉన్నా.. చివర్లో వచ్చిన ‘వైల్డ్ ఫైర్’ డైలాగ్ బాగా పేలింది.

‘పుష్ప’ పార్ట్-1 రిలీజైనపుడు ‘పుష్ప అంటే ఫ్లవరనుకున్నావా.. ఫైర్’ అనే డైలాగ్‌తో ఊపేసిన అల్లు అర్జున్.. ఇప్పుడు తాను జస్ట్ ఫైర్ కాదు, వైల్డ్ ఫైర్ అంటూ తన చుట్టూ ఉన్న వాళ్లతో చెప్పించిన పంచ్ డైలాగ్ బాగా హైలైట్ అయింది. ఈ ట్రైలర్ వచ్చినప్పటి నుంచి అందరూ ‘వైల్డ్ ఫైర్’ అనే మాటతోనే ఈ సినిమాను అభివర్ణిస్తున్నారు. దర్శక ధీరుడు రాజమౌళి సైతం అదే బాటలో పయనించాడు. ‘పుష్ప-2’ ట్రైలర్ మీద ఆయన ‘ఎక్స్’లో పోస్ట్ పెట్టారు.

“పట్నాలో వైల్డ్ ఫైర్ మొదలైంది. అది దేశమంతా విస్తరిస్తోంది. డిసెంబరు 5న పేలబోతోంది. పుష్ప పార్టీ కోసం ఆగలేకపోతున్నా” అంటూ జక్కన్న ఈ ఉదయం ‘ఎక్స్’లో పోస్టు పెట్టాడు. రాజమౌళి అన్ని సినిమాలకూ ఏమీ స్పందించడు. తనకు కావాల్సిన వాళ్ల సినిమాల గురించి, లేదా తనకు బాగా నచ్చిన సినిమాల గురించే ఇలా పోస్టులు పెడతాడు. ‘పుష్ప-2’ ట్రైలర్ మీద ఒక సగటు అభిమానిలా పోస్టు పెట్టడం సోషల్ మీడియా దృష్టిని ఆకర్షిస్తోంది.

సుకుమార్ మీద రాజమౌళికి ప్రత్యేక అభిమానం అన్న సంగతి తెలిసిందే. గతంలో సుకుమార్‌తో కలిసి ఆయన ఒక ఇంటర్వ్యూలో కూడా పాల్గొన్నాడు. అంతే కాక ఓ సందర్భంగా సుకుమార్, త్రివిక్రమ్ మాస్ లీగ్‌లోకి రాలేదు కానీ.. వస్తే తనకు మించి మాస్ డైరెక్టర్లు అవుతారని పేర్కొన్నాడు. అలాగే ‘జగడం’ సినిమాలో ఓ సన్నివేశంలో మాస్ గురించి మరో ఇంటర్వ్యూలో ఒక రేంజిోల ఎలివేషన్ ఇచ్చాడు.