ఆమిర్‌తో పైడిప‌ల్లి.. సాధ్య‌మేనా?

వంశీ పైడిప‌ల్లికి యావ‌రేజ్ డైరెక్ట‌ర్ అని పేరుంది. అత‌ను గొప్ప సినిమాలేమీ తీయ‌లేదు. కానీ.. అత‌ను కెరీర్లో ఇప్ప‌టిదాకా పెద్ద పెద్ద స్టార్ల‌తోనే సినిమాలు చేశాడు. ప్ర‌భాస్, జూనియ‌ర్ ఎన్టీఆర్, అక్కినేని నాగార్జున‌, మ‌హేష్ బాబు, విజ‌య్… ఇదీ వంశీతో సినిమాలు చేసిన స్టార్ల జాబితా.

మ‌హేష్ బాబుతో చేసిన మ‌హ‌ర్షి హిట్ట‌యినా స‌రే.. రెండేళ్ల‌కు పైగా సినిమా చేయ‌లేక‌పోయాడ‌త‌ను. కానీ త‌మిళ టాప్ స్టార్ విజ‌య్ అత‌డికి ఛాన్స్ ఇచ్చి అంద‌రినీ ఆశ్చ‌ర్య‌ప‌రిచాడు. వీరి క‌ల‌యిక‌లో వ‌చ్చిన వారిసు మూవీ ఓ మోస్త‌రు ఫ‌లితాన్నందుకుంది.

ఈ చిత్రం రిలీజై రెండేళ్లు కావ‌స్తుండ‌గా.. ఇంకా వంశీ కొత్త చిత్రం ప‌ట్టాలెక్క‌లేదు. అస‌లీ మ‌ధ్య వంశీ సినిమా గురించి అస‌లు చ‌ర్చే లేదు. అత‌నూ ఎక్క‌డా క‌నిపించ‌డం లేదు. అంద‌రూ త‌న‌ను మ‌రిచిపోతున్న స‌మ‌యంలో వంశీ ఓ హాట్ న్యూస్‌తో వార్త‌ల్లోకి వ‌చ్చాడు. అత‌ను బాలీవుడ్ లెజెండ‌రీ హీరోల్లో ఒక‌డైన ఆమిర్ ఖాన్‌తో సినిమా చేయ‌డానికి ప్ర‌య‌త్నిస్తున్నాడ‌ట‌. ఇప్పుడీ వార్త టాలీవుడ్ స‌ర్కిల్స్‌లో చ‌ర్చ‌నీయాంశం అవుతోంది.

ఆమిర్ కోసం సామాజికాంశాల‌తో కూడిన ఓ క‌థ‌ను త‌యారు చేస్తున్నాడ‌ట వంశీ. దీనికి సంబంధించి లైన్ ఇంత‌కుముందే ఆమిర్‌కు చెప్ప‌గా.. ఆయ‌న సానుకూలంగా స్పందించార‌ని.. ఫుల్ స్క్రిప్టుతో ర‌మ్మ‌ని చెప్పార‌ని అంటున్నారు.

ఐతే ఇప్పుడు ఫుల్ స్క్రిప్టు రెడీ చేసిన వంశీ.. త‌న నిర్మాత దిల్ రాజుతో క‌లిసి ఆమిర్ ద‌గ్గ‌రికి న‌రేష‌న్ కోసం వెళ్తున్నార‌ట‌. ఆమిర్ అపాయింట్మెంట్ కూడా క‌న్ఫ‌మ్ అయింద‌ని స‌మాచారం. ఐతే ఆమిర్‌ను మెప్పించ‌డం అంటే చిన్న విష‌యం కాదు. ల‌గాన్, 3 ఇడియ‌ట్స్, దంగ‌ల్ స‌హా బాలీవుడ్ చ‌రిత్ర‌లోనే నిలిచిపోయే గొప్ప గొప్ప సినిమాలు చేశాడు మిస్ట‌ర్ ప‌ర్ఫెక్ష‌నిస్ట్. కాక‌పోతే ఇప్పుడు ఆమిర్ టైం ఏమంత బాగా లేదు.

చివ‌ర‌గా ఆయ‌న చేసిన లాల్ సింగ్ చ‌డ్డా డిజాస్ట‌ర్ కావ‌డంతో ఆమిర్ తీవ్ర నిరాశ‌కు గుర‌య్యాడు. రెండేళ్ల‌కు పైగా కొత్త సినిమా ఊసే ఎత్త‌లేదు. గ్యాప్ తీసుకుంటున్న‌ట్లు చెప్పాడు. ఇప్పుడు మ‌ళ్లీ క‌థ‌లు వింటున్నాడు. ఈ క్ర‌మంలోనే వంశీకి ఛాన్స్ ఇచ్చే విష‌య‌మై ఆలోచిస్తున్న‌ట్లు వార్త‌లు వ‌స్తున్నాయి. ఏదైనా స్క్రిప్టును బ‌ట్టే ఉంటుంది. మ‌రి ఆమిర్‌ను మెప్పించే స్థాయి స్క్రిప్టు వంశీ రెడీ చేశాడా మ‌రి?