ఇప్పుడు ఇండయా మొత్తం ఎంతో ఉత్కంఠగా ఎదురు చూస్తున్న సినిమా ఏది అంటే.. మరో ఆలోచన లేకుండా పుష్ప-2 అని చెప్పేయొచ్చు. మూడేళ్ల కిందట వచ్చిన పుష్ప-1 పాన్ ఇండియా స్థాయిలో సెన్సేషనల్ హిట్ అయిన నేపథ్యంతో దీని సీక్వెల్ కోసం దేశవ్యాప్తంగా ప్రేక్షకులు ఆసక్తిగా వెయిట్ చేస్తున్నారు.
విడుదలకు నెల రోజుల ముందే రకరకాల కారణాలతో పుష్ప-2 ఆన్ లైన్లో ట్రెండ్ అవుతూ వస్తోంది. ఐతే ఆ కారణాలు నెగెటివ్ కావడం ఒకింత ఆందోళన కలిగించే విషయం. కానీ త్వరలో పుష్ప-2 పాజిటివ్ కారణంతో సోషల్ మీడియాలో ట్రెండ్ కాబోతోంది. ఎందుకంటే ఈ సినిమా ట్రైలర్ రాబోతోంది. ట్రైలర్ రెడీ అవుతున్న విషయాన్ని ఇటీవలే పుష్ప-2 మేకర్స్ ట్విట్టర్లో ఒక పోస్టు ద్వారా వెల్లడించారు. త్వరలోనే అప్డేట్ ఇస్తామన్నారు. విశ్వసనీయ సమాచారం ప్రకారం పుష్ప-2 ట్రైలర్ లాంచ్కు ముహూర్తం కుదిరింది.
విడుదలకు సరిగ్గా రెండు వారాల క్రితం, అంటే నవంబరు 20న పుష్ప-2 ట్రైలర్ లాంచ్ కాబోతోంది. సుకుమార్ ఇంకా చత్రీకరణలో ఫుల్ బిజీగా ఉన్నప్పటికీ ట్రైలర్ మాత్రం రెడీ చేసేశారు. కొన్ని రోజుల పాటు ఎడిటింగ్ రూంలో కూర్చుని బెస్ట్ షాట్స్, డైలాగ్స్తో సుకుమార్ ట్రైలర్ను స్ట్రైకింగ్గా తీర్చిదిద్దినట్లు సమాచారం. ఆల్రెడీ ట్రైలర్ లాక్ అయిపోవడంతో వచ్చే రెండు మూడు రోజుల్లో ట్రైలర్ డేట్ అనౌన్స్ చేయబోతున్నారట.
ఇండియాలోని వేర్వేరు నగరాల్లో ఒకేసారి టీజర్ లాంచ్ చేసేలా ప్రత్యేకమైన ఏర్పాట్లు చేయబోతున్నారని.. ట్రైలర్ను అదే సమయంలో థియేటర్లలో కూడా ప్రదర్శిస్తారని సమాచారం. ట్రైలర్ లాంచ్ కంటే ముందే షూట్ అంతా పూర్తి చేయాలని ముందు అనుకున్నారు కానీ.. అది సాధ్యపడేలా లేదు. అప్పటికి మిగిలిన రెండు పాటల చిత్రీకరణ పూర్తవుతుంది. కొంత టాకీ పార్ట్ మిగలొచ్చని తెలుస్తోంది. ప్రస్తుతం రామోజీ ఫిలిం సిటీలో కొన్ని రోజులుగా బన్నీ-శ్రీలీల మీద ఐటెం సాంగ్ చిత్రీకరిస్తున్నారు.
This post was last modified on November 11, 2024 10:03 am
భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…
పరిటాల రవి, పరిటాల సునీతల వారసుడు, టీడీపీ యువనాయకుడు పరిటాల శ్రీరామ్.. తాజాగా జరిగిన జిల్లా పరిషత్.. చైర్మన్ ఎంపికలో…
బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…