Movie News

విక్రమ్ సెంటిమెంటుకే కమల్ ఓటు

మొన్నటి ఏడాది విక్రమ్ రూపంలో తిరుగులేని బ్లాక్ బస్టర్ సొంతం చేసుకుని ఘనమైన కంబ్యాక్ ఇచ్చిన కమల్ హాసన్ ఊహించని స్థాయిలో వసూళ్ల వర్షం కురిపించడం అభిమానులు మర్చిపోయే విషయం కాదు. అయితే ఇండియన్ 2 మీద గంపెడాశలు పెట్టుకుంటే ఆది దారుణంగా డిజాస్టర్ కావడం జీర్ణించుకోలేకపోయారు. లోకనాయకుడి మార్కెట్ తిరిగి వచ్చేసిందని ఆనంద పడుతున్న సమయంలో దర్శకుడు శంకర్ ఇచ్చిన షాక్ తీవ్ర నష్టాలు తీసుకొచ్చింది. ఇండియన్ 3 ఓటిటిలో నేరుగా వస్తుందనే ప్రచారం నేపథ్యంలో ఫ్యాన్స్ ఆశలన్నీ ధగ్ లైఫ్ మీద ఉన్నాయి. విడుదల కోసం ఎదురు చూస్తున్నారు.

కమల్ పుట్టినరోజు సందర్భంగా రిలీజ్ డేట్ అనౌన్స్ చేశారు. 2025 జూన్ 5 థియేటర్లలో అడుగు పెడుతుందని ఒక చిన్న టీజర్ ద్వారా రివీల్ చేశారు. షూటింగ్ పూర్తయిపోయి రెండు నెలలవుతున్నా అంత ఆలస్యంగా విడుదల చేయడం వెనుక ఆంతర్యం ఏమిటో కానీ విక్రమ్ సెంటిమెంట్ కనిపిస్తోంది. రెండేళ్ల క్రితం విక్రమ్ జూన్ 3 వచ్చింది. ఇప్పుడు అదే నెలలో ధగ్ లైఫ్ ని తీసుకొస్తున్నారు. నిజానికి సంక్రాంతి బరిలో ఉంటుందని కోలీవుడ్ ట్రేడ్ ఆశించింది. కానీ పోస్ట్ ప్రొడక్షన్, విఎఫెక్స్ పనులు చాలా ఉండటంతో హడావిడి పడటం ఇష్టం లేని కమల్ హాసన్ వేసవిలో రావాలని నిర్ణయం తీసుకున్నారు.

ఈ ధగ్ లైఫ్ వెనుక ప్రధాన విశేషం ఒకటుంది. ఆల్ టైం కల్ట్ క్లాసిక్ నాయకుడు తర్వాత కమల్, దర్శకుడు మణిరత్నం చేతులు కలిపింది ఈ సినిమాతోనే. మూడు దశాబ్దాలకు పైగా ఉన్న సుదీర్ఘమైన గ్యాప్ కు తగ్గట్టు బెస్ట్ మూవీ ఇవ్వాలనే ఉద్దేశంతో భారీ బడ్జెట్ తో ధగ్ లైఫ్ తెరకెక్కిస్తున్నారు. ఏఆర్ రెహమాన్ సంగీతం సమకూర్చగా త్రిష హీరోయిన్ గా నటించింది. శింబు ప్రధాన పాత్రలో కనిపించనున్నాడు. రాజ్ కమల్ బ్యానర్ గత చిత్రాలు విక్రమ్, అమరన్ ని తెలుగు రాష్ట్రాల్లో డిస్ట్రిబ్యూట్ చేసిన శ్రేష్ట్ మూవీస్ (నితిన్ ఫ్యామిలీ) కే దీని హక్కులు దక్కడం దాదాపు ఖరారు. ఇంకా అఫీషియల్ చేయలేదు.

This post was last modified on November 7, 2024 11:49 am

Share

Recent Posts

వాళ్ళముందు మన సంస్కృతిని తక్కువ చెయ్యను: కీర్తి సురేష్

కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్‌లో.. రాధిక ఆప్టే తెలుగు…

47 minutes ago

ఏపీ బీజేపీలో అసంతృప్తి సెగ‌… ఆ ఎమ్మెల్యే రాజీనామా?

ఏపీ బీజేపీలో కొన్నాళ్లుగా అసంతృప్తితోనే నాయ‌కులు ముందుకు సాగుతున్నారు. పార్టీలో ఏం జ‌రుగుతోందో.. త‌మ‌కు అర్థం కావ‌డం లేద‌ని కొన్నాళ్లుగా…

1 hour ago

పారిశ్రామిక రంగంలో చంద్రబాబు ఎక్స్ ప్రెస్ స్పీడ్

భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…

1 hour ago

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

11 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

12 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

12 hours ago