Movie News

గుడ్ జోక్….బన్నీ మీద బఘీరా కోపం !

అత్త మీద కోపం దుత్త మీద చూపిస్తే పనయ్యే రోజులు కావివి. అలా చేయొచ్చనుకోవడమే అసలు కామెడీ. ఇటీవలే కన్నడ, తెలుగుతో పాటు ప్యాన్ ఇండియా భాషల్లో బఘీరా రిలీజైన సంగతి తెలిసిందే. శ్రీమురళి హీరోగా నటించగా రుక్మిణి వసంత్ హీరోయిన్ గా చేసింది. ఈ సినిమా మీద అంతో ఇంతో ఆసక్తి రేగడానికి కారణాలు రెండు. ఒకటి కెజిఎఫ్ – సలార్ ఫేమ్ ప్రశాంత్ నీల్ కథను అందించడం. మరొకటి హోంబాలే ఫిలిమ్స్ గ్రాండ్ ప్రొడక్షన్. దీంతో సహజంగానే అంచనాలు రేగాయి. అయితే దీపావళి రోజు విడుదలైన బఘీరాకు యునానిమస్ ఫ్లాప్ టాక్ వచ్చింది. రివ్యూలు విషయం లేదంటూ తేల్చి పారేశాయి.

దీంతో సహజంగా మొదటి రోజు ఉన్న స్క్రీన్లు షోలు ఏపీ, తెలంగాణలో గణనీయంగా తగ్గించేశారు. మంచి టాక్ తెచ్చుకున్న క, అమరన్, లక్కీ భాస్కర్ లకు అవసరానికి తగ్గట్టు సర్దుబాటు చేశారు. దీంతో కొందరు శాండల్ వుడ్ ఫ్యాన్స్ కి కోపం వచ్చింది. బఘీరాని ఉద్దేశపూర్వకంగా కిల్ చేశారని, కావాలని వన్ టూ రేటింగ్స్ ఇచ్చి నెగటివ్ గా మార్చారని ఇలా ఏవేవో ఊహించేసుకుని డిసెంబర్ లో వచ్చే పుష్ప 2 మీద ప్రతీకారం తీర్చుకుంటామంటూ సోషల్ మీడియా వేదికగా శపథం చేస్తున్నారు. ఇంతకన్నా జోక్ మరొకటి ఉండదు. బఘీరాలో కంటెంట్ వీకని ఎవరైనా ఒప్పుకుంటారు. దానికింత రాద్ధాంతం అనవసరం.

వాళ్ళ మనసులో ఏమున్నా పుష్ప 2 బజ్ కంట్రోల్ చేయడం అసాధ్యం. అసలే అంచనాలు పీక్స్ లో ఉన్నాయి. కర్ణాటకలో రికార్డు ఓపెనింగ్స్ తెస్తానని అక్కడి డిస్ట్రిబ్యూటర్ స్టేజి మీద ఆల్రెడీ సవాల్ చేశాడు. అల్లు అర్జున్ కి అక్కడ పెద్ద ఫాలోయింగ్ ఉంది. బయ్యర్లు తాముగా ముందుకొచ్చి పోటీపడి మరీ షోలు వేసుకుంటారు. అసలు దీనికి భయపడే కదా కన్నడనే కాదు ఇతర భాషల్లోనూ పుష్ప 2కి పోటీగా ఎవరూ కొత్త సినిమాలు రిలీజ్ చేయడం లేదు. అయినా బఘీరా బాగోకపోతే అది సినిమా సమస్య కానీ దాన్ని దేనికో ముడిపెడితే ఎలా. ఆ మాటకొస్తే ‘క’కు బెంగళూరులో షోలే సరిగా ఇవ్వలేదు. మరి దానికేం చేయాలో.

This post was last modified on November 4, 2024 4:09 pm

Share

Recent Posts

లెజెండ్ రీఎంట్రీ… అదిరిపోలా

గుణ్ణం గంగరాజు.. ఈ పేరు ఈ తరం సినీ ప్రేక్షకులకు పెద్దగా పరిచయం లేకపోవచ్చు. కానీ 90వ దశకం నుంచి…

2 hours ago

చిరు, చరణ్‌… అల్లు అరవింద్‌కు ఎంత ముఖ్యమంటే?

మెగాస్టార్ చిరంజీవి, అల్లు అరవింద్ కుటుంబాల మధ్య అనుబంధం గురించి కొత్తగా చెప్పాల్సిన పని లేదు. వీళ్లిద్దరూ బావ బావమరదులన్న…

3 hours ago

సీఎం సహనం నశించింది రెడ్డి

తెలంగాణా కాంగ్రెస్ పార్టీలో నిత్యం ఏదో ఒక రగడ కొనసాగుతూనే వుంది. ఒకరుపోతే మరొకరు అసంతృప్తి గళం వినిపించడం మామూలై…

3 hours ago

అవకాశాల వర్షంలో అదృష్ట తార

ఇవాళ విడుదలైన ఆకాశంలో ఒక తార హీరోయిన్ సాత్విక వీరవల్లి ఇండస్ట్రీ దృష్టిలో బలంగా పడటం హాట్ టాపిక్ గా…

6 hours ago

అల్లు సినిమాస్‌పై కంప్లైంట్.. వీడియో తీసుకున్న అరవింద్

ఈ ఏడాది ఆరంభంలో మొదలైన అల్లు సినిమాస్ మల్టీప్లెక్స్ హైదరాబాద్ సినీ ప్రియుల ఫేవరెట్ స్పాట్లలో ఒకటిగా మారింది. ముఖ్యంగా…

6 hours ago

ఈ కమెడియన్ని వాడుకోండయ్యా

తెలుగు సినిమాల్లో ఒకప్పుడున్న కామెడీ వైభవం.. ఇండియాలోని ఇతర భాషల్లోనే కాదు, ప్రపంచంలోనే మరే సినీ పరిశ్రమలోనూ లేదు అంటే అతిశయోక్తి…

7 hours ago