ఒక సినిమా బాగుండటం బాగోకపోవడం పూర్తిగా దాన్ని తీసిన దర్శక నిర్మాత రచయితల బృందం మీద ఆధారపడి ఉంటుంది తప్ప ఆడియన్స్ మీదనో మీడియా మీదనో కాదు. ప్రపంచ చరిత్రలో ఏ చిత్రాన్ని వ్యక్తిగత ఎజెండాతో చంపేసిన వాళ్ళు భూతద్దం పెట్టి వెతికినా దొరకరు.
ఇప్పుడీ టాపిక్ ఎందుకంటే పొట్టెల్ సక్సెస్ మీట్ లో క్యారెక్టర్ ఆర్టిస్ట్ శ్రీకాంత్ అయ్యంగార్ రివ్యూ రైటర్ల గురించి వాడిన భాష అంత అభ్యంతరకర స్థాయిలో ఉంది కాబట్టి. ల్యాగ్ ఉందన్నారని, కథనం మెల్లగా నడిచిందని రాశారని అయ్యవారికి కోపం వచ్చింది. అందుకే ఇక్కడ రాయలేని, ప్రస్తావించలేని తిట్లతో ఊరికే ఆవేశపడిపోయారు.
బలగం మొదటి రోజు మొదటి రెండు ఆటలకు పెద్దగా జనం లేరు. తర్వాత ఏమైంది. దిల్ రాజు సైతం ఊహించలేనంత పెద్ద బ్లాక్ బస్టరయ్యింది. రైటర్ పద్మభూషణ్ నిర్మాతలు సేఫ్ అవ్వడానికి కారణం హీరో సుహాస్ ఇమేజ్ కాదు. కంటెంట్ లోని బలం. విజయ్ దేవరకొండకి గుర్తింపు తెచ్చిన పెళ్లి చూపులు ఓపెనింగ్ డే కలెక్షన్ ఎంత.
టాక్ పెరిగాక ఫైనల్ గా క్లోజ్ అయిన ఫిగర్ ఎంత. చెక్ చేసుకుంటే జనంలో వచ్చిన అభిప్రాయాలు దానికెంత దోహదపడ్డాయో అర్థమవుతుంది. ఇప్పుడే కాదు శంకరాభరణం, మాతృదేవోభవ లాంటి క్లాసిక్స్ సైతం చాలా నెమ్మదిగా పికప్ అయ్యి చరిత్ర సృష్టించినవి. చెప్పుకుంటూ పోతే ఎన్నో ఉదాహరణలు.
సో పొట్టేల్ కు సైతం ఇదే వరిస్తుంది. ఏ సమస్యా లేక, చూసిన వాళ్ళు బ్రహ్మాండంగా ఉందని పొగిడితే క్రమంగా వసూళ్లు పెరుగుతాయి. ఈ మధ్య కాలంలో తమ సినిమాకు వచ్చినంత పాజిటివ్ రివ్యూలు దేనికీ రాలేదని దర్శకుడు సాహిత్ మోత్కూరి చెప్పిన కొన్ని నిమిషాలకే శ్రీకాంత్ అయ్యంగార్ దానికి పూర్తి రివర్స్ లో మాట్లాడ్డం సినిమాను మించిన ట్విస్ట్.
ముక్కుసూటిగా మాట్లాడ్డం అంటే సభ్యత మరిచి మాటలతో ఎదురుదాడి చేయడం కాదనేది ఎవరైనా ఒప్పుకునే మాట. దాన్ని మర్చిపోయి ఇలా స్టేజి మీద విరుచుకుపడితే వైరల్ వీడియో రూపంలో పబ్లిసిటీ దక్కుతుందనుకున్నారో ఏమో. లోగుట్టు పెరుమాళ్ళకెరుక.
This post was last modified on October 26, 2024 7:44 pm
ఏపీ బీజేపీలో కొన్నాళ్లుగా అసంతృప్తితోనే నాయకులు ముందుకు సాగుతున్నారు. పార్టీలో ఏం జరుగుతోందో.. తమకు అర్థం కావడం లేదని కొన్నాళ్లుగా…
భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…
పరిటాల రవి, పరిటాల సునీతల వారసుడు, టీడీపీ యువనాయకుడు పరిటాల శ్రీరామ్.. తాజాగా జరిగిన జిల్లా పరిషత్.. చైర్మన్ ఎంపికలో…