ప్రభాస్ వ్యవహారం చాలా డిఫరెంట్గా ఉంటుంది. చాలామంది స్టార్ల లాగా బయట, సోషల్ మీడియాలో ప్రచార హడావుడి ఉండదు. సినిమాలు చేస్తాడు. అవసరమైనపుడు వాటిని కొంతమేర ప్రమోట్ చేస్తాడు. అంతే తప్ప మీడియా దృష్టిలో ఉంటూ పబ్లిసిటీ తెచ్చుకోవాలని కోరుకోడు. అదే సమయంలో ఎవరికైనా సినిమాల పరంగా సాయం అవసరమైతే ప్రమోట్ చేసి పెడతాడు.
ప్రభాస్ మీడియాకు దొరకడం మాత్రం చాలా తక్కువ. గత కొన్నేళ్లలో ప్రభాస్ పాల్గొన్న టీవీ షో.. అన్స్టాపబుల్ ఒక్కటే. అది కూడా అల్లు అరవింద్, బాలకృష్ణ అడిగేసరికి కాదనలేకపోయాడు. అది తప్ప వేరే ఏ షోలోనూ ప్రభాస్ కనిపించలేదు. ఐతే ఇప్పుడు రెబల్ స్టార్ ఎవ్వరూ ఊహించని ఓ షోలో సందడి చేయబోతున్నాడు. అదే.. నా ఉచ్ఛ్వాసం కవనం.
దివంగత, దిగ్గజ గేయ రచయిత సిరివెన్నెల సీతారామశాస్త్రి జ్ఞాపకాలను ఆయన అభిమానులు, సన్నిహితులు నెమరు వేసుకునే కార్యక్రమం ఇది. ఇందులో కృష్ణవంశీ సహా చాలామంది ప్రముఖులు పాల్గొన్నారు. సీతారామశాస్త్రితో తమకున్న అనుబంధాన్ని.. ఆయన పాటల గొప్పదనంపై తమ అభిప్రాయాలను పంచుకున్నారు. ఐతే ఎక్కువగా దర్శకులు, టెక్నీషియన్లే ఇందులో పాల్గొన్నారు. స్టార్ హీరోలెవరూ దీనికి హాజరు కాలేదు. ఇలాంటి కార్యక్రమానికి ప్రభాస్ లాంటి పాన్ ఇండియా స్టార్ రావడం ఆశ్చర్యం కలిగించే విషయమే.
ప్రభాస్ సినిమాల్లో పలు పాటలకు సిరివెన్నెల సాహిత్యం అందించినా.. ‘చక్రం’ మూవీలో ‘జగమంత కుటుంబం నాది’ చాలా ప్రత్యేకం. ప్రభాస్ తన జీవితాంతం గుర్తుంచుకునే గుర్తుంచుకునే పాట అది. ఆ పాట వల్ల సిరివెన్నెల వారితో ప్రభాస్కు ప్రత్యేకమైన కనెక్షన్ ఉంది. కాబట్టే ప్రభాస్ ఈ కార్యక్రమంలో పాల్గొనడం ప్రత్యేకం. ప్రభాస్ లాంటి పెద్ద స్టార్ సాహిత్య ప్రాధాన్యం ఉన్న ఇలాంటి కార్యక్రమంలో పాల్గొనడం ప్రశంసనీయం.
This post was last modified on October 21, 2024 5:54 pm
వచ్చే నెల నవంబర్ 14న కంగువగా రాబోతున్న సూర్య దాని ప్రమోషన్ల కోసం నార్త్ మొత్తం చుట్టేస్తున్నాడు. తమిళనాడుతో పాటు…
ఈ శుక్రవారం ఆరు కొత్త సినిమాలు విడుదల కాబోతున్నాయంటే సగటు ప్రేక్షకులు ఆశ్చర్యపోతారేమో కానీ ఇది నిజం. చిన్న చిత్రాలకు…
https://www.youtube.com/watch?v=FonKx5wvuHI దీపావళి పండగ సందర్భంగా అక్టోబర్ 31 విడుదల కాబోతున్న లక్కీ భాస్కర్ మీద మంచి అంచనాలున్నాయి. మహానటి తర్వాత…
టాలీవుడ్ నిర్మాతల సినిమాల రిలీజ్ ప్లానింగ్ చూస్తే ఆశ్చర్యం కలగక మానదు. కొంచెం క్రేజున్న సీజన్ వచ్చిందంటే చాలు వేలం…
తెలంగాణ మాజీ మంత్రి, ఎమ్మెల్యే మల్లారెడ్డికి ఎలాంటి క్రేజ్ ఉందో అందరికీ తెలిసిందే. ఆయన ఎక్కడ ఉంటే అక్కడ సందడే…
యాంగ్రీ మ్యాన్ రాజశేఖర్ ఆ మధ్య నితిన్ ఎక్స్ ట్రాడినరి మ్యాన్ లో కనిపించాక మళ్ళీ తెరమీద దర్శనం ఇవ్వలేదు.…