నందమూరి బాలకృష్ణ నటిస్తున్న ఎన్బికె 109కు సంబంధించి రెండు కీలక నిర్ణయాలు తీసుకోవడంలో టీమ్ తర్జన భర్జనలు పడుతోంది. మొదటిది టైటిల్. కొన్ని పేర్లు పరిశీలనలో ఉంచారు కానీ ఏది ఫైనలవుతుందనేది ఇంకో రెండు మూడు రోజుల్లో తేలిపోతుంది. రెండో మ్యాటర్ విడుదల తేదీ. జనవరి 9 అనుకుంటున్నట్టు ట్రేడ్ వర్గాలకు అందిన ప్రాధమిక సమాచారం మిశ్రమ స్పందన దక్కించుకుంటోంది. సంక్రాంతి పండక్కు అందరి కంటే ముందు రావడం ఓపెనింగ్స్ పరంగా ఉపయోగపడుతుంది కానీ థియేటర్ల పరంగా తర్వాత వచ్చే ఇబ్బందులు కలెక్షన్ల మీద ప్రభావం చూపిస్తాయి.
ఎందుకంటే జనవరి 10 గేమ్ ఛేంజర్ ఉంది. నిర్మాత దిల్ రాజు ఖర్చు పెట్టే విషయంలోనే కాదు డిస్ట్రిబ్యూషన్ ని సైతం ప్రతిష్టాత్మకంగా తీసుకుంటున్నారు. పెద్ద ఎత్తున థియేటర్ అగ్రిమెంట్లకు పావులు కదుపుతున్నారు. బాలయ్య 109 నిర్మాత నాగవంశీతో వ్యాపార పరంగా లావాదేవీలు, సాన్నిహిత్యం ఉన్నప్పటికీ స్వంత సినిమా దగ్గరకు వచ్చేసరికి ఎవరైనా ఒకటే అనేది ఇండస్ట్రీ సూత్రం. అలాంటప్పుడు బాలకృష్ణకు రెండో రోజు నుంచి స్క్రీన్లు తగ్గడం మొదలయ్యే ప్రమాదం ఉంది. పైగా ఒకవేళ వెంకటేష్ – అనిల్ రావిపూడి సినిమా కూడా బరిలో ఉంటే పరిస్థితి మరింత సంక్లిష్టంగా మారుతుంది.
దీనికన్నా జనవరి 12 బాలయ్య రావడం అన్ని విధాలా సేఫ్ అనేది ఫ్యాన్స్ ప్లస్ బయ్యర్స్ ఇద్దరూ అనుకుంటున్నారు. కంటెంట్ బాగుంటే లేట్ వచ్చినా సమస్య లేదు. గత ఏడాది వాల్తేరు వీరయ్య వచ్చింది వీరసింహారెడ్డి తర్వాత. రెండు హిట్టయ్యాయి కానీ రెవిన్యూ పరంగా పై చేయి సాధించింది చిరంజీవే. సో ఇలాంటి అవకాశం ఎవరికైనా రావొచ్చు. అలాంటప్పుడు జనవరి 9తో ముడిపడిన రిస్కులు విశ్లేషించుకోవడం అవసరం. దీపావళి పండక్కు అనౌన్స్ మెంట్ ఇవ్వాలి కాబట్టి ఆ లోగా డెషిషన్ జరిగిపోవాలి. ప్రస్తుతం చివరి దశ షూటింగ్ లో దర్శకుడు బాబీ, బాలయ్య ఇద్దరూ బిజీగా ఉన్నారు.
This post was last modified on October 21, 2024 1:48 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…