ఇటీవలే విడుదలైన లవ్ రెడ్డికి మిశ్రమ స్పందన వచ్చినప్పటికీ కంటెంట్ పరంగా కొంత ప్రశంసలు దక్కిన మాటా నిజమే. అయితే థియేటర్ల దగ్గర జనం లేకపోవడం టీమ్ ని నిరాశ పరిచింది. అందుకే ఎన్నడూ లేనిది మొదటిసారి ఫెయిల్యూర్ మీట్ పేరుతో ఒక ఈవెంట్ చేయడం ఇండస్ట్రీలో చర్చనీయాంశంగా మారింది.
నిజంగా సినిమా బాగుంటే కొంచెం నెమ్మదిగా అయినా ఆడియన్స్ ఆదరిస్తారని గతంలో ఎన్నోసార్లు రుజువైనప్పటికీ లవ్ రెడ్డి టీమ్ రెండో రోజే తమ నిరాశను వ్యక్తం చేసింది. ఇలా చేయడం వల్ల దక్కిన ప్రయోజనం ఏంటనేది పక్కపెడితే ఇంకో రూపంలో పెద్ద బూస్ట్ దక్కింది.
ప్యాన్ ఇండియా స్టార్ ప్రభాస్ తన ఇన్స్ టా స్టేటస్ లో లవ్ రెడ్డి గురించి మంచిగా వింటున్నానని పోస్ట్ చేయడం ఒక్కసారిగా అభిమానులను అలెర్ట్ చేసింది. గతంలో డార్లింగ్ ఇలా ఎన్నోసార్లు చేశాడు కానీ అవన్నీ అంతో ఇంతో స్టార్ క్యాస్టింగ్ లేదా పెద్ద నిర్మాణ సంస్థలకు సంబంధించినవి ఎక్కువగా ఉన్నాయి. కానీ లవ్ రెడ్డి విషయంలో అవేవీ లేవు.
అసలు కారణం ఏంటయ్యా అంటే ఎడిటర్ కోటగిరి వెంకటేశ్వరరావు గారు ఈ చిత్రం గురించి ప్రభాస్ తో మాట్లాడుతూ చెబుతూ ఏదైనా ప్రోత్సాహం దక్కితే బాగుంటుందని అన్నారట. అంతే క్షణం ఆలోచించకుండా సీనియర్ అడిగారు కాబట్టి వెంటనే స్టేటస్ పెట్టేశాడు.
ఇలాంటి ఎంకరేజ్మెంట్ చిన్న సినిమాలకు కలిగించే లాభం మాములుగా ఉండదు. ఎలాగూ వీకెండ్ కాబట్టి యూత్ లవ్ రెడ్డి వైపు చూసేందుకు ప్రభాస్ మాటలు ఖచ్చితంగా ప్రభావితం చేస్తాయి. ఊహించని క్లైమాక్స్ తో ఒక ప్రేమకథను ప్రెజెంట్ చేసిన లవ్ రెడ్డి తన ప్రమోషన్లలో చెప్పుకున్నట్టు నిజంగా బేబీ రేంజ్ లో ఉంటే పోటీ లేని బాక్సాఫీస్ వద్ద విజయం దక్కేది.
యావరేజా ఫ్లాపా అనేది పక్కనపెడితే తమ హీరో పెద్ద మనసు చూసి అభిమానులు సంబరపడుతున్నారు. ఇంకో మూడు రోజుల్లో అక్టోబర్ 23 పుట్టినరోజు రాబోతున్న సందర్భంగా ప్రభాస్ నిర్మాతల నుంచి బోలెడు అప్డేట్స్ రాబోతున్నాయి.
This post was last modified on October 20, 2024 2:42 pm
ఇటీవల దేశీయ విమానయాన రంగంలో బాంబు బెదిరింపుల సంఖ్య పెరుగుతూనే ఉంది. ఇది విమానయాన సంస్థలకు పెద్ద తలనొప్పిగా మారింది.…
ఇంకో యాభై రోజుల కంటే తక్కువ వ్యవధిలో విడుదల కాబోతున్న పుష్ప 2 ది రూల్ బిజినెస్ ఒప్పందాలు హాట్…
స్త్రీ 2 స్థాయిలో బ్లాక్ బస్టర్ అవుతుందని ఎంతో నమ్మకం పెట్టుకున్న జిగ్రా చివరికి అత్తెసరు వసూళ్లతో సరిపెట్టుకుని బాక్సాఫీస్…
ఇండియన్ ఫిలిం హిస్టరీలోనే బెస్ట్ ఎంటర్టైనింగ్ ఫ్రాంజైజీ సినిమాల్లో ‘మున్నాభాయ్’ ఒకటి. సంజయ్ దత్ కెరీర్ను గొప్ప మలుపు తిప్పుతూ…
సినిమాలు చేయడంలో మంచి వేగం చూపిస్తున్న విశ్వక్ సేన్ అంతే స్థాయిలో వరస విజయాలు అందుకోలేకపోతున్నాడు. ఎన్నో ఆశలు పెట్టుకున్న…
ఏపీ రాజకీయాల్లో కూటమి సర్కారు కొలువు దీరిన తర్వాత.. పెను మార్పులు చోటు చేసుకున్న విషయం తెలిసిందే. వైసీపీ సర్కారు…