అసెంబ్లీలో తేడా వ‌స్తే ఎత్తిప‌డేయ‌ట‌మే అంటున్న కేసీఆర్‌

అసెంబ్లీలో తేడా వ‌స్తే ఎత్తిప‌డేయ‌ట‌మే అంటున్న కేసీఆర్‌

తెలంగాణ ముఖ్య‌మంత్రి, టీఆర్ఎస్ పార్టీ అధినేత కేసీఆర్ త‌న ప్ర‌త్య‌ర్థుల‌కు ఘాటు హెచ్చ‌రిక‌లు జారీచేశారు. తేడావ‌స్తే..ఎత్తి ప‌డేయ‌టేమేన‌ని తేల్చిచెప్పారు. ఇంత‌కీ గులాబీ ద‌ళ‌ప‌తి ఇంత‌గా ఎందుకు ఫైర‌య్యారంటే...అసెంబ్లీ స‌మావేశాల గురించి. అక్క‌డ క‌ట్టుత‌ప్పుతున్న ఎమ్మెల్యేల తీరుపై. తెలంగాణ భవన్‌లో తెలంగాణ రాష్ట్ర సమితి శాసనసభా పక్ష సమావేశంలో సీఎం కే చంద్రశేఖర్‌రావు ఈ విష‌యాన్ని తేల్చిచెప్పారు.  ఈ జాతీయ రాజకీయాల్లో పోషించనున్న పాత్ర, అసెంబ్లీ బడ్జెట్ సమావేశాల్లో అనుసరించాల్సిన వ్యూహం, రాజ్యసభ అభ్యర్థుల ఎంపికపై సీఎం కేసీఆర్ సమావేశంలో ప్రధానంగా మూడు అంశాలపై సీఎం కేసీఆర్.. ఎమ్మెల్యేలు, ఎమ్మెల్సీలకు దిశానిర్దేశం చేశారు.

ఈ సంద‌ర్భంగా దేవాలయంలాంటి శాసనసభను అందరూ గౌరవించుకోవాల్సిన అవసరం ఉన్నదని సీఎం కేసీఆర్ అన్నారు. సోమవారం నుంచి ప్రారంభం కానున్న సమావేశాల్లో క్రమశిక్షణతో మెలగాలని సూచించారు. ప్రతిపక్ష కాంగ్రెస్.. గవర్నర్ ప్రసంగాన్ని అడ్డుకోవాలని ప్రయత్నిస్తుందని, సభ నుంచి సస్పెండ్ కావాలని చూస్తుందని చెప్పారు. కానీ.. మనమందరం క్రమశిక్షణతో ఉండాలని స్పష్టంచేశారు. పోడియంలోకి వచ్చి సభను అడ్డుకోవడానికి ప్రయత్నిస్త్తే గతంలో ఏ విధంగా చర్యలు తీసుకున్నారో అదేవిధంగా నిబంధనల ప్రకారం వ్యవహరిద్దామన్నారు. త‌ద్వారా తేడా వ‌స్తే...మార్ష‌ల్స్‌తో ఎత్తిప‌డేయ‌ట‌మే అనే అంశాన్ని కేసీఆర్ ప‌రోక్షంగా స్ప‌ష్టం చేశారు.

ప్రతిపక్షాన్ని సభలో ఎండగట్టే విధంగా మంత్రులు, సభ్యులు సిద్ధం కావాలని ఈ సంద‌ర్భంగా సీఎం కేసీఆర్‌ కోరారు. ప్రజాసమస్యలను లేవనెత్తి వాటి పరిష్కారానికి కృషిచేయాల్సిన ప్రతిపక్షం సభ నుంచి ఏ విధంగా సస్పెండ్ కావాలా అని చూస్తున్నదని, ఇలాంటి ప్రతిపక్షాన్ని ఎప్పుడు చూడలేదని కేసీఆర్ మండిప‌డ్డారు. భ జరుగకుండా అడ్డుకోవాలని ప్రతిపక్షం చూస్తున్నదని ఇంతకంటే దుర్మార్గమైన చర్య మరొకటి ఉండదని పేర్కొన్నారు. అధికారపార్టీ సభ్యులందరూ సభకు ప్రతిరోజూ విధిగా హాజరుకావాలని సూచించారు.

 

రాజకీయ వార్తలు

 

సినిమా వార్తలు