అక్క‌డ గ్యాస్ క‌నెక్ష‌న్ తీసుకుంటే బాహుబ‌లి టికెట్‌

అక్క‌డ గ్యాస్ క‌నెక్ష‌న్ తీసుకుంటే బాహుబ‌లి టికెట్‌

అవ‌కాశం వ‌చ్చిన‌ప్పుడే చెల‌రేగిపోవాలి. వ్యాపారంలో అవ‌కాశం కోసం క‌ళ్లు కాయ‌లు కాచేలా ఎదురుచూస్తుంటారు. ఏ మాత్రం అవ‌కాశం అనిపించినా.. వ్యాపార‌స్తుడు ఏ మాత్రం వ‌దిలిపెట్ట‌డు. తాజా ఆఫ‌ర్ చూస్తే.. ఇదే త‌ర‌హాలో క‌నిపిస్తుంది. దేశీయ సినీ అభిమానులంతా క‌ళ్లు కాయ‌లు కాచేలా ఎదురుచూస్తున్న మూవీ.. బాహుబ‌లి 2. ఈ సినిమా మ‌రి కాసేపట్లో విడుద‌ల కానుంది. ఈ సినిమా టికెట్ ను సొంతం చేసుకోవ‌టం చాలా ఈజీ అని చెబుతోంది ఒక వ్యాపార సంస్థ‌.

బాహుబ‌లి మూవీ టికెట్ దొర‌క‌టం చాలా క‌ష్టంగా ఉంద‌ని చెబుతుంటే.. అలాంటిదేమీ లేదు.. చాలా ఈజీ అంటూ చెబుతోందో వ్యాపార సంస్థ‌. ఇంత‌కీ ఆ వ్యాపార సంస్థ ఎక్క‌డ ఉందంటారా? అక్క‌డికే వ‌స్తున్నాం. ఏపీలోని గుంటూరు జిల్లా దుగ్గిరాల‌కు చెందిన హెచ్ పీ గ్యాస్ డీల‌ర్ వినూత్న రీతిలోఆఫ‌ర్‌ను ప్ర‌క‌టించారు.

ఈ నెల 30 లోపు గ్యాస్ క‌నెక్ష‌న్ తీసుకునే వారికి బాహుబ‌లి 2 టికెట్లు ఇస్తామ‌ని చెబుతున్నారు. త‌మ ద‌గ్గ‌ర గ్యాస్ క‌నెక్ష‌న్ తీసుకునే వారికి దుగ్గిరాల‌.. రేవేంద్ర‌పాడు గ్రామాల్లోని సినిమా హాళ్ల‌లో బాహుబ‌లి 2 సినిమా టికెట్ల‌ను ఫ్రీ ఇస్తామ‌ని చెబుతున్నారు. హోట‌ళ్లు.. రెస్టారెంట్లు.. మిఠాయి దుకాణాలే కాదు.. చివ‌ర‌కు గ్యాస్ ఏజెన్సీలు కూడా బాహుబ‌లి క్రేజ్‌ను త‌మ వ్యాపారం కోసం వాడుకోవ‌టం ప‌లువురు దృష్టిని ఆక‌ర్షిస్తోంది.

మ‌రోవైపు.. అమెరికాలో ప్రీమియ‌ర్ షో ప్ర‌ద‌ర్శ‌న వేళ‌లోనే.. తెలుగు రాష్ట్రాల్లో వేయాల‌ని బాహుబ‌లి టీం డిసైడ్ అయ్యింది. దీంతో.. ఈ రోజు (గురువారం) రాత్రి 10 గంట‌ల షో నుంచే బాహుబ‌లి2 వెండితెర‌పై ఆవిష్కృతం కానుంది. ఇందుకు సంబంధించిన ఏర్పాట్ల‌న్నీ పూర్తి చేయ‌ట‌మే కాదు.. టికెట్ల‌ను కూడా అమ్మేస్తున్నారు.

 

రాజకీయ వార్తలు

 

సినిమా వార్తలు