ఇండియన్ క్రికెట్లో ఈ ఆదివారం చాలా ప్రత్యేకమైన రోజుగా చెప్పుకోవాలి. ఘోర పరాజయం తప్పదనుకున్న మ్యాచ్లో అద్భుత పోరాటంతో డ్రాతో గట్టెక్కింది టీమ్ ఇండియా. ప్రత్యర్థి జట్టుకు 300కు పైగా ఆధిక్యం సమర్పించుుకని.. ఐదు సెషన్లకు పైగా ఆట మిగిలి ఉండగా రెండో ఇన్నింగ్స్ మొదలుపెట్టి, ఒక్క పరుగూ చేయకముందే రెండు వికెట్లు కోల్పోయిన జట్టు మ్యాచ్ను డ్రాగా ముగిస్తుందని ఎవ్వరూ ఊహించరు. కానీ కేఎల్ రాహుల్, శుభ్మన్ గిల్, రవీంద్ర జడేజా, వాషింగ్టన్ సుందర్ల అసాధారణ పోరాటంతో భారత జట్టు అసాధ్యాన్ని సుసాధ్యం చేసింది. మ్యాచ్ను డ్రా చేసుకుని సగర్వంగా నిలబడింది.
ఐతే భారత జట్టును చుట్టేయడానికి విశ్వప్రయత్నం చేసి విఫలమైన ఇంగ్లాండ్ జట్టు.. ఆ అసహనంలో మ్యాచ్ చివర్లో ప్రవర్తించిన తీరు తీవ్ర విమర్శలకు దారి తీస్తోంది. స్టోక్స్, అతడి సహచరులు.. జడేజా, సుందర్లతో వ్యవహరించిన తీరును ఇంగ్లాండ్ మాజీ ఆటగాళ్లే తప్పుబడుతున్నారు. మ్యాచ్లో మాండేటరీ ఓవర్లు (చివరి 15) మొదలు కావడానికి ముందు ఇంగ్లాండ్ కెప్టెన్ స్టోక్స్.. జడేజా, సుందర్లతో డ్రా కోసం చేతులు కలపడానికి ప్రయత్నించాడు. కానీ మన వాళ్లు డ్రాకు అంగీకరించలేదు. అప్పటికి జడేజా స్కోరు 89 కాగా, సుందర్ 80 పరుగులు చేశాడు. కాసేపు ఆడితే ఇద్దరూ సెంచరీలు పూర్తి చేస్తారు. వాళ్లు అప్పటిదాకా పడ్డ కష్టానికి శతకాలతో ముగించాలని కోరుకోవడంలో తప్పు లేదు.
కానీ అదేదో పెద్ద తప్పు అన్నట్లుగా స్టోక్స్ అండ్ కో చాలా అతి చేశారు. బ్యాటర్లయిన బ్రూక్, డకెట్లతో బౌలింగ్ చేయించాలా.. సెంచరీ చేసుకుంటావా అంటూ జడేజాతో వెటకారంగా మాట్లాడాడు స్టోక్స్. మిగతా ఇంగ్లాండ్ ఆటగాళ్లు కూడా ఆ సమయంలో చేసిన ఓవరాక్షన్ అంతా ఇంతా కాదు. మనవాళ్లకు ఏదో సెంచరీల పిచ్చి ఉన్నట్లుగా ప్రొజెక్ట్ చేయడానికి ప్రయత్నించింది ఇంగ్లిష్ జట్టు. మనవాళ్లు డ్రాకు నిరాకరించాక స్టోక్స్ కావాలనే బ్రూక్తో బౌలింగ్ చేయించి మన వాళ్లను తేలిక చేయడానికి చూశాడు. ఇలా చేయడాన్ని ఇంగ్లాండ్ మాజీ కెప్టెన్ నాసిర్ హుస్సేన్ సైతం తప్పుబట్టాడు.
వాళ్లు డ్రా ఆఫర్ చేయగానే మనవాళ్లు ఒప్పేసుకోవాలట. ఒకవేళ ఇంకో పది ఓవర్ల ముందు మనవాళ్లు డ్రా కోసం ప్రతిపాదిస్తే వాళ్లు ఒప్పుకునేవాళ్లా? ఇక మ్యాచ్ గెలిచే అవకాశం లేదని తెలియగానే డ్రాకు ప్రపోజల్ పెట్టారు. ఐతే ఇంగ్లాండ్ ఆటగాళ్లు అంత అతి చేసినా.. జడేజా, సుందర్ తొణకలేదు. హుందాగా వ్యవహరించారు. ఇద్దరూ సెంచరీలు పూర్తి చేసుకుని, అప్పుడు డ్రాకు ఒప్పుకుని సగర్వంగా మైదానాన్ని వీడారు. ఈ మొత్తం వ్యవహారంలో ఇంగ్లాండ్ ఆటగాళ్ల బలుపు స్పష్టంగా బయటపడింది. అందుకే క్రికెట్ ప్రపంచమంతా వాళ్ల మీద విమర్శలు గుప్పిస్తోంది. ఇండియన్స్ అయితే సోషల్ మీడియాలో స్టోక్స్ అండ్ కోను ఏకిపడేస్తున్నారు.
This post was last modified on July 28, 2025 3:00 pm
తిరుపతి లడ్డూ తయారీలో కల్తీ నెయ్యి వాడకం వ్యవహారం సద్దుమణగక ముందే ఏపీ సీఎం చంద్రబాబును అంబటి రాంబాబు దుర్భాషలాడిన…
ఫోన్ ట్యాపింగ్ కేసులో నంది నగర్ లోని కేసీఆర్ నివాసంలోనే విచారణ జరుపుతామని సిట్ అధికారులు రెండోసారి కేసీఆర్ కు…
ఈ ఏడాది మార్చి-ఏప్రిల్ మధ్య జరిగే తెలుగు సంవత్సరాది ఉగాది పర్వదినానికి భారీ ప్రకటన చేసేందుకు ఏపీ మంత్రి నారా…
ఏపీ సీఎం చంద్రబాబును మాజీ మంత్రి, వైసీపీ నేత అంబటి రాంబాబు దుర్భాషలాడిన వైనంపై టీడీపీ నేతలు, కార్యకర్తలు మండిపడుతున్నారు.…
తెలంగాణ ప్రభుత్వం... పెట్టుబడులకు స్వర్గధామంగా మారుస్తామని చెబుతున్న హైదరాబాద్లో గన్ కల్చర్ పెరుగుతోందా? అంటే.. ఔననే సమాధానమే వినిపిస్తోంది. వ్యక్తిగతంగా…
ఏపీ సీఎం చంద్రబాబుపై వైసీపీ నేత, మాజీ మంత్రి అంబటి రాంబాబు చేసిన అసభ్యకరమైన వ్యాఖ్యలు పెను దుమారం రేపుతున్న…