పవన్ కళ్యాణ్ కెరీర్ లో ఎవర్ గ్రీన్ క్లాసిక్స్ అని చెప్పుకోదగ్గ సినిమాల్లో తొలిప్రేమ స్థానం చాలా ప్రత్యేకం. అప్పట్లో దీని రికార్డుల గురించి పత్రికల్లో పేజీలు పేజీలు వచ్చేవి. కమర్షియల్ హంగులు లేకుండా కేవలం లవ్, ఎమోషన్స్, మ్యూజిక్ తో రూపొందిన ఈ బ్లాక్ బస్టర్ పెద్ది దర్శకుడు బుచ్చిబాబుకి గొప్ప స్ఫూర్తి అనే విషయం ఇవాళ బయట పడింది. ఉస్తాద్ భగత్ సింగ్ ప్రీ రిలీజ్ ఈవెంట్ హైదరాబాద్ లో జరిగిన సందర్భంగా ఆయన ఎవరికీ చెప్పని సంగతులు పంచుకున్నారు.
బుచ్చిబాబు చదువుకునే రోజుల్లో తొలిప్రేమ విడుదలయ్యింది. కిరణ్ రాజ్ అనే తోటి విద్యార్ధి ఇంటర్ మీడియట్ స్టేట్ థర్డ్ వచ్చాడు. దానికి కారణం ఏంటయ్యా అంటే అతను పవన్ వీరాభిమాని కావడమేనట. సో కిరణ్ కంటే గొప్పవాడు కావాలంటే ఏదో సాధించాలనే ఉద్దేశంతో అప్పటికప్పుడు బుచ్చిబాబు డైరెక్టర్ అయిపోవాలని నిర్ణయించుకున్నాడు. తొలిప్రేమలో ‘హేప్పా ఏమైందో ఏమో ఈ వేళ’ పాటకు థియేటర్ పైకప్పు ఎగిరిపోవడం చూసి మనసులో డిసైడైపోయి హైదరాబాద్ వచ్చేశాడు.
అలా మొదలైన ప్రయాణం సుకుమార్ శిష్యుడిగా మార్చి ఇప్పుడు రామ్ చరణ్ తో పెద్ది చేసే దాకా తీసుకొచ్చింది. ఒకవేళ తొలిప్రేమ ఇన్స్ ఫైర్ చేయకపోయి ఉంటే బుచ్చిబాబు బహుశా పిఠాపురంలోనే ఉండిపోయేవారేమో. పవన్ ని చూసి పరిశ్రమకు వచ్చి ఇప్పుడు ఏకంగా ఆయన అన్నయ్య మెగాస్టార్ అబ్బాయిని డైరెక్ట్ చేసే స్థాయికి ఎదగడం అంటే మాములు విషయం కాదు. అందుకే పిఠాపురం ఎమ్మెల్యే పవన్ కళ్యాణ్ కావడం మా అదృష్టం అంటారు బుచ్చిబాబు.
ఈ వేడుక జరుగుతున్న టైంలోనూ బుచ్చిబాబు పెద్ది షూటింగ్ లోనే ఉన్నాడు. హాజరు కావడం కోసం త్వరగా పూర్తి చేసి రామ్ చరణ్ కు చెప్పి వచ్చేశారు. చిరంజీవి దగ్గర ఎంత నేర్చుకున్నానో అంతకు వంద రెట్లు బాబాయ్ పవన్ కళ్యాణ్ దగ్గర నేర్చుకున్న మాటను చరణ్ స్వయంగా బుచ్చిబాబుకు చెప్పి పంపడం విశేషం. మొత్తానికి ఎక్కడో పిఠాపురంలో ఉండే ఒక సామాన్య కుర్రాడు ఇప్పుడు పెద్ది లాంటి ప్యాన్ ఇండియా మూవీని డైరెక్ చేసే స్థాయికి రావడం వెనుక అసలు కారణం తొలిప్రేమన్నమాట.
This post was last modified on March 16, 2026 12:20 am
మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…
టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…
టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…
ఏపీ పంచాయతీ ఎన్నికల వేళ ఓ స్వామీజీ కూడా ఎన్నికల రంగంలోకి దిగారు. ఉమ్మడి అనంతపురం జిల్లా మడకశిర నియోజకవర్గంలోని…
తన కుమార్తె అంజలి పెళ్లిని బెంగళూరులోని యలహంక ప్యాలెస్లో చేస్తామని ప్రకటించిన ఏపీ కాంగ్రెస్ అధ్యక్షురాలు షర్మిల పంతం ఒకవైపు..…
ఏపీలో గ్రామ పంచాయతీ ఎన్నికల కోలాహలం జరుగుతున్న క్రమంలో జనసేన పార్టీ కీలక నిర్ణయం తీసుకుంది. ఈ ఎన్నికల్లో ఎలాంటి…