“తెలంగాణ పోలీసులు ట్రాఫిక్ విషయంలో కఠినంగా ఉంటారు. ఖచ్చితంగా ఉంటారు.”- ఇదీ.. కొన్నిరోజుల కిందట పోలీసు బాస్ చేసిన కామెంట్లు. చలాన్లపై రాష్ట్ర వ్యాప్తంగా ముఖ్యంగా హైదరాబాదీలు.. వ్యక్తం చేసిన బాధను ఆయన పట్టించుకునీ పట్టించుకోకుండా.. తన వారిని వెనుకేసుకువచ్చిన తీరు.. పెద్ద చర్చకు దారితీసింది. దీంతో అసలు సామాన్యులేనా.. పోలీసులు మాత్రం వాహనాల డ్రైవింగ్ , ట్రాఫిక్ రూల్స్ విషయంలో తప్పులు చేయడం లేదా? అనే ప్రశ్నలు కూడా తెరమీదికి వచ్చాయి. ఇతరులను హెల్మెట్ పెట్టుకోవాలని.. ట్రిపుల్ రైడింగ్ వద్దని చెప్పే పోలీసులు.. వారు కూడా పాటించాలి కదా! అనే చర్చ కూడా తెరమీదికి వచ్చింది.
ఈ క్రమంలో హైదరాబాద్ ట్రాఫిక్ మెన్(ఖచ్చితమైన నిబంధనలు పాటించే వ్యక్తిగా)గా పేరొంది.. పలు మార్లు సామాజిక పురస్కారాలు కూడా అందుకున్న లోకేంద్ర సింగ్.. తాజాగా పోలీసుల ట్రాఫిక్ వైలేషన్స్పై పక్కా సమాచారాన్ని రాబట్టారు. ఇదేదో.. ఎక్కడో చూసి.. ఎవరో చెప్పగా.. ఆయన వెలుగులోకి తెచ్చింది కాదు. సాక్షాత్తూ.. సమాచార హక్కు చట్టం కింద.. ప్రభుత్వం (డీజీపీ ఆఫీసు)నుంచే పక్కా సమాచారం రాబట్టేశారు. దానిని లోకేంద్రసింగ్ మీడియాకు వెల్లడించడంతో ‘పోలీసోళ్లకూ చలాన్లు పడ్డాయ్’ అనే విషయం బట్టబయలైంది.
అంతేకాదు.. సాధారణంగా ఒకటి రెండు చలాన్లు పెండింగులో ఉంటేనే ముక్కుపిండి మరీ వసూలు చేసే పోలీసులు.. తమ విషయానికి వస్తే.. ఏకంగా లక్షల రూపాయలను పెండింగులో పెట్టారు. ట్రిపుల్ రైడింగ్, ఓవర్ స్పీడ్, నో హెల్మెంట్, నోడీఎల్, సహా.. రాష్ డ్రైవింగ్ చేసిన కేసులు కూడా ఉన్నాయి. ఏకంగా 17 వేల 391 చలానాలు పెండింగులో ఉన్నాయని డీజీపీ ఆఫీసే వెల్లడించింది. చిత్రం ఏంటంటే.. ఇవన్నీ హైదరాబాద్ పరిధిలోవే కావడం గమనార్హం. మొత్తంగా ఈ చలాన్ల కింద పోలీసులు కట్టాల్సిన సొమ్ము.. 68 లక్షల, 67 వేల రూపాయలకు పైగానే ఫైన్ కింద చెల్లించాలి.
అయితే.. ఈ సొమ్మును ఎవరు కడతారు? అనేది కీలక ప్రశ్న. వాహనాలన్నీ.. ఎవరు నడిపినా.. కేసులు ఎవరిపై నమోదైనా.. ప్రస్తుతం ఉన్న నిబంధనల మేరకు డీజీపీ చెక్కు ద్వారా ఆ సొమ్మును చెల్లించాలి. ఈ సొమ్ము ఆయనకు ఎక్కడ నుంచి వస్తుంది..? అంటే.. ప్రభుత్వం కేటాయించి హోం శాఖ నిధుల నుంచి ఆయన చెల్లిస్తారు. అంటే.. మళ్లీ అది ప్రజల సొమ్మే. అయితే.. ఇది ఎలా ఉన్నా.. పోలీసులు కూడా ట్రాఫిక్ను ఉల్లంఘిస్తున్నారన్న విషయం వెలుగులోకి పక్కా ఆధారాలతో వచ్చేసరికి నెటిజన్లు బుగ్గలు నొక్కుకుంటున్నారు. మాకేనా రూల్స్ మీకు లేవా?.. ఆ చలానాలు ఎవరైతే వాహనాలునడిపారో.. (కానిస్టేబుల్, హోం గార్డ్, హెడ్ కానిస్టేబుల్ స్తాయి) వారి నుంచి వసూలు చేయాలన్న డిమాండ్లు వినిపిస్తున్నాయి.
This post was last modified on May 4, 2025 11:07 am
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…