ప్రముఖ పారిశ్రామిక వేత్త రతన్ టాటా చివరి ఉత్తర్వుల్లో అద్భుత ట్విస్ట్ అందరిని ఆశ్చర్యానికి గురి చేసింది. సాధారణంగా కుటుంబ సభ్యులు లేదా స్నేహితుల కోసం ఆస్తులను కేటాయించవచ్చన్న అంచనాలను తలకిందులు చేస్తూ, ఒక ఆశ్చర్యకరమైన వ్యక్తికి భారీగా 500 కోట్ల రూపాయలు కేటాయించడం చర్చనీయాంశంగా మారింది. ఈ అదనపు లబ్ధిదారుడు మోహిని మోహన్ దత్తా అని తెలుస్తోంది.
మోహిని మోహన్ దత్తా పేరు టాటా గ్రూప్తో పెద్దగా సంబంధం లేకపోయినా, ఆయన రతన్ టాటాకు అత్యంత నమ్మకమైన వ్యక్తిగా ఉన్నారని తెలుస్తోంది. ట్రావెల్ వ్యాపార రంగానికి చెందిన దత్తా కుటుంబం స్టాలియన్ అనే ట్రావెల్ ఏజెన్సీని నిర్వహించేది. ఇది 2013లో టాజ్ హోటల్స్ లో భాగమైన టాజ్ సర్వీసెస్తో విలీనం అయ్యింది. ఈ విలీనానికి ముందు, స్టాలియన్ కంపెనీలో 80% వాటా దత్తా కుటుంబానికి ఉండగా, మిగతా వాటా టాటా ఇండస్ట్రీస్కు చెందినది.
రతన్ టాటాతో ఆరు దశాబ్దాల అనుబంధం
టాటా గ్రూప్ వర్గాల సమాచారం ప్రకారం, మోహిని మోహన్ దత్తా రతన్ టాటాతో 60 ఏళ్లకు పైగా బంధాన్ని కొనసాగించిన వ్యక్తి. 1960ల్లో జంషెడ్పూర్లో జరిగిన మొదటి పరిచయం తర్వాత, ఈ ఇద్దరి మధ్య మంచి అనుబంధం ఏర్పడింది. దత్తా గతంలో రతన్ టాటా తనను వ్యక్తిగతంగా ఎలా ఆదుకున్నారో పలు సందర్భాల్లో వెల్లడించినట్లు సమాచారం. 2024 అక్టోబర్లో రతన్ టాటా అంత్యక్రియల సందర్భంగా కూడా ఆయన ఈ బంధాన్ని ప్రస్తావించారు.
ఇదిలా ఉంటే, రతన్ టాటా తన సంపదలో పెద్ద భాగాన్ని ధార్మిక, సేవా కార్యక్రమాలకు కేటాయించారు. ఆయన సోదరీమణులు కూడా తమ వాటాను దానం చేసే అవకాశం ఉందని టాటా కుటుంబ వర్గాలు చెబుతున్నాయి. టాటా ఫౌండేషన్ ద్వారా టాటా ట్రస్ట్లకు భారీగా ఆస్తులు వెళ్లే అవకాశం ఉంది.
ఈ వారసత్వ వ్యవహారం రతన్ టాటా కుటుంబ సభ్యులందరికీ ఆశ్చర్యంగా మారింది. ముఖ్యంగా మోహిని మోహన్ దత్తా పేరు చాలా మందికి అంతగా తెలిసినది కాదు. అయితే, ఆయనకు ఈ భారీ మొత్తం కేటాయించడాన్ని కుటుంబ సభ్యులు ఆత్మీయ బంధంతోనే చూడాల్సి ఉంటుందని పరిశీలకులు భావిస్తున్నారు. మొత్తం మీద, రతన్ టాటా తన సంపదను ఊహించని విధంగా పునర్వ్యవస్థీకరించడమే కాకుండా, తన నమ్మకస్తుడికి ఊహించని బహుమతిని ఇచ్చినట్లయ్యింది.
ఈ నెల విడుదలవుతున్న సినిమాల్లో చెన్నై లవ్ స్టోరీ మీద మంచి అంచనాలున్నాయి. దర్శకుడు రవి నంబూరి అయినప్పటికీ, కథ…
ప్రభాస్ కెరీర్లో బిగ్గెస్ట్ హిట్లలో ఒకటవుతుందని అభిమానులు అంచనాలు పెట్టుకున్న చిత్రం.. రాజాసాబ్. ముందు మారుతి దర్శకత్వంలో ప్రభాస్ సినిమా…
సలార్ లో వరదరాజ మన్నార్ గా తెలుగు ప్రేక్షకులకు దగ్గరైన మలయాళ హీరో పృథ్విరాజ్ సుకుమారన్ ఆ తర్వాత తెలుగులో…
మొన్న విడుదలైన రావు బహదూర్ సినిమాకు కొందరు విమర్శకుల ప్రశంసలు దక్కాయి. ఫస్ట్ హాఫ్ మరీ నెమ్మదిగా ఉన్నా సెకండాఫ్…
తెలుగులో ఒకప్పుడు చిన్న సినిమాల కథానాయకుడిగా చాలా ఏళ్ల పాటు కెరీర్ను నడిపించాడు శివాజీ. కానీ తర్వాత అతడి మనసు…
ఏపీలో ప్రతిపక్షంగా ఉన్న వైసీపీలో చీలిక రానుందా? ఆ పార్టీ నాయకులు చీలిపోవడమో.. లేక కూటమిలోని ఓ పార్టీలో చేరిపోవడమో…