పిఠాపురం నియోజకవర్గం నుంచి పోటీ చేస్తున్న జనసేన అధినేత పవన్ కల్యాణ్.. విజయం కోసం.. మెగా కుటుంబం రోడ్డెక్కిన విషయం తెలిసిందే. నాగబాబు, ఆయన సతీమణి, కుమారుడు, మేనల్లుడు ఇలా.. వరుస పెట్టి చాలా మంది మెగా కుటుంబానికి చెందిన హీరోలు, నటులు పిఠాపురంలో పవన్ గెలుపు కోసం ప్రయత్నిస్తున్నారు. ఈ క్రమంలో మెగా స్టార్ చిరంజీవి కూడా రంగంలోకి దిగుతున్నారని.. మే 7న ఆయన పిఠాపురం వస్తున్నారని.. పెద్ద ఎత్తున ప్రచారం జరిగింది.
అయితే.. చిరంజీవి బిజీ షెడ్యూల్లో ఉన్నారో..ఏమో ఆయన భౌతికంగా మాత్రం పిఠాపురం రాలేదు. తాజాగా వీడియో సందేశం ఒకటి విడుదల చేశారు. దీనిలో తన తమ్ముడు పవన్ కల్యాణ్ను గెలిపించాలని ఆయన ప్రజలకు విన్నవించారు. ‘అమ్మ కడుపులో ఆఖరికి పుట్టినా.. జనానికి మంచి చేయడంలో ముందుంటాడు. తాను బలంగా నమ్మిన సిద్ధాంతం కోసం జీవితాన్ని రాజకీయాలకు అంకితం చేసిన శక్తిశాలి పవన్. ప్రజల కోసం ఆ శక్తిని వినియోగించాలంటే, ఆ గొంతు చట్ట సభల్లో వినిపించాలంటే పిఠాపురం ఓటర్లు జనసేనాని గెలిపించాలి’ అని పిలుపునిచ్చారు.
అధికారంలో లేకపోయినా.. తాను సంపాయించుకున్న సొంత సొమ్మును కౌలు రైతులకు, సైనికులకు అదేవిధంగా ఇబ్బందుల్లో ఉన్నవారికి పంచి ఇచ్చిన పవన్ను ఆదరించాలని కోరారు. “పవన్ గళం అసెంబ్లీలో వినిపిస్తే.. మీకోసం పోరాడతాడు.. మీ కోసం కలబడతాడు. మీ సమస్యలపై పోరాటం చేస్తాడు. “ అని చిరు అన్నారు. అధికారంలో లేకపోయినా.. ఇంత చేశాడంటే.. ఎమ్మెల్యేగా గెలిస్తే.. ఇంకెంత చేస్తాడో ఊహించుకోవాలన్నారు. సినిమాల్లోకి ఇష్టం లేకుండా వచ్చినా.. రాజకీయాల్లోకిఇష్టంతోనే వచ్చాడని అన్నారు. పిఠాపురం ప్రజలు ఆయనను ఆదరించాలని కోరారు.
This post was last modified on May 7, 2024 12:34 pm
కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్లో.. రాధిక ఆప్టే తెలుగు…
ఏపీ బీజేపీలో కొన్నాళ్లుగా అసంతృప్తితోనే నాయకులు ముందుకు సాగుతున్నారు. పార్టీలో ఏం జరుగుతోందో.. తమకు అర్థం కావడం లేదని కొన్నాళ్లుగా…
భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…