Political News

క‌డ‌ప ఎంపీ బ‌రిలో ష‌ర్మిల‌!

పంతం నీదా-నాదా.. అన్నట్టుగా సాగుతున్న ఏపీసీసీచీఫ్ వైఎస్ ష‌ర్మిల రాజ‌కీయాలు చివ‌ర‌కు క‌డ‌ప‌కు చేరాయ‌ని తెలుస్తోంది. వాస్త‌వానికి ఆమె అసెంబ్లీకి పోటీ చేయాల‌ని అనుకున్నా.. పార్టీ అధిష్టానం ఆమెను క‌డ‌ప ఎంపీ బ‌రిలో నిలవాల‌ని ఒత్తిడి చేసిన‌ట్టు స‌మాచారం. దీంతో ష‌ర్మిల‌.. క‌డ‌ప నుంచి పోటీ చేయాల‌ని దాదాపు ఒక నిర్ణ‌యానికి వ‌చ్చిన‌ట్టు తెలుస్తోంది. ప్ర‌స్తుత‌ సీఎం జ‌గ‌న్‌ త‌మ పార్టీని నాశ‌నం చేశార‌న్న ఆవేద‌న‌లో ఉన్న కాంగ్రెస్.. ఆయ‌న‌ను దెబ్బకొట్టాల‌ని ప్ర‌య‌త్నిస్తోంది.

ఈ క్ర‌మంలో ష‌ర్మిల‌ను క‌డ‌ప నుంచి పోటీ చేయాల‌ని ఏఐసీసీ వర్గాలు ఒత్తిడి తెచ్చాయని తెలుస్తోంది. జగన్ ను ఆయన సొంత ఇలాఖాలోనే దెబ్బ కొట్టాలని, అందుకు షర్మిలను పోటీలో నిలబెట్టడమే మార్గమని భావించిన‌ట్టు తెలుస్తోంది. దీనిపై ఒకటి రెండు రోజుల్లో అధికారికంగా పార్టీ నుంచి ప్రకటన వెలువడే అవకాశం ఉంది. ఇదిలావుంటే ఏపీ, తెలంగాణ నుంచి లోక్ సభ బరిలో నిలిచే పార్టీ అభ్యర్థుల పేర్లపై కాంగ్రెస్ అగ్ర‌నేత‌లు క‌స‌ర‌త్తు ముమ్మ‌రం చేశారు.

ఈ నెల 25న లోక్ సభ అభ్యర్థుల జాబితాను ఏపీసీసీ విడుదల చేయనుందని, అందులో తొలి పేరు పార్టీ రాష్ట్ర అధ్యక్షురాలు షర్మిలదేనని భావిస్తున్నారు. ఇదిలావుంటే, కడప నుంచి వైసీపీ అభ్యర్థిగా వైఎస్ అవినాష్‌ రెడ్డికే పార్టీ అధినేత, సీఎం జగన్ మ‌రోసారి టికెట్ ఇచ్చారు. అయితే.. జ‌గ‌న్ చిన్నాన్న‌ మాజీ మంత్రి వైఎస్ వివేకానంద రెడ్డి హత్య కేసులో అవినాష్‌ ఆరోపణలు ఎదుర్కొంటున్నారు. ప్ర‌స్తుతం ఆయ‌న బెయిల్‌పై ఉన్నారు. ఈ క్ర‌మంలో గ‌త ఏడాది అరెస్టు నుంచి త‌ప్పించుకునేందుకు అనేక నాట‌కీయ ప‌రిణామాలు చోటు చేసుకున్నాయి.

ఈ ప‌రిణామాలు అవినాష్‌ రెడ్డికి వ్యతిరేకత పెంచి ఓటర్లు కాంగ్రెస్ ను ఆదరిస్తారని హైకమాండ్ భావిస్తోంది. మరోవైపు, వైఎస్ షర్మిల వైజాగ్ నుంచి లోక్ సభకు పోటీ చేస్తారని ఇటీవల ప్రచారం జరిగింది. తాజాగా ఆమె కడప ఎన్నికల బరిలో నిలుస్తారని పార్టీ వర్గాల్లో చర్చ జరుగుతోంది. ఇంకోవైపు.. పులి వెందుల నుంచి కూడా వైఎస్ వివేకా కుటుంబం పోటీ చేసే అవ‌కాశం క‌నిపిస్తోంది. వివేకా స‌తీమ‌ణిని కాంగ్రెస్‌లోకి తీసుకునేందుకు ప్ర‌య‌త్నాలు జ‌రుగుతున్నాయి.

This post was last modified on March 18, 2024 2:19 pm

Share

Recent Posts

వాళ్ళముందు మన సంస్కృతిని తక్కువ చెయ్యను: కీర్తి సురేష్

కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్‌లో.. రాధిక ఆప్టే తెలుగు…

25 minutes ago

ఏపీ బీజేపీలో అసంతృప్తి సెగ‌… ఆ ఎమ్మెల్యే రాజీనామా?

ఏపీ బీజేపీలో కొన్నాళ్లుగా అసంతృప్తితోనే నాయ‌కులు ముందుకు సాగుతున్నారు. పార్టీలో ఏం జ‌రుగుతోందో.. త‌మ‌కు అర్థం కావ‌డం లేద‌ని కొన్నాళ్లుగా…

54 minutes ago

పారిశ్రామిక రంగంలో చంద్రబాబు ఎక్స్ ప్రెస్ స్పీడ్

భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…

1 hour ago

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

11 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

11 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

11 hours ago