టీడీపీ, జనసేనల పై వైసీపీ అధినేత ఏపీ సీఎం జగన్ ఇటీవల చేసిన వ్యాఖ్యలు దుమారం రేపుతున్న సంగతి తెలిసిందే. ఫ్యాన్ ఇంట్లో ఉండాలి, సైకిల్ ఇంటి బయట ఉండాలి, గ్లాస్ సింక్ లో ఉండాలి అంటూ టీడీపీ గుర్తు సైకిల్ ను, జనసేన గ్లాస్ గుర్తును జగన్ అవమానించిన వైనంపై టీడీపీ, జనసేన నేతలు మండిపడుతున్నారు. ఆల్రెడీ ఈ విషయంలో జగన్ కు జనసేన నేత, పవన్ కళ్యాణ్ సోదరుడు నాగబాబు కౌంటర్ కూడా ఇచ్చారు. ఈ క్రమంలోనే తాజాగా జగన్ పై ఓ పిట్టకథతో నాగబాబు మరోసారి కౌంటర్ ఇచ్చారు.
విమానాలు తుడిచే ఓ వ్యక్తికి విమానం నడపడం ఎలా అనే పుస్తకం దొరికిందని ఆ వ్యక్తిని జగన్ తో పోలుస్తూ నాగబాబు చురకలంటించారు. విమానం ఇంజన్ స్టార్ట్ కావడం కోసం ఆకుపచ్చ బటన్ నొక్కాలని, విమానం కదిలేందుకు పచ్చ బటన్ నొక్కాలని రాసుందని సంక్షేమ పథకాలకు జగన్ బటన్లు నొక్కుతున్న వైనంపై విమర్శలు గుప్పించారు. విమానం వేగం అందుకోవడానికి నీలం బటన్, గాల్లో విమానం ఎగిరేందుకు ఆరెంజ్ బటన్ నొక్కాలని ఉండటంతో వెనకా ముందు ఆలోచించకుండా ఆ బటన్లను ఆ వ్యక్తి నొక్కేశాడని నాగబాబు చెప్పారు.
ఇక విమానం గాల్లోకి ఎగిరిన తర్వాత విమానం కిందకు దిగేందుకు ఈ పుస్తకం రెండో వాల్యూమ్ కొనుక్కోవాలి అనడంతో విమానాలు తుడిచే వ్యక్తి అవాక్కయ్యాడని నాగబాబు సెటైర్లు వేశారు. విమానం అయినా, అధికారం అయినా అవకాశం వచ్చింది కదా అని అనుభవం లేని వాడు ఎక్కితే ఇలాగే ఉంటుందని, విమానం, రాష్ట్రం సర్వనాశనం కాక తప్పదు అని నాగబాబు చేసిన వ్యాఖ్యలు వైరల్ అవుతున్నాయి. ప్రభుత్వం నడపడం అంటే బటన్ నొక్కడం కాదని, సమర్థత, అనుభవం కూడా ఉండాలని జగన్ పై నాగబాబు పరోక్షంగా చురకలంటించారు. ప్రస్తుతం జగన్ పై నాగబాబు చేసిన ట్వీట్ సోషల్ మీడియాలో వైరల్ గా మారింది.
దర్శకుడు లొకేషన్లో లేకుండా సినిమా తీయడం సాధ్యం అవుతుందా? అదెలా సాధ్యం అంటారా? సింగ్ గీతం టీం ఈ విషయాన్ని…
నిజమేనండోయ్… ఏ విషయంలో అయినా టీడీపీ అధినేత, ఏపీ సీఎం నారా చంద్రబాబు నాయుడు… జనసేన అధినేత, ఏపీ డిప్యూటీ…
తెలుగులో చాలా కొద్ది మంది హీరోయిన్లకు మాత్రమే సాధ్యమైన స్టార్ ఇమేజ్ సంపాదించింది సమంత. విజయశాంతి, అనుష్కల తర్వాత హీరోలతో…
కేవలం పది కోట్ల బడ్జెట్లో తెరకెక్కిన సినిమా.. అబ్సెషన్. ఈ హాలీవుడ్ హార్రర్ మూవీ విడుదలైనప్పటి నుంచి వరల్డ్ వైడ్…
స్టార్ హీరో సినిమాల రిపీట్ వేల్యూకి ప్రధానంగా దోహదం చేసేది పాటలే. ఫైట్లు, ఎలివేషన్లు, యాక్షన్ ఎపిసోడ్లు ఎక్కువ లేని…
సంక్రాంతికి రిలీజైన మన శంకరవరప్రసాద్ గారులో ప్రాణ స్నేహితులుగా నటించిన చిరంజీవి, వెంకటేష్ మొదటిసారి స్క్రీన్ పంచుకుని ఎంత పెద్ద…