అవును.. దాదాపు పదేళ్లకు పైనే అయ్యింది జనసేన అధినేత పవన్ కల్యాణ్ ఇంటికి తెలుగుదేశం పార్టీ అధినేత చంద్రబాబు వెళ్లి. 2014లో ఎన్నికలకు ముందు ఈ రెండు పార్టీల మధ్య తొలిసారి పొత్తుల వేళలో పవన్ నివాసానికి వెళ్లిన చంద్రబాబు.. మళ్లీ ఇన్నాళ్లకు ఆయన ఇంటికి వెళ్లారు. అప్పట్లో పొత్తు కేవలం మద్దతు రూపంలో ఉందే తప్పించి.. రెండు పార్టీల మధ్య సీట్ల సర్దుబాటు లేదన్నది మర్చిపోకూడదు. అప్పటి పరిస్థితులకు అనుగుణంగా టీడీపీ.. బీజేపీ కూటమికి తాను అన్ కండీషనల్ గా మద్దతు ఇస్తానని పవన్ చెప్పటమే కాదు.. అందుకు తగ్గట్లే వ్యవహరించటం తెలిసిందే. ఏమీ ఆశించకుండా.. పూర్తిస్థాయిలో మద్దతు ఇస్తున్న పవన్ తీరుకు చంద్రబాబు అప్పట్లో ముచ్చటపడ్డారని చెబుతారు.
అందుకు తగ్గట్లే.. ఆయన ఇంటికి వెళ్లిన వైనం ఆసక్తికరంగా మారింది. చంద్రబాబు స్వయంగా తన ఇంటికి రావటంపై పవన్ మరింత సానుకూలంగా స్పందించేందుకు దోహదపడినట్లుగా చెబుతారు. కట్ చేస్తే.. ఆ తర్వాత పవన్ నివాసానికి చంద్రబాబు వెళ్లింది లేదు. మిత్రులు కాస్తా ప్రత్యర్థులుగా మారటం.. తర్వాతి కాలంలో మళ్లీ స్నేహితులు కావటం లాంటి పరిణామాలు గడిచిన పదేళ్లలో చోటు చేసుకున్నాయి. అన్నింటికి మించి.. స్కిల్ స్కాం ఎపిసోడ్ లో జైలుకు వెళ్లిన చంద్రబాబును పరామర్శించేందుకు సొంత పార్టీ నేతలు సైతం కిందా మీదా పడుతున్న వేళ.. అవేమీ పట్టించుకోకుండా పవన్ స్పందించిన వైనం అప్పట్లో హాట్ టాపిక్ గా మారింది.
మిత్రుడు అంటే పవన్ కల్యాణ్.. మిత్రపక్షం అంటే జనసేన అన్నట్లుగా ఉండటాన్ని తెలుగుదేశం వర్గీయులు సైతం గుర్తించారు. అప్పటివరకు జనసేనతో పొత్తు విషయంలో పెద్దగా ఆసక్తి చూపని టీడీపీలోని ఒక వర్గం సైతం మనసు మార్చుకున్నట్లు చెబుతారు. ఇప్పుడున్న పరిస్థితుల్లో పవన్ మద్దతు ఎంత అవసరమన్నది చంద్రబాబు అరెస్టు ఎపిసోడ్ లో గుర్తించినట్లుగా తెలుగు తమ్ముళ్లు తమ ప్రైవేటు సంభాషణల్లో మాట్లాడుకోవటం కనిపిస్తుంది.
ఇలా తమకు అండగా నిలిచిన పవన్ కల్యాణ్ తో పొత్తు మాత్రమే కాదు.. దీర్ఘకాలం పాటు రిలేషన్ ఉండాలన్న అభిప్రాయం తమ్ముళ్లలో అంతకంతకూ పెరుగుతోంది. మిత్రధర్మాన్ని పాటించే విషయంలో చంద్రబాబు కంటే పవన్ కల్యాణ్ ఎక్కువగా రియాక్టు అవుతుంటారన్న మాట వినిపిస్తోంది. ముందు వెనుకా చూసుకోకుండా దూసుకెళ్లటం.. మిత్రుడి కోసం కాపు కాసేలా వ్యవహరించే పవన్ తీరుపై తెలుగుదేశంలోనూ పాజిటివ్ కోణం అంతకంతకూ పెరుగుతోంది.
ఇవన్నీ ఇలా ఉంటే.. జనసైనికుల వెర్షన్ వేరుగా ఉందని చెబుతారు. ఎంతసేపటికి పవన్ పూసుకోవటమే తప్పించి.. తెలుగుదేశం నుంచి పెద్దగా రియాక్షన్ లేదని..తమ అధినేత అదే పనిగా చంద్రబాబును కలుస్తుంటారు కానీ.. ఆయన మాత్రం తమ అధినేతను ఎందుకు కలవరన్న శంక ఒకటి ఉంది. ఇలాంటి కొన్నిఅంశాలు తరచూ చర్చలకు వస్తున్నాయి. ఇలాంటి ఫీడ్ బ్యాక్ ను తన సన్నిహిత వర్గాల నుంచి అందుకున్న చంద్రబాబు.. అలాంటి ప్రచారానికి చెక్ చెప్పేందుకు వీలుగా పవన్ ఇంటికి వెళ్లారని చెబుతున్నారు. మొత్తానికి పదేళ్లకు కానీ పవన్ ఇల్లు చంద్రబాబుకు గుర్తుకు రాలేదన్న మాట చూస్తే.. జనసైనికుల్లోని అసంత్రప్తి కొట్టొచ్చినట్లుగా కనిపించక మానదు. దీన్ని తొలగించే బాధ్యత చంద్రబాబుదే అన్న విషయాన్ని మర్చిపోకూడదు.
This post was last modified on December 18, 2023 10:22 am
యానిమల్ విడుదలైన టైంలో, అంతకు ముందు కబీర్ సింగ్ సమయంలో బాలీవుడ్ విమర్శకులు, కొందరు నటీనటులు అదే పనిగా దర్శకుడు…
ఎన్నికల ప్రచారంలో ఎండనక.. వాననక.. నానా కష్టాలూ పడిన రాజకీయ ప్రముఖులు, పోలింగ్ తర్వాత, కౌంటింగ్కి ముందు.. కొంత ఉపశమనం…
పిఠాపురంలో జనసేన అధినేత పవన్ కళ్యాణ్ మీద పోటీకి దిగిన వైసీపీ ఎంపీ (కాకినాడ) వంగా గీత, జనసేన పార్టీలోకి…
ఏపీలో రాజకీయాలు కీలక మలుపు తిరిగాయి. ఎన్నికల పోలింగ్ జరిగిన ఈ నెల 13న, ఆ రోజు తర్వాత కూడా..…
దేశంలో జరుగుతున్న సార్వత్రిక ఎన్నికల ఐదో దశ పోలింగ్ సోమవారం ఉదయం 7 గంటలకు ప్రారంభం కానుంది. మొత్తం 6…
లోక్ సభ ఎన్నికల ఫలితాలు వచ్చిన వెంటనే తెలంగాణలో ఉన్న 33 జిల్లాలను 17 జిల్లాలకు కుదిస్తారని వస్తున్న వార్తలు…