తెలంగాణ బీజేపీ అభ్య‌ర్థులు వీరేనా? కొత్త జాబితా హ‌ల్చ‌ల్!

మ‌రో ఏడెనిమిది మాసాల్లో ఎన్నిక‌లు జ‌ర‌గ‌నున్న తెలంగాణలో బీజేపీ త‌ర‌ఫున పోటీ చేసేది వీరే అంటూ.. ఒక జాబితా ఇప్పుడు సోష‌ల్ మీడియాలో హ‌ల్చ‌ల్ చేస్తోంది. కొన్నాళ్ల కింద‌ట‌.. కాంగ్రెస్ పార్టీ త‌ర‌ఫున పోటీ చేసేవారి జాబితా ఒక‌టి తెర‌మీద‌కి వ‌చ్చింది. ఇది అప్ప‌ట్లో సంచ‌ల‌నంగా మారింది. అయితే.. కాంగ్రెస్ పార్టీ కీల‌క నాయ‌కులు మాత్రం ఈ జాబితాను అప్ప‌ట్లో ఖండించారు. ఇంకా ఎలాంటి నిర్ణ‌యం తీసుకోలేద‌న్నారు.

ఇదిలావుంటే, తాజాగా తెలంగాణలో అసెంబ్లీ నియోజకవర్గాల నుండి పోటీ చేయనున్న అభ్యర్థుల మొదటి లిస్టు అంటూ.. బీజేపీ నేత‌ల పేర్ల‌తో ఓ భారీ జాబితా సోష‌ల్ మీడియాలో వైర‌ల్ అయింది. దీని ప్ర‌కారం.. కేంద్ర మంత్రి బీజేపీ చీఫ్‌ గంగాపురం కిషన్ రెడ్డి అంబర్‌పేట‌, కే లక్ష్మణ్ ముషీరాబాద్, బండి సంజయ్ కరీంనగర్, సోయం బాపూరావు బోధ్, ధర్మపురి అరవింద్ ఆర్మూరు, ఈటెల రాజేందర్ గజ్వేల్, రఘునందన్ రావు…. దుబ్బాక, డీకే అరుణ…. గద్వాల్, జితేందర్ రెడ్డి… మహబూబ్ నగర్,
కోమటిరెడ్డి రాజగోపాల్ రెడ్డి.. మునుగోడు నుంచి పోటీ చేస్తార‌ని తెలుస్తోంది.

ఇక‌, కీల‌క నేత మురళీధర్ రావు వేములవాడ లేదా కూకట్‌ప‌ల్లి, ఎన్ ఇంద్రసేనారెడ్డి….. ఎల్బీనగర్, వివేక్….. చెన్నూరు, విజయశాంతి…. మెదక్, ఎండల లక్ష్మీనారాయణ…. నిజామాబాద్ అర్బన్, రామచంద్రరావు…. మల్కాజిగిరి, ఎన్ వి ఎస్ ఎస్ ప్రభాకర్…ఉప్పల్, ఆచారి….. కల్వకుర్తి, జయసుధ…. సికింద్రాబాద్, రాథోడ్ రమేష్…. ఆసిఫాబాద్, పొంగులేటి సుధాకర్ రెడ్డి…. ఖమ్మం , బాబు మోహన్… ఆందోల్, నందీశ్వర్ గౌడ్… పటాన్ చెరువు, బూర నర్సయ్య గౌడ్… భువనగిరి, విశ్వేశ్వర్ రెడ్డి… తాండూరు, గరికిపాటి మోహన్ రావు…. వరంగల్, ఈటెల జ‌మున‌.. హుజూరాబాద్, విక్రమ్ గౌడ్… గోషామహల్ నుంచి పోటీ చేయ‌నున్న‌ట్టు ప్ర‌చారం జ‌రుగుతోంది. దీనిలో రాజాసింగ్ పేరు లేక‌పోవ‌డం గ‌మ‌నార్హం.