Political News

ఎన్నిక‌ల మేనిఫెస్టోపై ప‌వ‌న్ క్లారిటీ

వ‌చ్చే ఎన్నిక‌ల్లో విజ‌యం ద‌క్కించుకుని అధికారంలోకి వ‌స్తామ‌ని చెబుతున్న జ‌న‌సేన అధినేత ప‌వ‌న్ క‌ళ్యాణ్‌.. ఇటీవ‌ల కాలంలో దాదాపు మేనిఫెస్టోను ప్ర‌క‌టించేస్తున్నారు. అంతేకాదు.. తాను సీఎం అయ్యాక చేసే తొలి రెండు సంత‌కాలు ఇవే అని కూడా చెబుతున్నారు. దీంతో ఎన్నిక‌ల మేనిఫెస్టోపై ప‌వ‌న్ క్లారిటీకి వ‌చ్చేశారా? అనే చ‌ర్చ సాగుతోంది. ఇటీవ‌ల ఇప్ప‌టంలో జ‌రిగిన మీడియా స‌మావేశంలో ఆయ‌న ఆస‌క్తికర వ్యాఖ్య‌లు చేశారు.

తాను సీఎం కాగానే.. రాష్ట్రంలోని ఉద్యోగుల‌కు సీపీఎస్ ర‌ద్దు చేస్తాన‌ని హామీ ఇచ్చారు. అంతేకాదు.. ఇదే త‌న రెండో సంత‌కం అని కూడా ప్ర‌క‌టించి ఉద్యోగుల‌ను మ‌చ్చిక చేసుకునే ప్ర‌య‌త్నం చేశారు. అయితే, దీనిపై ప‌వన్ కు ఉద్యోగుల నుంచి ఆశించిన రియాక్ష‌న్ అయితే రాలేదు. కానీ, ఆయ‌న మాత్రం దూకుడు ఏమాత్రం త‌గ్గించ‌లేదు. తొలి సంత‌కం.. సుగాలి ప్రీతికి న్యాయం చేయ‌డం పైనే ఉంటుంద‌ని అన్నారు. ఇక‌, తాజాగా విజ‌యన‌గ‌రంలో జ‌గ‌న‌న్న ఇళ్ల‌ను ప‌రిశీలించేందుకు వెళ్లిన ప‌వ‌న్‌.. అక్క‌డ మీడియాతో మాట్లాడుతూ.. ప్ర‌జ‌ల‌పై ఎన్నిక‌ల వ‌రాలు కురిపించారు.

తాము అధికారంలోకి వస్తే..ప్రస్తుతం ఉన్న సంక్షేమ పథకాలు యథావిథిగా కొనసాగిస్తామని ప‌వ‌న్ చెప్పారు. అంటే.. ఇప్ప‌టి వ‌ర‌కు వైసీపీ అనుస‌రించిన ప‌థ‌కాల‌ను అమ్మ ఒడి, రైతు భ‌రోసా, విద్యాకానుక వంటి అన్నింటినీ తాము అమ‌లు చేస్తామ‌ని చెప్పుకొచ్చారు. వీటికి అద‌నంగా.. ఇసుకను కూడా ఉచితంగా ఇస్తామని పవన్ కళ్యాణ్ ప్రకటించారు. అంతేకాదు, ప్ర‌స్తుత రాష్ట్ర ప్రభుత్వం బాధ్యతారహితంగా వ్యవహరిస్తోందని, తాము అధికారంలోకి వ‌చ్చాక‌.. బాధ్య‌తాయుత ప్ర‌భుత్వాన్ని ఏర్పాటు చేస్తామ‌ని హామీ ఇచ్చారు.

అవినీతి ర‌హితంగా రాష్ట్రాన్ని పాలిస్తామ‌ని ప‌వ‌న్ ప్ర‌క‌టించారు. ఎవరు అవినీతికి పాల్పడినా.. జైలు ఊచలు లెక్కపెట్టాల్సిందేనని సీఎం జగన్ ఉద్దేశించి అన్నారు. మొత్తానికి ప‌వ‌న్ ఎన్నిక‌ల‌కు ఏడాదిన్న‌ర ముందే.,. హామీలు ప్ర‌క‌టించ‌డం, సంత‌కాలు చేస్తుండ‌డం ఆస‌క్తిగా మారింది. మ‌రి దీనికి ప్ర‌జ‌ల నుంచి ఎలాంటి స్పంద‌న వ‌స్తుందో చూడాలి.

This post was last modified on November 14, 2022 6:52 am

Share

Recent Posts

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

37 minutes ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

51 minutes ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

1 hour ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

1 hour ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

2 hours ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

2 hours ago