రా! తేల్చుకుందాం.. చంద్ర‌బాబుకు స్పీక‌ర్ స‌వాల్‌

ఆముదాలవలస నియోజకవర్గంలో ప్రతిష్టాత్మక విద్యాసంస్థలు కేటాయించారని.. విమర్శిస్తున్న గుడ్డివారికి అభివృద్ధి ఏం కనిపిస్తుందని స్పీకర్ తమ్మినేని సీతారాం పేర్కొన్నారు. ఎన్నికల్లో ప్రజలు తీర్పునిస్తారని.. ఎవరు ఎలాంటివారో ప్రజలకు తెలుసన్నారు. అచ్చెన్నాయుడుకి వచ్చే ఎన్నికల్లో ఎవరు దద్దమ్మలో తెలుస్తుందని తమ్మినేని పేర్కొన్నారు. ఉత్తరాంధ్రకి వారేం చేశారో.. మేం ఏం చేశామో.. తేల్చుకుందాం.. చర్చకు రండి అని సవాల్ విసిరారు.

అయితే చర్చకు మాత్రం అచ్చెన్నాయుడు లాంటి పానకంలో పుడకలు వద్దన్నారు. డైరక్ట్‌గా టీడీపీ అధినేత చంద్రబాబుకి సవాల్ విసురుతున్నానన్నారు. ఉత్తరాంధ్రకు 3 ఏళ్లలో మేం ఏం చేశామో… 14 ఏళ్లలో ఆయన ఏం చేశారో చర్చిద్దాం రావాలన్నారు. పేర్లు మార్చిన ఘనత టీడీపీదేనన్నారు. తన దగ్గర చాంతాడంత లిస్ట్ ఉందని తమ్మినేని పేర్కొన్నారు. ఎవ‌రు ఎలాంటి వారో త‌న‌కు తెలుసున‌న్నారు. ప్ర‌స్తుతం రాష్ట్రంలో టీడీపీ ప‌రిస్థితి దారుణంగా ఉంద‌న్నారు.

కాగా.. గ‌తంలో టీడీపీలో ఉన్న‌ప్పుడు.. ఇదేచంద్ర‌బాబును.. పొగ‌డ్త‌ల‌తో ముంచెత్తిన వీడియోను టీడీపీ నేత లు వెంట‌నే విడుద‌ల చేశారు. ఆ వీడియోల్లో ఒక‌ప్పుడు.. చంద్ర‌బాబు ను టికెట్ కోసం.. అభ్య‌ర్థిస్తున్న‌ట్టు ఉండ‌డం గ‌మ‌నార్హం. త‌ర్వాత‌.. సీతారాం.. ప్ర‌జారాజ్యం పార్టీలోకి వెళ్లారు. ఆ త‌ర్వాత‌.. వైసీపీలోకి వ‌చ్చారు. ఇలా.. ఆయ‌న రాజ‌కీయ చ‌రిత్ర‌ను ఉటంకిస్తూ.. టీడీపీనేతలు ఒక వీడియోను వైర‌ల్ చేయ‌డం.. గ‌మ‌నార్హం. మొత్తానికి స్పీక‌ర్ స్తానంలో ఉండి.. రాజ‌కీయాలు మాట్టాడ‌డం.. ఇలా సవాళ్లు రువ్వ‌డం వంటివి తీవ్ర వివాదానికి దారితీస్తుండ‌డం గ‌మ‌నార్హం.. అంటున్నారు ప‌రిశీల‌కులు.