బీజేపీతో జనసేన పార్టీ పొత్తులో ఉంది. వచ్చే ఎన్నికల్లో కలిసే పోటీ చేస్తామని.. బీజేపీ నాయకులు పదే పదే చెబుతున్నారు. అంతేకాదు.. వేరే పార్టీలతో తమకు అవసరం కూడా లేదని చెబుతున్నారు. ఇంతవరకు బాగానే ఉంది. కానీ, జనసేన వైపు నుంచే అనేక సందేహాలు తెరమీదికి వస్తున్నాయి. ప్రస్తుతం నెల్లూరు జిల్లా ఆత్మకూరు నియోజకవర్గానికి జరుగుతున్న ఉప ఎన్నికలో బీజేపీ రంగంలోకి దిగింది. అయితే.. ఇదే స్థానం నుంచి జనసేన పోటీకి దూరంగా ఉంది. నిజానికి ఇప్పటికి రెండు సార్లు రాష్ట్రంలో ఉప ఎన్నిక జరగ్గా.. ఒక్కసారి కూడా బీజేపీ .. తమ పొత్తుపార్టీ అని చెప్పుకొనే జనసేనకు అవకాశం ఇవ్వలేదు.
గతంలో తిరుపతి, బద్వేల్లోనూ బీజేపీ పోటీ చేసింది. తిరుపతి విషయంలో తొలుత జనసేన పోటీ చేస్తానని చెప్పినా.. పట్టుబట్టి.. బీజేపీ పోటీ చేసింది. ఇక, ఇప్పుడు కూడా జనసేన పోటీకి దూరంగా ఉంటానని చెప్పినప్పటికీ.. పొత్తు పార్టీ బీజేపీ మాత్రం పోటీకి దిగింది. అంతేకాదు.. ఆత్మకూరులో బీజేపీ అభ్యర్థి నామినేషన్ వేసే సమయంలో.. జనసేన నాయకుడు ఇక్కడ తమ తరఫున ప్రచారం చేస్తారని బీజేపీ నేతలు ప్రకటించారు. కానీ, ఇప్పటి వరకు ఎక్కడా క్లారిటీ రాలేదు. అంతేకాదు.. జనసేన జెండాలు కూడా బీజేపీ వెంట కనిపించడం లేదు.
దీంతో అసలు బీజేపీ పక్షాన జనసేన ప్రచారం చేస్తుందా? లేదా? అనేది ప్రశ్నగా మారింది. ఆత్మకూరు నియోజకవర్గంలో.. మెగా అభిమానులు ఎక్కువని.. వారంతా తమ వెంటే ఉంటారని.. బీజేపీ చీఫ్ సోము వీర్రాజు చెప్పుకొచ్చారు. కానీ, మెగా కుటుంబం మాట ఎలా ఉన్నప్పటికీ.. పవన్ మాత్రం తన అభిమానులకు కూడా ఎలాంటి సందేశం పంపించలేదు. దీంతో ఇక్కడ బీజేపీకి మద్దతు పలికే జనసేన నాయకులు కనిపించలేదు. మరోవైపు.. అసలు బీజేపీ తరఫున కూడా పెద్దగా ఎవరూ ప్రచారం చేయడం లేదు. దీంతో ఇక్కడ బీజేపీ ఓటమి రాసిపెట్టుకున్నట్టు అయింది.
గెలుపు ఓటములు ఎలా ఉన్నప్పటికీ.. అసలు జనసేన.. బీజేపీ పొత్తులో ఉన్నాయా? లేవా? అనే సందేహాలు తెరమీదికి వస్తున్నాయి. వచ్చే ఎన్నికల నాటికి టీడీపీతో కలిసి వెళ్లాలని.. జనసేన ప్రయత్నాలు చేస్తుంటే.. టీడీపీతో కలిసి వెళ్లేందుకు బీజేపీ ససేమిరా అంటున్న పరిస్థితి కనిపిస్తోంది. ఈ నేపథ్యంలోనే జనసేన ఇప్పుడు.. ఆత్మకూరు ప్రచారానికి సైతం దూరంగా ఉందని విశ్లేషకులు అంచనా వేస్తున్నారు. ఏదెలా చూసినా.. పొత్తు మాటల మాటున బీజేపీ పైచేయి సాధించే ప్రయత్నాలు చేయడం గమనార్హం.
This post was last modified on June 20, 2022 10:45 am
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…