Political News

విజయసాయిపై విరుచుకుపడ్డ బండ్ల గణేష్

నటుడు, నిర్మాత బండ్ల గణేష్ పవర్ స్టార్ పవన్ కళ్యాన్ భక్తుడే అయినా.. రాజకీయంగా అందరితోనూ సన్నిహితంగా ఉండేందుకే ప్రయత్నిస్తుంటాడు. గత అసెంబ్లీ ఎన్నికలకు ముందు కాంగ్రెస్ పార్టీలో చేరి కాస్త హడావుడి చేసినప్పటికీ.. ఫలితాలు తిరగబడేసరికి ఏదో ఒక పార్టీతో జట్టు కడితే కష్టమని సైలెంటైపోయాడు. అప్పట్నుంచి తెలంగాణ ముఖ్యమంత్రి కేసీఆర్‌ను తెగ పొగుడుతున్నాడు. తన అభిమాన కథానాయకుడి పార్టీ జనసేనకూ మద్దతు ఇస్తున్నాడు.

ఏపీలో అధికారంలో ఉన్న వైకాపాకు చెందిన నాయకుల్లో తనకు నచ్చిన వారిని మాత్రం సందర్భాన్ని బట్టి పొగుడుతుంటాడు. ఐతే ఇప్పుడు ఓ వైకాపా అగ్రనేతపై బండ్ల ఉన్నట్లుండి విరుచుకుపడిపోయాడు. ఆ నేత మరెవరో కాదు.. ఎంపీ విజయసాయిరెడ్డి. ఇప్పటిదాకా బండ్ల ట్విట్టర్ హ్యాండిల్లో ఎప్పుడూ చూడని తీవ్రమైన పదజాలంతో విజయసాయిపై ట్వీట్లు పడ్డాయి. కమ్మ కులం మీద అదే పనిగా దాడి చేయడాన్ని తప్పుబడుతూ విజయసాయిపై ట్వీట్ల వర్షం కురిపించాడు బండ్ల.

“మీకు కులం నచ్చకుంటే …కమ్మ వాళ్ళు నచ్చకుంటే నేరుగా తిట్టండి. చంద్రబాబును, టీడీపీని అడ్డం పెట్టుకొని కమ్మ వారిని తిట్టకండి”

“అధికారం శాశ్వతం కాదు. రేపు నువ్వు తప్పకుండా మాజీ అవుతావు. ప్రతి కమ్మ వారు తెలుగుదేశం కాదు. నేను కమ్మ వాణ్ణే కానీ టిడిపి కాదు. నీకు నచ్చకుంటే వ్యక్తి పేరు పెట్టి తిట్టు. కానీ కులాన్ని కాదు…నిన్ను జైల్ కు పంపింది… కమ్మ వారు కాదు”
“త్వరలో నువ్వు జగన్ కు వెన్నుపోటు పొడిచే దరిద్రుడివి. ఈ ట్వీట్ తరువాత నన్ను ఎంత ఇబ్బంది పెడతావో తెలుసు. అన్నిటికీ సిద్ధపడే చేస్తున్నా”
“కష్టాన్ని నమ్ముకున్న రైతులం మేము. విశాఖలో దోచుకొని హైదరాబాద్ కు తరలిస్తున్నవు …ఇది ప్రపంచానికి తెలుసు”
“వైజాగ్ ని కుదిపేసిన తూఫాన్ నయం నీ కన్నా. రెండు రోజులు ఊపేసి పోయింది. దేశం గర్వించే సిటీని నీ పాపాలతో అయ్యో పాపం విశాఖ చేసావ్ విష సాయి”
“అన్న కోసం రాష్ట్రమంతా తిరిగిన చెల్లిని ఆ అన్నకి దూరం చేయగలిగిన దగుల్భాజీవి.. నిన్ను జగన్ గారు కట్ చెయ్యడం ఖాయం. ఆ కట్ కి జనం కారం పెట్టడం ఖాయం”
“అయ్యా ఆంధ్ర కి పట్టిన అష్ట దారిద్రమా, నీ పిచ్చకి నీ కుల పిచ్చకి నీ డబ్బు పిచ్చకి కమ్మ కులాన్ని బలిచేయ్యాలని చూస్తే చరిత్ర నీకు తిరిగి చర్లపల్లి చూపిస్తుంది”

ఇవీ విజయసాయిపై బండ్ల వేసిన ట్వీట్ల పరంపరలో కొన్ని. మరి ఉన్నట్లుండి విజయసాయిపై బండ్ల గణేష్ ఈ స్థాయిలో విరుచుకుపడటానికి ప్రత్యేక కారణం ఏంటో తెలియడం లేదు. కేవలం విజయసాయి కమ్మవారిని టార్గెట్ చేస్తున్నందుకే ఇలా రియాక్టయ్యాడా లేక వ్యక్తిగతంగా ఏమైనా విజయసాయి వల్ల బండ్ల ఇబ్బంది పడ్డాడా అన్నది తెలియాల్సి ఉంది.

This post was last modified on April 16, 2022 3:39 pm

Share

Recent Posts

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

2 hours ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

2 hours ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

2 hours ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

3 hours ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

3 hours ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

3 hours ago