అవును… ఇప్పుడు అందరి దృష్టీ ఏపీ అసెంబ్లీ వైపే ఉంది. శుక్రవారం జరిగిన పరిణామాల నేపథ్యంలో టీడీపీ అధినేత చంద్రబాబు.. మీడియా ముందుకు రావడం.. కన్నీరు పెట్టడం.. ఇది నందమూరి కుటుంబాన్ని కూడా కదిలించడం.. రాష్ట్ర వ్యాప్తంగా తీవ్ర నిరసనలు రావడం.. వంటి పరిణామాలు తెలిసిందే.
ముఖ్యంగా నందమూరి కుటుంబం మొత్తం ఏకమై.. సభా కార్యక్రమాలపై విమర్శలు చేయడం.. టీడీపీ నాయకులు తీవ్రస్థాయిలో నిరసన వ్యక్తం చేయడం.. అందరినీ ఆలోచనకు గురిచేసింది. ఈ నేపథ్యంలో రంగంలోకి దిగిన మంత్రులు పేర్నినాని, బాలినేని శ్రీనివాసరెడ్డి, కన్నబాబు వంటి వారు వివరణ ఇచ్చారు.
అయినప్పటికీ.. చంద్రబాబు విషయంలో రగిలిన చిచ్చు.. ఆరే పరిస్థితి కనిపించలేదు. దీనికితోడు.. ఆయన చేసిన శపథం.. నేను సీఎం అయ్యే వరకు.. సభలోకి అడుగుపెట్టనన్న విషయం కూడా ఇంకా చర్చనీయాశం గానే మారింది. ఈ నేపథ్యంలో ఇప్పుడు.. వైసీపీ అధినేత, ముఖ్యమంత్రి జగన్కు అన్ని వైపుల నుంచి ఒకింత ఒత్తిడైతే పెరిగింది. ఈ నేపథ్యంలో ఇప్పుడు జగన్ ఏం చేస్తారు? అనే చర్చ సాగుతోంది. ఈ క్రమంలోనే అందరి చూపూ.. అసెంబ్లీ వైపు పడింది. శుక్రవారం తీవ్ర వివాదంతో వాయిదా పడిన సభ.. సోమవారం ప్రారంభం కానుంది.
ఈ నేపథ్యంలో సోమవారం ప్రారంభమయ్యే సభలో స్వయంగా సీఎం జగనే ఈ వివాదంపై వివరణ ఇచ్చే అవకాశం ఉందని తెలుస్తోంది. ఎందుకంటే..ఇప్పటి వరకు చంద్రబాబు విషయంలో నందమూరి కుటుంబం పెద్దగా స్పందించలేదు. కానీ, భువనేశ్వరి విషయంలో వచ్చిన వివాదం నేపథ్యంలో ఈ ఫ్యామిలీ ఒకింత భావోద్వేగంతోనే రియాక్ట్ అయింది. దీనికితోడు ఈ అంశంపై జగన్ ఏం చెబుతారో ఎదురు చూస్తున్నామంటూ ఎన్టీఆర్ కుటుంబ సభ్యులు వ్యాఖ్యానించారు.
ఈ నేపథ్యంలో ప్రభుత్వం పక్షాన జగన్ చేసే కామెంట్లకు ప్రాధాన్యం ఏర్పడింది. ఇక, రాజకీయంగా కూడా జగన్పై మరకలు పడుతున్న నేపథ్యంలో ఆయన ఖఛ్చితంగా స్పందించి తీరుతారని అంటున్నారు. మరి ఏం చేస్తారో చూడాలి.
This post was last modified on November 21, 2021 11:13 am
ఏప్రిల్ చివరి వారం అంటే పీక్ సమ్మర్.. ఈ టైంలో పెద్ద పెద్ద సినిమాలతో థియేటర్లు కళకళలాడుతుండాలి. రెండు గంటలు…
సామాజిక పింఛన్ల పై పిడుగు పడినట్టు అయింది. వృద్ధులు, దివ్యాంగులు, వితంతులు, ఒంటరి మహిళ లు.. వంటి సామాజిక పింఛనుపై…
ఏపీలో జరుగుతున్న సార్వత్రిక ఎన్నికలకు సంబంధించి అధికార పార్టీ వైసీపీ తాజాగా ఎన్నికల మేనిఫెస్టోను ప్రకటించిన విషయం తెలిసిందే. 2019…
స్టార్ హీరోల పోటీని తట్టుకుని బ్లాక్ బస్టర్ మించిన వసూళ్లను సాధించిన హనుమాన్ కొనసాగింపు జై హనుమాన్ ఆల్రెడీ ప్రకటించిన…
టాలీవుడ్లో ఎంతోమంది లెజెండరీ డైరెక్టర్లు ఉన్నారు. వాళ్ల దగ్గర శిష్యరికం చేసి స్టార్ డైరెక్టర్లుగా ఎదిగిన వాళ్లు కూడా ఉన్నారు.…
టీడీపీ అధినేత చంద్రబాబు ఎన్నికల ప్రచారంలో సూపర్ సిక్స్ను ఎక్కువగా ప్రచారం చేస్తున్నారు. తాను అధికారంలోకి వచ్చిన తర్వాత.. వీటిని…