తాను రాజకీయాల్లోకి వచ్చే ప్రసక్తే లేదంటూ ఐదేళ్ల ముందు వరకు బల్లగుద్ది చెబుతూ వచ్చాడు కమల్ హాసన్. కానీ జయలలిత మరణించగానే ఆయనకు రాజకీయాలపై ఆశ పుట్టింది. కరుణానిధి కూడా మంచం పట్టడంతో నెలకొన్న రాజకీయ శూన్యతను భర్తీ చేద్దామని, అధికారం చేపడదామని ఆశతో రాజకీయాల్లో అడుగు పెట్టాడు కమల్. ఐతే నూతన రాజకీయాలకు శ్రీకారం చుడతానని.. సంప్రదాయ పార్టీల తరహాలో తన పార్టీ ఉండదని ఢంకా బజాయించిన కమల్.. చివరికి తాను ఎవరికీ భిన్నం కాదని, సగటు రాజకీయ నాయకుల్లో ఒకడినే అని తన చర్యలతో చాటిచెబుతూ వచ్చాడు. భారతీయ జనతా పార్టీని మత తత్వ పార్టీ అంటూ కమల్ ఎంతగా వ్యతిరేకిస్తాడో తెలిసిందే. అలాంటి ఆయన ఎంఐఎం తరహాలో తమిళనాట కరడు గట్టిన ముస్లిం మత తత్వ పార్టీతో పొత్తు పెట్టుకోవడం గమనార్హం.
తమిళనాట ప్రధాన రాజకీయ పార్టీల ఎన్నికల హామీల గురించి జాతీయ స్థాయిలో చర్చ నడుస్తున్న సంగతి తెలిసిందే. వాషింగ్ మెషీన్లిస్తాం.. కేబుల్ టీవీ సమకూరుస్తాం.. అంటూ ఆశ చూపుతున్నాయి ప్రధాన పార్టీలు. కమల్ పార్టీ ఇందుకు భిన్నమేమీ కాదని తాజాగా విడుదల చేసిన ఆ పార్టీ ఎన్నికల మేనిఫెస్టో చూస్తే అర్థమవుతుంది. మక్కల్ నీదిమయం ఎన్నికల హామీల్లో భాగంగా గృహిణులకు నెలకు రూ.3 వేల చొప్పున భృతి చెల్లిస్తామని కమల్ ప్రకటించారు. గృహిణులకు జీతం అంటూ కొన్ని నెలల కిందటే ఆయన ఒక చర్చా కార్యక్రమంలో దీని గురించి సంకేతాలు ఇచ్చారు. ఇప్పుడు దానిపై ప్రకటన చేశారు. ఐతే తాము ఇచ్చేది ఉచిత తాయిలం కాదని, ఇంట్లో వారి చేసే పనికి గౌరవ వేతనం అని కమల్ అంటున్నారు. ఎలా ఇచ్చినా కూడా ఇది మహిళలను ఆకర్షించే ఒక తాయిలమే అనడంలో సందేహం ఏముంది? అలాగే 75 ఏళ్లు దాటిన వృద్ధులకు నెలకు రూ.5 వేల చొప్పున పింఛను ఇస్తామని కమల్ పెద్ద హామీనే ఇచ్చాడు. విద్యార్థులకు స్మార్ట్ ట్యాబ్లు ఇస్తాం, కొత్తగా ఉద్యోగంలో చేరే యువతకు బైక్లు కొనేందుకు వడ్డీ లేని రుణాలు.. ఇలాంటి జనాకర్షక హామీలతో కమల్ తాను కూడా సంప్రదాయ రాజకీయ నాయకుల్లో ఒకడినే అని చెప్పకనే చెప్పారు కమల్.
This post was last modified on March 20, 2021 8:48 pm
టీడీపీ - జనసేన - బీజేపీ కలిసి కూటమి కట్టాక, కూటమి మేనిఫెస్టోలో చంద్రబాబు ఫొటోతోపాటు పవన్ కళ్యాణ్ ఫొటో…
ఎన్నికల వేడి తారాస్థాయిలో ఉండటం వల్ల పవన్ కళ్యాణ్ సినిమాల గురించి ఆలోచించడం లేదు కానీ అభిమానులు మాత్రం ఈ…
కడప ఎంపీగా పోటీలో ఉన్న కాంగ్రెస్ పీసీసీ చీఫ్ వైఎస్ షర్మిల.. తాజాగా షాకింగ్ కామెంట్స్ చేశారు. తనను కడప…
పవర్ స్టార్ పవన్ కళ్యాణ్ కెరీర్ లోనే భారీ బడ్జెట్ ప్యాన్ ఇండియా మూవీగా రూపొందుతున్న హరిహర వీరమల్లు రెండు…
‘పవన్ కళ్యాణ్, చిరంజీవికి రక్తం పంచుకుని పుట్టిన తమ్ముడు కావొచ్చు.. కానీ, నేనూ ఆయనకి చెల్లెల్నే.. చిరంజీవి స్థాపించిన ప్రజారాజ్యం…
మీ భూమి మీది కాదు.! ఈ మాట ఇప్పుడు ఆంధ్ర ప్రదేశ్ రాష్ట్రంలో ఎక్కడ విన్నా చర్చనీయాంశమవుతోన్న మాట.! వైఎస్…