తమిళనాడు షెడ్యూల్ ఎన్నికలు దగ్గర పడేకొద్దీ అధికార ఏఐఏడీఎంకేలో టెన్షన్ పెరిగిపోతోంది. పార్టీ మొత్తాన్ని తన గుప్పిట్లోకి తీసుకోవాలని శశికళ చాలా తీవ్రంగా ప్రయత్నిస్తున్నారు. ఇదే సమయంలో చిన్నమ్మ నుండి పార్టీని రక్షించుకునేందుకు ముఖ్యమంత్రి పళనిస్వామి అండ్ కో విశ్వ ప్రయత్నాలు చేస్తున్నారు. వీళ్ళద్దరి మధ్య పెరిగిపోతున్న ఆధిపత్య గొడవల్లో మంత్రులు, ప్రజాప్రతినిధులతో పాటు కీలక నేతలు దిక్కులు చూస్తున్నారు.
ఈనెల 24వ తేదీన అంటే బుధవారం దివంగత ముఖ్యమంత్రి జయలలిత జయంతి. అమ్మ జయంతిని ఘనంగా జరిపేందుకు రెండు వర్గాలు ఎవరికి వాళ్ళే భారీ ఏర్పాట్లు చేసుకున్నారు. రాబోయే ఎన్నికలను దృష్టిలో పెట్టుకునే జయలలిత నామస్మరణను పెంచేస్తున్న విషయం అర్ధమైపోతోంది.
నిజానికి శశికళకు ఏఐఏడీఎంకేకు ఏమాత్రం సంబంధం లేదనే చెప్పాలి. ఎందుకంటే అక్రమాస్తుల కేసులో శశికళకు కోర్టు నాలుగు సంవత్సరాల జైలుశిక్షను విధించగానే ఆమెను బహిష్కరించినట్లు పార్టీ ప్రకటించింది. అంటే ఆమెకు టెక్నికల్ గా పార్టీకి సంబంధం లేదని అర్ధమైపోతోంది. అయితే జైలు నుండి విడుదలవ్వగానే ఏఐఏడీఎంకే పార్టీ తనదే అంటు శశికళ విచిత్రమైన ప్రకటన చేశారు. దాంతో పార్టీలో గందరగోళం మొదలైంది.
ఇక్కడ గమనించాల్సిన విషయం ఏమిటంటే రాబోయే ఎన్నికల్లో పార్టీ అధికారంలోకి వస్తుందని ఎవరిలోను నమ్మకంలేదు. ముఖ్యమంత్రి పళనిస్వామి కానీ లేదా మాజీ సీఎం పన్నీర్ శెల్వంకు కానీ పార్టీని అధికారంలోకి తెచ్చేంత సీన్ లేదు. ఈ స్ధితిలో శశికళ పైనే నమ్మకం పెట్టుకున్న నేతలు కొందరు అధికారపార్టీలో ఉన్నారు. అలాంటి వారంతా పరోక్షంగా చిన్నమ్మకు సహకారం అందిస్తున్నారు.
ఇక ఎన్నికలు దగ్గరకు వచ్చేస్తున్న సమయంలో అధికారపార్టీకి ఎన్నికల్లో సారధ్యం వహించేదెవరనే విషయంలో మామూలు జనాలకు కూడా ఆసక్తిగా మారింది. నిజానికి శశికళకు జనాల్లో ప్రత్యేకంగా పాపులారిటి అంటు ఏమీ లేదనే చెప్పాలి. జయలలిత పక్కనే ఉండటం వల్ల చిన్నమ్మకు కూడా ప్రచారం వచ్చిందంతే.
చనిపోయేంతవరకు జయలలితే ముఖ్యమంత్రిగా ఉన్నారు కాబట్టి ఆమె పక్కనే ఉన్న కారణంగా చిన్నమ్మకు పార్టీతో పాటు ప్రభుత్వంపై ఆధిపత్యం దక్కిందంతే. దీంతోనే తాను కూడా జయలలిత లాగ సూపర్ పవర్ అన్న భ్రమలోకి శశికళ వెళ్ళిపోయారు. ఇదే ఇపుడు అధికారపార్టీకి అనేక సమస్యలు తెస్తోంది. మరి జయలలిత జయంతి రోజున ఆమె ఎలాంటి నిర్ణయం ప్రకటిస్తారనేది పార్టీ నేతల్లో టెన్షన్ పెంచేస్తోంది. చూద్దాం చివరకు ఏమి జరుగుతుందో.
This post was last modified on February 24, 2021 4:11 pm
కెరీర్ మొదలుపెట్టి సంవత్సరాలు గడుతున్నా ఒక పెద్ద బ్రేక్ దక్కించుకుని టాప్ లీగ్ లోకి వెళ్లిపోవాలనే ప్లాన్ లో ఉన్న…
ఇంకో మూడు రోజుల్లో విడుదల కావాల్సిన ప్రతినిధి 2కి కష్టాల పరంపర కొనసాగతూనే ఉన్నట్టు ఫిలిం నగర్ టాక్. నారా…
ఆంధ్రప్రదేశ్లో అసెంబ్లీ ఎన్నికలకు ఇంకో వారమే సమయం ఉంది. ఈ ఎన్నికలు ఇటు అధికార వైఎస్సార్ కాంగ్రెస్కు, అటు ప్రతిపక్ష…
‘ఫ్యామిలీ మ్యాన్’ వెబ్ సిరీస్ ఎంత పెద్ద హిట్టో కొత్తగా చెప్పాల్సిన పని లేదు. ఇండియాలో అత్యంత ఆదరణ పొందిన…
ఏపీ ప్రభుత్వానికి కేంద్ర ఎన్నికల సంఘం భారీ షాక్ ఇచ్చింది. ముఖ్యంగా జగన్ ప్రబుత్వం అమలు చేస్తున్న పథకాలను ఎన్నికల…
రాజమండ్రిలో నిర్వహించిన కూటమి పార్టీల(జనసేన-బీజేపీ-టీడీపీ) ఎన్నికల ప్రచార సభ 'ప్రజాగళం'లో చంద్రబాబు పాల్గొన లేక పోయారు. ఆయన వేరే సభలో…