విశాఖలో సరికొత్తగా కనిపించిన చంద్రబాబు

మిగిలిన విషయాలు ఎలా ఉన్నా.. డెస్సింగ్ విషయంలో మాత్రం టీడీపీ అధినేత చంద్రబాబు అస్సలు క్రమం తప్పరు. యూనిఫారం మాదిరి ఒకేలాంటి దుస్తుల్ని ఆయన ధరిస్తుంటారు. పార్టీ రంగు అయిన పసుపుకు చాలా లైట్ గా ఉంటే పసుపు.. గోధుమ రంగులో ఉంటే ఫ్యాంట్.. షర్టు వేసుకోవటం ఆయనకు అలవాటు. నిజానికి చంద్రబాబు అన్నంతనే కళ్ల ముందు ఆయన రూపం అలానే కనిపిస్తుంది.

అలాంటి చంద్రబాబు తాజాగా విశాఖ పర్యటనకు రావటం తెలిసిందే. ఆంధ్రోళ్ల హక్కు విశాఖ ఉక్కు కర్మాగారాన్ని కేంద్రంలోని మోడీ సర్కారు అమ్మేయాలని నిర్ణయించిన నేపథ్యంలో.. దానిపై పోరాడేందుకు చంద్రబాబు రంగంలోకి దిగారు. ఇందులో భాగంగా విశాఖకు వచ్చిన ఆయన.. సరికొత్త లుక్ తో ప్రత్యేకంగా కనిపించారు.

రోటీన్ కు భిన్నంగా ఆయన ఫ్యాంట్.. ,చొక్కా రంగులు మారిపోయాయి. కొట్టొచ్చినట్లుగా కనిపించే మార్పు బాబులో కనిపించటం గమనార్హం. దీనికి తోడు.. ముఖానికి పెద్ద బొట్టు పెట్టుకున్న ఆయన రోటీన్ కు భిన్నంగా ఉన్నారని చెప్పక తప్పదు. ఎప్పుడూ ఒకేలాంటి డ్రెస్సులో కనిపించే బాబు.. తాజాగా మాత్రం అందుకు భిన్నంగా దర్శనమివ్వటం గమనార్హం. ఇదే అంశం తెలుగు తమ్ముళ్ల మధ్య కూడా చర్చకు వచ్చింది.