అమెరికా అధ్యక్షుడు డొనాల్డ్ ట్రంప్ భారత్ దేశంలోని కాంగ్రెస్ పార్టీ హామీలను కాపీ కొడుతున్నాడా అంటే ఔననే చెబుతున్నాడు కర్ణాటక ముఖ్యమంత్రి డీకే శివకుమార్. మరో రెండు నెలల్లో అమెరికాలో మధ్యంతర ఎన్నికలు జరగనున్నాయి. ఇరాన్ యుద్ధంలో బోర్లా పడ్డ ట్రంప్ చేజేతులా ప్రజల్లో వ్యతిరేకత తెచ్చుకున్నాడు. దీంతో మధ్యంతర ఎన్నికల్లో గట్టేక్కడానికి కుయుక్తులు పన్నుతున్నాడు. ఈ క్రమంలో ఉచిత పథకాలకు తెరదీశాడు.
నవంబర్లో జరిగే మధ్యంత ఎన్నికల్లో అమెరికన్ ఓటర్లను ఆకట్టుకునేందుకు ప్రతి ఒక్కరికీ ఐదు వేల డాలర్ల చొప్పున డివిడెండ్ ఇస్తానని ప్రకటించారు. ట్రంప్ ఇచ్చిన ఈ హామీ మీద ప్రపంచ వ్యాప్తంగా చర్చ జరుగుతుంది. అయితే కర్ణాటక ముఖ్యమంత్రి డీకే శివకుమార్ మాత్రం భిన్నంగా స్పందించారు. ట్రంప్ కర్ణాటకలో కాంగ్రెస్ ఇచ్చిన హామీలను కాపీ కొడుతున్నారని కామెంట్ చేశారు.
కర్ణాటకలో కాంగ్రెస్ ప్రభుత్వం అమలు చేస్తున్న గ్యారెంటీ పథకాలతో ప్రజలకు ప్రయోజనం కలుగుతోందని డీకే చెప్పారు. బెంగళూరులో మీడియాతో చిట్ చాట్ చేస్తూ శివకుమార్ మాటల మధ్యలో అమెరికా ప్రసిడెంట్ ను గుర్తు చేశారు. అమెరికా మధ్యంతర ఎన్నికల ప్రచారంలో వున్న ట్రంప్ ఉచిత హామీలు ఇస్తున్నారని చెప్పారు. కర్ణాటక కాంగ్రెస్ ఇచ్చిన హామీలు బంపర్ హిట్ అయ్యాయని చెప్పారు. మా హామీలను మొదట మహారాష్ట్ర కాపీ కొట్టింది, తర్వాత రాజస్థాన్, బీహార్ కాపీ చేశాయి. ఇప్పుడు ట్రంప్ కాపీ చేసాడని వివరించారు.
డీకే శివకుమార్ చేసిన కామెంట్స్ మీద ప్రతిపక్ష పార్టీలు జోక్స్ వేస్తున్నాయి. అసలే అమెరికా అప్పుల్లో వుంది. దాంట్లోంచి ఎలా బయట పడాలో తెలియక దిక్కులు చూస్తుంది. అలాంటి పరిస్థితిలో ట్రంప్ ఇచ్చిన ఐదు వేల హామిని నేరవేర్చడానికి లక్ష కోట్ల డాలర్లు ఖర్చవుతుందని ఆర్ధిక నిపుణులు లెక్కలు వేసి చెబుతున్నారు. ట్రంప్ హామీ గురించి గొప్పగా చెప్పుకోవడం మాని కర్ణాటకలోని ప్రజలకు సక్రమంగా సంక్షేమ పథకాలు అందివ్వాలని కామెంట్స్ చేస్తున్నారు.
This post was last modified on September 16, 2026 6:19 am
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…
పరిటాల రవి, పరిటాల సునీతల వారసుడు, టీడీపీ యువనాయకుడు పరిటాల శ్రీరామ్.. తాజాగా జరిగిన జిల్లా పరిషత్.. చైర్మన్ ఎంపికలో…
బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…
ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…