Political News

బాబు ప్రభుత్వాన్ని దున్నపోతు తో పోల్చిన జగన్

సీఎం చంద్రబాబు మీద మాజీ సీఎం జగన్ నోరు పారేసుకోవడం కొత్తేమీ కాదు. చంద్రబాబును నడిరోడ్డుపై ఉరి తీసినా తప్పులేదు అంటూ గతంలో జగన్ చేసిన వ్యాఖ్యలు వివాదాస్పదమయిన సంగతి తెలిసిందే. ఆ తర్వాత కూడా పలు మార్లు చంద్రబాబు వ్యక్తిత్వ హననానికి జగన్ పాల్పడ్డ వైనంపై తీవ్రస్థాయిలో విమర్శలు వచ్చాయి. అయినా సరే జగన్ తీరు ఏ మాత్రం మారలేదు. చంద్రబాబు చర్మం మందం అంటూ జగన్ తాజాగా చేసిన వివాదాస్పద వ్యాఖ్యలు సోషల్ మీడియాలో వైరల్ గా మారాయి. అలానే ఈసారి చంద్రబాబు ప్రభుత్వాన్ని దున్నపోతు తో పోల్చడం గమనార్హం.

చంద్రబాబు చర్మం కొంచెం మందం అని ప్రజలందరికీ తెలుసని, దున్నపోతు మీద వర్షం పడ్డా అది చలించదని, చంద్రబాబు ప్రభుత్వం కూడా అదే మాదిరిగా తయారైందని జగన్ విమర్శించారు. భీమవరంలో ఏర్పాటు చేసిన ఆక్వా రైతుల సభలో జగన్ ఈ వ్యాఖ్యలు చేశారు. రాష్ట్రంలో ఆక్వా రంగం తీవ్ర సంక్షోభంలో మునిగిపోయిందని ఆవేదన వ్యక్తం చేశారు. ఆక్వా సీడ్, ఫీడ్, ప్రాసెసింగ్ కంపెనీలన్నీ చంద్రబాబు సానుభూతిపరుల చేతుల్లోకి వెళ్ళిపోయాయని ఆరోపించారు. వారందరూ కలిసి సిండికేట్‌గా ఏర్పడి ధరలను నియంత్రిస్తూ రైతులను దోచుకుంటున్నారని ఆరోపణలు గుప్పించారు.

ఆక్వా ధరలు పెరిగినా ప్రభుత్వం స్పందించలేదని, దున్నపోతు మీద వర్షం పడితే ఎలా చలించదో చంద్రబాబు ప్రభుత్వం కూడా అంతేనని జగన్ తీవ్రస్థాయిలో విమర్శలు గుప్పించారు. తమ హయాంలో ఆక్వారంగం అభివృద్ధిలో ఉందని, అప్పట్లో ఏపీకి ‘బెస్ట్ మెరైన్ స్టేట్’ అవార్డు వచ్చిందని గుర్తు చేశారు.

ఆక్వా రైతుల సమస్యలపై అవసరమైతే ఉద్యమిస్తామని హెచ్చరించారు. మూడేళ్లలో మళ్లీ రైతు ప్రభుత్వం వస్తుందని, అప్పుడు ఆక్వా రంగానికి పూర్వవైభవం తెచ్చి సిండికేట్ వ్యవస్థను కూకటివేళ్లతో నరికేస్తామని ఆక్వా రైతులకు జగన్ హామీనిచ్చారు.

This post was last modified on July 15, 2026 3:03 pm

Share

Recent Posts

నాగార్జున రూటులో శివరాజ్ కుమార్

శాండల్ వుడ్ సీనియర్ స్టార్ శివరాజ్ కుమార్ గురించి పరిచయం అక్కర్లేదు. ఇంతకు ముందు మన ప్రేక్షకులకు అంతగా తెలియకపోవచ్చు…

25 minutes ago

ఈ సారి కాంగ్రెస్ ను ఓడించగలిగేది అదేనా?

2028లో తెలంగాణలో అసెంబ్లీ ఎన్నికలు జరగబోతున్నాయి. ఈ సారి గెలుపు తమదంటే తమదని కాంగ్రెస్, బీఆర్ఎస్ నేతలు ఎవరికి వారు…

55 minutes ago

సవాళ్లకు సిద్ధమవుతున్న వారణాసి

వారణాసి అప్డేట్స్ కావాలని మహేష్ బాబు అభిమానులు సోషల్ మీడియాలో రిక్వెస్ట్ చేస్తున్న వైనం ఈ మధ్య పెరిగింది. ఏప్రిల్…

1 hour ago

ఒక వీడియోతో బుడ్డోడికి లైఫ్ టైం సెటిల్మెంట్

సోషల్ మీడియాలో ఒక వీడియో వైరల్ కావడానికి పెద్దగా కారణాలు అవసరం లేదు. కొన్నిసార్లు సెలబ్రిటీలకు కూడా సాధ్యం కాని…

3 hours ago

హిట్లిచ్చిన దర్శకుడికి ఇంత గ్యాప్ ఏమిటో

టాలీవుడ్ లో టాలెంటెడ్ దర్శకులకు లోటు లేదు. కానీ దాన్ని పరిపూర్ణంగా, క్రమం తప్పకుండా వాడుకునేవాళ్ళు ఎంతమంది అంటే సమాధానం…

3 hours ago

ఆకాశాన్ని అందుకున్న అమ్మాయి ప్రయాణం

ఈ వారం విడుదల కాబోతున్న వాటిలో ఎక్కువ ప్రామిసింగ్ గా కనిపిస్తున్న సినిమా ఆకాశంలో ఒక తార. స్వప్న సినిమా,…

3 hours ago