సీఎం రేవంత్ రెడ్డిపై బీఆర్ ఎస్ నాయకుడు, మాజీ మంత్రి కేటీఆర్ సెటర్లు గుప్పించారు. రాష్ట్రంలో ఫ్యూచర్ లేని పార్టీకి ఫ్యూచర్ లేని ముఖ్యమంత్రి ఉన్నారని వ్యాఖ్యానించారు. అలాంటి ఫ్యూచర్ లేని ముఖ్యమంత్రి ఫ్యూచర్ సిటీ కడుతున్నారట అని ఎద్దేవా చేశారు. దీనికిగాను 16 వేల ఎకరాలను సేకరించి తన వారికి పంపిణీ చేయాలని భావిస్తున్నారంటూ ఆరోపించారు. తన కుటుంబ సభ్యులు, తన అనుకూల పెట్టుబడిదారుల కోసం పేదల భూములను లాక్కుంటున్న రేవంత్ రెడ్డి తెలంగాణ చరిత్రలో చరిత్రహీనుడిగా మిగిలిపోతారని దుయ్యబట్టారు.
అక్రమాలకు కేరాఫ్
రేవంత్ రెడ్డి పాలన అక్రమాలకు కేరాఫ్గా మారిందని కేటీఆర్ వ్యాఖ్యానించారు. అన్ని విభాగాల్లోనూ అవినీతి రాజ్యమేలుతోందన్నారు. ముఖ్యంగా పోలీసు, రెవెన్యూ శాఖలు అవినీతిమయంగా మారాయని విమర్శించారు. గత నెల రోజుల్లోనే నలుగురు తహసీల్దార్లు అవినీతిలో చిక్కుకున్నారని, పోలీసులు కూడా ఇదే దారిలో ఉన్నారని అన్నారు. వీరంతా పైకి సంచులు మోసేందుకు బలి అవుతున్నారని ఆరోపించారు. రేవంత్ రెడ్డి నెలకు నాలుగు సార్లు ఢిల్లీకి వెళ్తున్నారని చెప్పిన కేటీఆర్, ఆయన అలా ఎందుకు వెళ్తున్నారో అందరికీ తెలిసిందేనని వ్యాఖ్యానించారు.
శాశ్వతం కాదు
అధికారం ఎవరికీ శాశ్వతం కాదని కేటీఆర్ అన్నారు. ఈ విషయాన్ని గుర్తు పెట్టుకోవాలన్నారు. కానీ గతంలో బీఆర్ ఎస్ అధికారంలో ఉన్నప్పుడు ఇదే కేటీఆర్, అధికారంపై కీలక వ్యాఖ్యలు చేశారు. కేసీఆర్ ఉన్నన్ని రోజులు ఆయనే ముఖ్యమంత్రిగా ఉంటారని వ్యాఖ్యానించిన విషయం ఈ సందర్భంలో ప్రస్తావనార్హం. రాష్ట్రంలో అప్రజాస్వామికంగా పాలన చేస్తున్న రేవంత్ రెడ్డిని, కాంగ్రెస్ ప్రభుత్వాన్ని ఎప్పుడు దించేయాలా అని ప్రజలు ఎదురు చూస్తున్నారని అన్నారు. ఇబ్రహీంపట్నంలో నిర్వహించిన బీఆర్ఎస్ విస్తృత స్థాయి కార్యకర్తల సమావేశంలో ఆయన ఈ వ్యాఖ్యలు చేశారు.
సిటీలో దోమల బెడద
హైదరాబాద్ నగరంలో సాయంత్రం 5 గంటలు అయితే దోమలు కుట్టికుట్టి ఇబ్బంది పెడుతున్నాయని కేటీఆర్ తెలిపారు. దోమలను కూడా నియంత్రించలేని రేవంత్ రెడ్డి ఫ్యూచర్ సిటీ కడతానంటూ పేదల భూములు లాక్కుంటున్నారని విమర్శించారు. ఫోర్త్ సిటీ, ఫ్యూచర్ సిటీ పేరుతో భూముల ఆక్రమణలు, దందాలకు తెరతీశారని ఆరోపించారు. ఎన్నికలకు ముందు ఫార్మా సిటీ భూములను రైతులకు తిరిగి ఇస్తామని చెప్పి ఇప్పుడు అవే భూములను వాడుకుంటున్నారని అన్నారు. గత ఎన్నికలకు ముందు పాదయాత్రలు చేసిన వారు సీతక్క, భట్టి విక్రమార్క ఇచ్చిన హామీలు ఏమయ్యాయని నిలదీశారు.
ఉప ముఖ్యమంత్రి పవన్ కల్యాణ్ తన పేరు వెనుక ఉన్న ఆసక్తికరమైన కథను వెల్లడించారు. జాతీయ మీడియాకు ఇచ్చిన ఇంటర్వ్యూలో…
ఏపీ ప్రభుత్వ పాఠశాలల్లో ప్రముఖ ప్రవచ కర్త చాగంటి కోటేశ్వరరావు ప్రసంగాలను పాఠ్యాంశాలుగా ప్రవేశ పెడుతున్నట్టు ప్రకటించింది. దీనికి సంబంధించి…
ఏపీలో కూటమిగా ఏర్పడిన టిడిపి, జనసేన, బిజెపిలు అధికారంలోకి వచ్చి రెండు సంవత్సరాలు పూర్తయింది. ఈ క్రమంలో కూటమికి నేతృత్వం…
ఓ రాజకీయ పార్టీ తనను వేధించిన విషయంపై అలుపెరగని పోరాటం చేసి తీరుతుంది. అలా చేయకుంటే… అది రాజకీయ పార్టీ…
భారత దేశ ప్రధాన మంత్రి నరేంద్ర మోదీ బుధవారం ఓ అరుదైన రికార్డును సొంతం చేసుకున్నారు. దేశానికి అత్యధిక కాలం…
జనసేన అధినేత, ఏపీ డిప్యూటీ సీఎం పవన్ కల్యాణ్ మరోమారు తెలంగాణ అంశం మీద నోరు విప్పారు. భారత దేశంలో…