Political News

అమ‌రావ‌తి.. కేంద్రాన్ని సోము ఒప్పించ‌గ‌ల‌రా?

“బీజేపీ ప‌రంగా మేం రాజ‌ధాని అమ‌రావ‌తికే క‌ట్టుబ‌డి ఉన్నాం. మూడు రాజ‌ధానుల నిర్ణ‌యానికి మేం వ్య‌తిరేకం”- ఇదీ తాజాగా ఏపీ బీజేపీ చీఫ్‌.. సోము వీర్రాజు నోటి నుంచి జాలువారిన కీల‌క ప్ర‌క‌ట‌న‌. నేరుగా ఆయ‌న అమ‌రావ‌తి రైతుల మ‌ధ్య‌కే వెళ్లి.. ఈ విష‌యాన్ని చెప్పారు. ఒక ర‌కంగా.. ఇది రైతుల్లో ఉత్సాహం నింపేదే! అయితే.. దీనిలో నిజ‌మెంత‌? రాబోయే తిరుప‌తి పార్ల‌మెంటు ఉప ఎన్నిక‌ను దృష్టి పెట్టుకుని చేసిన ప్ర‌క‌ట‌నా? లేక‌.. నిజంగానే రాజ‌ధానిపై సోముకు వీరావేశం పొంగుకు వ‌చ్చిందా? అనేదే ఇప్పుడు సంశ‌యంగా మారింది. సోము వంటి ఆర్ ఎస్ ఎస్ భావ‌జాలం గూడుక‌ట్టుకున్న నేత నోటి నుంచి వ‌చ్చిన దీనిని తేలిక‌గా తీసుకునే అవ‌కాశం లేదు.

అయితే.. నిజ‌మైనా అయి ఉండాలి. లేదా.. రాజ‌కీయ ఎత్తుగ‌డ అయినా.. అయి ఉండాలి.. అంటున్నారు ప‌రిశీల‌కులు. దీనిలో రెండోదానికే ఎక్కువ మంది మొగ్గు చూపుతున్నారు. ఎందుకంటే.. కేంద్రంలో అధికారంలో ఉన్న బీజేపీ పెద్ద‌లు ఇప్ప‌టికే ఏపీ రాజ‌ధాని విష‌యంలో స్ప‌ష్ట‌మైన ప్ర‌క‌ట‌న‌ను లిఖిత పూర్వ‌కంగా అఫిడ‌విట్ రూపంలో హైకోర్టుకు తేల్చిచెప్పారు. విభ‌జ‌న చ‌ట్టంలోని ఏ క్యాపిటల్‌ అని ఉంద‌ని.. ఏ అంటే..ఒకటే అని అనుకోవాల్సిన అవ‌స‌రం లేద‌ని ప‌రోక్షంగా మూడుకు త‌ల‌గొక్కారు. అప్ప‌ట్లో ఇది తీవ్ర గంద‌ర‌గోళానికి గురి చేసింది. దీనిపై రాజ‌ధాని రైతులు తీవ్ర విమ‌ర్శ‌లు కూడా చేశారు. అయితే.. ఆ స‌మ‌యంలో మౌనంగా ఉన్న సోము.. ఇప్పుడు మాత్రం రాజ‌ధానికి తాము ఓకే అంటూ.. ప‌చ్చ జెండా ఊపారు.

ఒక వేళ‌.. సోము చేసిన ప్ర‌క‌ట‌న‌లో రాజ‌కీయ ఎత్తుగ‌డ ఉండి ఉంటే.. ఖ‌చ్చితంగా పార్టీ మ‌రింత‌గా భ్ర‌ష్టు ప‌డుతుంది. ఇప్ప‌టికే ప్ర‌త్యేక హోదాకు కేంద్రం మంగ‌ళం పాడింది. నిధుల విష‌యంలోనూ ఆచి తూచి వ్య‌వ‌హ‌రిస్తోంది. ఇది ఏపీ ప్ర‌జ‌ల సెంటిమెంటును తీవ్రంగా దెబ్బ‌తీస్తోంది. ఇక‌, ఇప్పుడు రాజ‌ధాని విష‌యంలో కేంద్రం ఒక పాట పాడితే.. సోము మ‌రో ఎత్తుగ‌డ ఎత్తుకున్నారు.

రాజ‌ధానిగా ఆయ‌న అమ‌రావ‌తి ఉండాల‌ని నిజ‌మైన ఆకాంక్ష ఉంటే.. ఖ‌చ్చితంగా ఆయ‌న‌కేంద్ర పెద్ద‌ల‌ను ఒప్పించాల్సి ఉంటుంది. ఎందుకంటే.. కేంద్ర పెద్ద‌లు ఈ విష‌యంలో అచేత‌నంగా ఉన్నారు. సో.. దీనిని బ‌ట్టి రాజ‌ధాని కోసం.. కేంద్రాన్ని ఒప్పించే బాధ్య‌త‌ను సోము తీసుకుని.. ఇక్క‌డ ప్ర‌జ‌ల క‌ల‌ల‌ను ఆయ‌న సాకారం చేయాల్సిన అవ‌స‌రం ఉంటుంది. ఇది జ‌రిగిన‌ప్పుడే.. సోము చేసిన వ్యాఖ్య‌ల‌పై న‌మ్మ‌కం క‌లుగుతుంద‌ని అంటున్నారు ప‌రిశీల‌కులు. మ‌రి ఏం చేస్తారో చూడాలి.

This post was last modified on December 15, 2020 10:26 pm

Share

Recent Posts

జగన్ సైతాన్ సైన్యానికి పచ్చ రోగం తగ్గలేదు: షర్మిల

తమ ప్రత్యర్థి అయితే చాలు...టార్గెట్ చేయడం, వ్యక్తిత్వహననానికి పాల్పడడం వైసీపీ నేతలకు అలవాటే. నిండు శాసన సభలో అప్పటి ప్రతిపక్ష…

23 minutes ago

నాగవంశీ మాటల వెనుక మర్మమేమిటో

జూనియర్ ఎన్టీఆర్ రాబోయే సినిమాల లైనప్ గురించి అభిమానులు, సోషల్ మీడియాలో గత మూడు నాలుగు రోజులుగా చర్చ జరుగుతూనే…

2 hours ago

గర్ల్ ఫ్రెండ్ తో కలిసి ఆ రెస్టారెంట్ కు వెళ్ళిన రాహుల్ గాంధీ

రాజకీయ బాధ్యతల వల్ల పెళ్లి చేసుకోలేదని పలు సందర్భాల్లో సరదాగా వ్యాఖ్యానించిన కాంగ్రెస్ అధినేత రాహుల్ గాంధీ ఇప్పుడొక రహస్యాన్ని…

2 hours ago

కర్నూలులో ప్రధాని మోదీ తల్లికి ఆలయం

ప్రపంచంలోనే అత్యంత శక్తిమంతమైన దేశాధినేతల్లో భారత ప్రధాని నరేంద్ర మోదీ ఒకరు. దశాబ్దకాలంగా మోదీ ప్రపంచవ్యాప్తంగా ఖ్యాతి గడించారు. భారతదేశానికి…

4 hours ago

కోనసీమలో మళ్లీ గ్యాస్ లీక్… చెక్ ఎప్పుడు?

అంబేద్కర్ కోనసీమ జిల్లా మామిడికుదురు మండలంలో ఓఎన్జీసీ గ్యాస్ లీకైన ఘటన కలకలం రేపింది. తాడివారి మెరక వద్ద ఓఎన్‌జీసీ…

5 hours ago

టాటా గ్రూప్‌లో మళ్ళీ టేకోవర్ టెన్షన్

భారత పారిశ్రామిక రంగంలో ప్రత్యేక గుర్తింపు సంపాదించుకున్న టాటా గ్రూప్‌లో ఇప్పుడు పాలనా వ్యవహారాలు చర్చనీయాంశంగా మారాయి. సంస్థను ఎవరు…

6 hours ago