Political News

ప్రభుత్వ ఉద్యోగులూ… ఇకపై క్యాంటీన్ లో కబుర్లు ఒద్దు

ఏపీలో ఉద్యోగులు అలెర్ట్ కావాల్సిన స‌మ‌యం ఆస‌న్న‌మైంది. వ‌చ్చే నెల 1 నుంచి రాష్ట్రంలో పాల‌న‌ను సంస్క‌రిస్తున్న కూట‌మి ప్ర‌భుత్వం ఆదిశ‌గా చేయాల్సిన ముంద‌స్తు ప‌నుల‌ను వేగంగా అమ‌లు చేయాలని నిర్ణ‌యించింది. దీనిలో భాగంగా ఉద్యోగుల స‌మ‌య పాల‌న‌తోపాటు.. ఫైళ్ల క్లియ‌రెన్స్ వంటివిష‌యాల‌పై ప్ర‌భుత్వం కీల‌క నిర్ణ‌యం తీసుకుంది. ముఖ్యంగా ప్ర‌భుత్వానికి గుండెకాయ వంటి స‌చివాల‌యం నుంచే ఈ మార్పులు జ‌ర‌గ‌నున్నాయి.

సచివాలయ సిబ్బందికి ఫేషియల్ అటెండెన్స్ ఏర్పాటు చేయ‌నున్నారు. రాష్ట్ర ప్ర‌భుత్వ ప‌నితీరుకు.. స‌చివాల‌య‌మే అద్దం ప‌డుతుంది. రాష్ట్రంలోని అన్ని జిల్లాల నుంచి కూడా ప్ర‌ధాన స‌మ‌స్య‌లు స‌చివాలయానికే చేరుకుంటాయి. ఈ నేప‌థ్యంలో ఇక్క‌డ ఉద్యోగుల‌ను స‌రైన స‌మ‌యంలో ప‌నిచేయించుకునే దిశ‌గా ప్ర‌భుత్వం నిర్ణ‌యించింది. దీనిలో భాగంగా ఉద్యోగుల సమయపాలనపై కఠిన నిబంధనలు అమ లు చేయనుంది.

త‌ద్వారా పెండింగు ఫైళ్ల క్లియ‌రెన్సుకు ప్రాధాన్యం ఇవ్వ‌నున్నారు. ప్ర‌స్తుతం నెల రోజులకు స‌రిప‌డా ఫైళ్లు పెండింగులో ఉన్నాయి. దీంతో గ్రామీణ స్థాయిలో చేప‌ట్టాల్సిన ప‌నులు.. పెండింగులో ప‌డుతున్నాయి. దీనికి స‌మ‌య పాల‌న పాటించ‌ని ఉద్యోగులే కార‌ణ‌మ‌ని అధికారులు నివేదిక ఇచ్చారు. దీంతో స‌చివాల‌యంలో స‌మ‌య‌పాల‌న‌కు ప్రాధాన్యం పెంచుతున్నారు. అదేస‌మ‌యంలో ముఖ్యంగా గ్రామ, వార్డు సచివాలయ ఉద్యోగులు ఇకపై విధులకు కచ్చితమైన సమయానికి హాజరుకావాలని ఇప్ప‌టికే ప్ర‌భుత్వం ఆదేశాలు జారీ చేసింది.

ఇక‌, ఉద్యోగుల స‌మ‌య పాల‌న‌కు సంబంధించి ప్ర‌భుత్వం కొన్ని క‌ఠిన నిర్ణ‌యాలు కూడా తీసుకుంది. ఆలస్యంగా వచ్చిన ఉద్యోగుల‌కు ఆ రోజు వేతనంలో కోత విధించాలని ప్రభుత్వం నిర్ణయించింది. అదేస‌మ‌యంలో లంచ్ బ్రేక్ స‌మ‌యాన్ని కూడా క‌చ్చితంగా పాటించాల‌ని పేర్కొంది. క్యాంట‌న్లలో ముచ్చ‌ట్లు పెట్టుకునే వారికి.. ఆఫీసు వేళల్లో సంఘాల స‌మావేశాలు నిర్వ‌హించుకునేందుకు అనుమ‌తి లేద‌ని స్ప‌ష్టం చేసింది. ఇవ‌న్నీ.. సుప‌రిపాల‌న‌లో భాగ‌మేన‌ని స్ప‌ష్టం చేసింది. మ‌రోవైపు.. ఉద్యోగుల‌కు ఇవ్వాల్సిన బ‌కాయిల‌ను సంక్రాంతి సంద‌ర్భంగా స‌ర్కారు క్లియ‌ర్ చేసింది.

This post was last modified on January 16, 2026 2:50 pm

Share

Recent Posts

సర్‌ప్రైజ్… దిల్ రాజుతో పవన్ సినిమా!

ఏపీ డిప్యూటీ సిఎంగా ఒకపక్క విపరీతమైన బిజీగా ఉంటున్న పవన్ కళ్యాణ్ ఇంకోవైపు జనసేన వ్యవహారాలతోనూ టైం లేనంతగా సతమతమవుతున్నారు.…

20 minutes ago

సంక్రాంతి రేసులోకి కొత్త సినిమా?

2027 సంక్రాంతి సీజన్‌కు ఇంకో రెండు నెలల సమయమే ఉంది. కానీ ఇప్పటికీ పండగ సినిమాల మీద పూర్తి స్పష్టత…

1 hour ago

యష్ చేయబోయే నెక్స్ట్ సినిమా ఏంటి

2026 ఒకే సంవత్సరంలో యష్ కు రెండు విభిన్నమైన ఫలితాలు దక్కాయి. టాక్సిక్ దారుణంగా డిజాస్టర్ కావడమే కాకుండా కంటెంట్…

1 hour ago

22 కేజీలు కరిగించేసిన కీరవాణి

లెజెండరీ మ్యూజిక్ డైరెక్టర్ కీరవాణిని గుర్తు చేసుకోగానే భారీ అవతారం కళ్ల ముందు కదలాడుతుంది. సంగీత దర్శకుడిగా ప్రయాణం మొదలుపెట్టిన…

2 hours ago

ఒక్క పరుగుతో తప్పిన చెత్త రికార్డు!

న్యూజిలాండ్‌తో నాలుగో వన్డేలో టీమ్ఇండియా ఘోర పరాజయాన్ని మూటగట్టుకుంది. ఏకంగా 244 పరుగుల తేడాతో ఓడిపోయింది. అయితే ఈ ఓటమితో…

2 hours ago

బాబు విజన్‌కు ఫిదా.. పెట్టుబడులకు క్యూ కట్టిన దేశాలు

విశాఖ‌లో నిర్వ‌హిస్తున్న 31వ సీఐఐ-ఏపీ భాగ‌స్వామ్య పెట్టుబ‌డుల స‌ద‌స్సులో భారీగా పెట్టుబ‌డులు త‌ర‌లి వ‌చ్చా యి. ఇదేస‌మ‌యంలో సీఎం చంద్ర‌బాబుకు…

2 hours ago