“చంద్రబాబు ఓ డిక్షనరీ. ఆయన నుంచి మనం చాలానేర్చుకోవాలి.” – ఈ ఏడాది టీడీపీ ఘనంగా నిర్వహించిన పసుపు పండుగ మహానాడులో ఓ నాయకుడు చేసిన వ్యాఖ్య ఇది. నిజమే.. చంద్రబాబు ఒక డిక్షనరీనే. కానీ, తరచి చూస్తే.. ఆయన ఓ గ్రంధం!!. రాజకీయంగా ఏం చేయాలి.. ఏం చేయకూడదు.. ఎలా ఎదగాలి.. ఎక్కడ తగ్గాలి.. ఎక్కడ నెగ్గాలో పట్టి చూపించే పెద్ద బాలశిక్ష కూడా!. ముఖ్యంగా నేటి తరం నాయకులు నేర్వాల్సిన అనేక అంశాలు చంద్రబాబుకు మాత్రమే సొంతం. మరి వాటిని చూద్దామా..
1) వైరాలకు దూరం: ప్రస్తుతం రాజకీయాల్లోకి వస్తున్న తరం.. ప్రత్యర్థులను శత్రువులుగా చూడడం.. వారితో విభేదించడం.. అల్లర్లు.. దాడులు.. విమర్శలు.. కనిపిస్తున్నాయి. అంతేకాదు.. ఇదే రాజకీయం అనుకుంటున్నవారు కూడా ఉన్నారు. కానీ.. చంద్రబాబు ఏనాడూ.. తన ప్రత్యర్థులను శత్రువులుగా చూడలేదు. ఈ విషయం ఆయన పదే పదే చెప్పారు. తనను ఎంతో విభేదించే వైఎస్తోనూ.. ఆయన మిత్రత్వాన్ని కొనసాగించారు. ఇరువురు కలిసి హైటీ వంటి కార్యక్రమాలు కలిసి వచ్చేవారంటే ఆశ్చర్యం వేస్తుంది. ఇది నేటి తరానికి పెద్ద పాఠం.
2) సంపాదన: రాజకీయాల్లోఉన్నవారికి సంపాదన అవసరమే. డబ్బు లేకపోతే.. జెండా కూడా రాదు. ఇక, జెండా మోసేవారు ఎక్కడ వస్తారు. కానీ, ఆ సంపాదన పదిమంది మెచ్చేలా ఉండాలని చంద్రబాబు చెబుతారు. తాను పాటించారుకూడా. తొలినాళ్లలో పెద్దల నుంచి విరాళాలకు ప్రాధాన్యం ఇచ్చారు. తర్వాత.. కాలంలో సొంతగా వ్యాపారాలు పెట్టుకుని దాని ద్వారా వచ్చిన సొమ్మును రాజకీయాల్లోపెట్టారు. ఈ విషయం గత ఎన్నికల సమయంలో ఆయన సతీమణి భువనేశ్వరి ఇచ్చిన ఇంటర్వ్యూలలో మనకు తెలుస్తుంది. సో.. అడ్డదారుల్లో సంపాదనకు బాబు వ్యతిరేకం అనేది స్పష్టమవుతుంది.
3) ప్రజలతో మమేకం: ఇది చంద్రబాబు నుంచి సొంత నేతలేకాదు.. ప్రత్యర్థులు కూడా తెలుసుకోవాల్సిన విషయం. ఎన్నికలకు ముందు మాత్రమే నాయకులకు ప్రజలు కనిపిస్తారు. కానీ, చంద్రబాబు అలా కాదు.. తాను అధికారంలో ఉన్నా.. ప్రతిపక్షంలో ఉన్నా.. ప్రజలు – ప్రజలు.. అంటూ .. పరితపిస్తారు. కరోనా సమయంలో జూమ్ మీటింగ్ ద్వారా అందరినీ ఏకం చేసి.. ప్రజలకు అనేక విషయాలపై వైద్య నిపుణులతో సలహాలు ఇప్పించారు. ఇలానే.. ప్రజలకు తరచుగా చేరువ అవుతుంటారు. నేటితరం కూడా.. ఈ విషయాన్ని గమనించాలి. ఇలా.. అనేక విషయాల్లో చంద్రబాబు నుంచి నేటి తరం నేర్వాల్సింది చాలానే ఉంది..!
పాలన విషయంలో మంత్రి లోకేష్ పక్కా ప్లానింగ్తో వ్యవహరిస్తున్నారా? అంటే.. ఔననే సమాధానమే వినిపిస్తోంది. రాజకీయాలను విధానపరమైన అంశాలను కలగాపులగం…
పద్దెనిమిదేళ్ల అవమానాలు, ఎగతాళి మాటలకు బెంగళూరు జట్టు శాశ్వతంగా ముగింపు పలికింది. ఐపీఎల్ చరిత్రలో ట్రోల్స్ కు కేరాఫ్ అడ్రస్…
గ్రేటర్ హైదరాబాద్ మునిసిపల్ కార్పొరేషన్ ఎన్నికలు త్వరలోనే జరగనున్నాయి. ఇప్పటికే పాలక మండలి కూడా రద్దయింది. ప్రత్యేక అధికారి పాలనలోకి…
ఈ మధ్య కనిపించడం కాస్త తగ్గించినా హీరోయిన్ అనుపమ పరమేశ్వరన్ ను మన ప్రేక్షకులు అంత సులభంగా మర్చిపోరు. మొన్న…
ఇటీవల సోషల్ మీడియాలో కాక్రోచ్ జనతా పార్టీ సృష్టించిన ప్రభంజనం అందరికీ తెలిసిందే. బొద్దింకల పార్టీగా ప్రారంభమై.. ఒక వైపు…
మెగా వేలంలో ఎవరూ కొనని ఒక ఆటగాడు, ఏకంగా ఒక ఫ్రాంచైజీ తలరాతనే మారుస్తాడని బహుశా ఎవరూ ఊహించి ఉండరు.…