Political News

మాజీ మంత్రి విడదల రజిని మరిది గోపి అరెస్ట్!

వైసీపీ నాయ‌కురాలు..మాజీ మంత్రి విడ‌ద‌ల ర‌జ‌నీకి భారీ షాక్ త‌గిలింది. ఆమె మ‌రిది.. విడ‌ద‌ల గోపీని ఏసీబీ పోలీసులు అరెస్టు చేశారు. ఇత‌ర రాష్ట్రాల‌కు పారిపోయేందుకు రెడీ అవుతున్నాడ‌న్న స‌మాచారం తో హుటాహుటిన హైద‌రాబాద్ చేరుకున్న ఏసీబీ అధికారులు ఆయ‌న‌ను గురువారం తెల్ల‌వారు జామున 5.30 గంట‌ల స‌మ‌యంలో అరెస్టు చేశారు. గురువారం ఉద‌యం 9 గంట‌ల‌కు ఇత‌ర దేశాల‌కు వెళ్లేందుకు గోపి షెడ్యూల్ చేసుకున్న‌ట్టు ఏసీబీ అధికారుల‌కు స‌మాచారం వ‌చ్చింది. దీంతో అలెర్ట‌యి వెంట‌నే అరెస్టు చేశారు. అరెస్టు అనంత‌రం.. హైద‌రాబాద్ నుంచి విజ‌య‌వాడ‌కు త‌ర‌లిస్తున్నారు.

ఏంటి కేసు?

విడ‌ద‌ల ర‌జ‌నీ మంత్రిగా ఉన్న‌స‌మ‌యంలో ప‌ల్నాడు జిల్లాలోని య‌డ్ల‌పాడు గ్రామంలో ఉన్న శ్రీల‌క్ష్మి క్వారీ య‌జ‌మానిని బెదిరించార‌న్న కేసు ఉంది. క్వారీ అనుమ‌తులు నిలిపివేస్తామ‌ని.. లెక్క‌కు మించి త‌వ్వ‌కాలు చేస్తున్నార‌ని.. జీఎస్టీ ఎగ‌వేస్తున్నార‌ని… బెదిరించారు. ఈ క్ర‌మంలో అప్ప‌టి ఐపీఎస్ అధికారి ప‌ల్లె జాషువా కూడా.. ర‌జనీ చెప్పిన‌ట్టు విన్నారు. ఈ బెదిరింపుల్లో ఆయ‌న‌కు కూడా భాగ‌స్వామ్యం ఉందని ఏసీబీ అధికారులు గుర్తించి.. రెండు సార్లు విచార‌ణ‌కు పిలిచారు. ఈ విచార‌ణ‌లో త‌న‌ప్ర‌మేయం ఏమీ లేద‌ని.. అప్ప‌టి మంత్రి ఏం చెబితే అదే చేశాన‌ని ఆయ‌న వెల్ల‌డించారు.

ఇక‌, ఈ బెదిరింపుల ద్వారా సుమారు 2 కోట్ల రూపాయ‌ల‌ను మంత్రి తీసుకున్న‌ట్టు య‌జ‌మాని తెలిపారు. మ‌రో 50 ల‌క్ష‌ల‌ను పోలీసులు కూడా తీసుకున్నార‌ని ఫిర్యాదులో పేర్కొన్నారు. ఈ కేసును ప్ర‌తిష్టాత్మ‌కంగా భావించిన కూట‌మి స‌ర్కారు…ఏసీబీని విచార‌ణకు ఆదేశించింది. ఈ క్ర‌మంలోనే విడ‌ద‌ల ర‌జ‌నీ.. ఆమె ఇద్ద‌రు మ‌రుదుల ప్ర‌మేయం ఉంద‌ని…వారే క్వారీ య‌జ‌మానిని బెదిరించి… సొమ్ములు వ‌సూలు చేశార‌ని గుర్తించారు. దీనిలో అప్ప‌టి మంత్రి ర‌జ‌నీ పాత్ర కూడా ఉంద‌ని తేల్చారు.

దీంతో త‌న‌ను అరెస్టు చేయ‌కుండా.. ర‌జ‌నీ.. హైకోర్టును ఆశ్ర‌యించారు. ముంద‌స్తు బెయిల్ ఇవ్వాల‌ని కోరారు. అయితే..దీనిపై విచార‌ణ వాయిదా ప‌డుతోంది. ఇంత‌లోనే ఆమె మ‌రిది విదేశాల‌కు పారిపోయేందుకు ప్ర‌య‌త్నిస్తున్నార‌న్న స‌మ‌చారం అంద‌డంతో పోలీసులు అలెర్ట‌యి.. ఆయ‌న‌ను హైద‌రాబాద్‌లో అరెస్టు చేశారు. దీంతో ఈ కేసు.. మ‌రింత వేగం పుంజుకునే అవ‌కాశం ఉంటుంద‌ని అంటున్నారు పోలీసులు.

This post was last modified on April 24, 2025 9:29 am

Share

Recent Posts

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

8 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

9 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

9 hours ago

ఎట్ట‌కేల‌కు ప‌రిటాల వార‌సుడి సుడి తిరిగింది!

ప‌రిటాల ర‌వి, ప‌రిటాల సునీతల వార‌సుడు, టీడీపీ యువ‌నాయ‌కుడు ప‌రిటాల శ్రీరామ్‌.. తాజాగా జ‌రిగిన జిల్లా ప‌రిష‌త్‌.. చైర్మ‌న్ ఎంపిక‌లో…

9 hours ago

అధికారంలో ఉన్న బీజేపీ కంటే ప్రతిపక్షంలో ఉన్న కాంగ్రెస్ కి ఎక్కువ సీట్లు

బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…

9 hours ago

నితిన్ ఇచ్చింది చాలా పెద్ద స్టేట్‌మెంట్

ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…

9 hours ago