చంద్రబాబును మద్దుపెట్టబోయిన మహిళ..వైరల్ వీడియో

ఏపీ సీఎం చంద్రబాబు అంటే రాష్ట్రంలోని మహిళలకు ప్రత్యేకమైన గౌరవం ఉన్న సంగతి తెలిసిందే. డ్వాక్రా సంఘాలను ఏపీ మహిళలకు పరిచయం చేసిన చంద్రబాబుకు మహిళా అభిమానులు ఎక్కువ. తమ కాళ్లపై తాము నిలబడేలా చేసిన చంద్రబాబును మహిళలు ఎంతో గౌరవిస్తూ అభిమానిస్తుంటారు. ఈ క్రమంలోనే తాజాగా చంద్రబాబును ఓ మహిళా అభిమాని ముద్దు పెట్టబోయిన ఘటన వైరల్ గా మారింది. ఇందుకు సంబంధఇంచిన వీడియో సోషల్ మీడియాలో వైరల్ అవుతోంది.

ఓ కార్యక్రమంలో పాల్గొన్న చంద్రబాబు రోడ్డు మీద నడుచుకుంటూ తన కాన్వాయ్ దగ్గరకు వెళుతున్నారు. ఈ క్రమంలోనే ఓ మహిళా అభిమాని చంద్రబాబుకు పుష్పగుచ్ఛం ఇచ్చారు. ఈ సందర్భంగా ఆయనను ఆప్యాయంగా ఆమె హత్తుకున్నారు. దీంతో, చంద్రబాబు కూడా ఆమె భుజంపై ఆప్యాయంగా చేయి వేసి ఫొటో దిగుతున్నారు. అయితే, హఠాత్తుగా ఆ మహిళ చంద్రబాబును ముద్దుపెట్టుకునేందుకు ప్రయత్నించడంతో చంద్రబాబుతోపాటు అక్కడి భద్రతా సిబ్బంది కూడా అవాక్కయ్యారు.

వెంటనే ఆ మహిళను సెక్యూరిటీ సిబ్బంది అడ్డుకుని దూరంగా లాగేసే ప్రయత్నం చేశారు. అయితే, భద్రతా సిబ్బందిని సున్నితంగా వారించిన చంద్రబాబు…ఆ మహిళకు కాస్త దూరం జరిగి ఫొటో దిగారు. అయితే, ఈ ఘటన ఎప్పుడు ఎక్కడ జరిగింది అన్న విషయంపై స్పష్టత లేదు. ఏది ఏమైనా చంద్రబాబును ఆ మహిళ ముద్దుపెట్టుకోబోయిన వీడియో సోషల్ మీడియాలో వైరల్ గా మారింది.