యానిమల్ సినిమా చాలామంది కెరీర్లను మలుపు తిప్పింది. కానీ ఆ సినిమా వల్ల అత్యధిక ప్రయోజనం పొందింది బాబీ డియోల్ అంటే అతిశయోక్తి కాదు. హీరోగా రణబీర్ కపూర్, దర్శకుడిగా సందీప్ రెడ్డి వంగ భారీ విజయాలందుకుని తమ స్థాయిని ఎంతో పెంచుకున్నారు.
అనిల్ కపూర్, త్రిప్తి దిమ్రి లాంటి వాళ్ల కెరీర్లకు కూడా ఈ సినిమా మంచి ఊపు తెచ్చింది. కానీ బాబీ డియోల్ పొందిన ప్రయోజనం మాత్రం అనూహ్యం. ఈ సినిమాకు ముందు బాబీని అందరూ మరిచిపోయారు. ఆ పేరుతో ఓ మాజీ హీరో ఉన్న సంగతే గుర్తించడం మానేశారు.
హీరోగా కాకపోయినా క్యారెక్టర్, విలన్ రోల్స్ కూడా ఇచ్చేవాళ్లు కాదు. అలాంటి టైంలో ‘యానిమల్’ మూవీలో సందీప్ రెడ్డి డిజైన్ చేసిన వయొలెంట్ క్యారెక్టర్ను అద్భుత రీతిలో పోషించిన బాబీ.. ప్రేక్షకులను సంభ్రమాశ్చర్యాల్లో ముంచెత్తాడు. ఇందులో తన పెర్ఫామెన్స్ స్టాండౌట్గా నిలిచింది. రిలీజ్ తర్వాత ఈ పాత్ర సెన్సేషన్ క్రియేట్ చేసింది.
దీంతో బాబీ కెరీర్ ఊహించని మలుపు తిరిగింది. ఇండియాలోనే బిజీయెస్ట్ విలన్లలో ఒకడైపోయాడు బాబీ. ఆల్రెడీ తెలుగులో బాలకృష్ణ-బాబీ సినిమాలో విలన్ పాత్ర పోషించాడు. పవన్ కళ్యాణ్ సినిమా ‘హరిహర వీరమల్లు’లోనూ అతనో ముఖ్య పాత్ర చేస్తున్న సంగతి తెలిసిందే.
సూర్య క్రేజీ మూవీ ‘కంగువ’లోనూ బాబీనే విలన్. ఇవి కాక హిందీలో యశ్ రాజ్ ఫిలిమ్స్ వారి ‘ఆల్ఫా’లో విలన్గా ఎంపికయ్యాడు. అనురాగ్ కశ్యప్ కొత్త చిత్రంలోనూ నటిస్తున్నాడు. తాజాగా బాబీ నటించబోయే మరో క్రేజీ మూవీ గురించి అప్డేట్ వచ్చింది.
తమిళంలో టాప్ స్టార్ అయిన విజయ్ చిత్రంలో బాబీ విలన్ పాత్ర చేయబోతున్నాడు. రాజకీయాల్లోకి వెళ్లేముందు విజయ్ చివరగా హీరోగా నటించే చిత్రాన్ని హెచ్.వినోద్ రూపొందించనున్న సంగతి తెలిసిందే.
ఈ చిత్రంలో బాబీ నటిస్తున్న విషయాన్ని అధికారికంగా ప్రకటించారు. బాబీ చేస్తున్నాడంటే అది విలన్ రోలే అయి ఉంటుంది. ఈ చిత్రంలో పూజా హెగ్డే కథానాయికగా నటిస్తుందని చెన్నై వర్గాల సమాచారం.
This post was last modified on October 2, 2024 12:02 pm
భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…
పరిటాల రవి, పరిటాల సునీతల వారసుడు, టీడీపీ యువనాయకుడు పరిటాల శ్రీరామ్.. తాజాగా జరిగిన జిల్లా పరిషత్.. చైర్మన్ ఎంపికలో…
బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…