రాజమౌళి సినిమాల స్థాయిని ఎవరూ అందుకోలేరనే అభిప్రాయం ఇండియన్ ఫిలిం ఇండస్ట్రీలో బలంగా ఉంది. జక్కన్న తరహలో భారీ సినిమాలు తీయాలని తీయాలని ప్రయత్నించిన కొందరు దర్శకుడు, నిర్మాతలు గట్టి ఎదురు దెబ్బలు తిన్నారు. ఐతే ‘కల్కి’ మూవీతో వైజయంతీ మూవీస్ అధినేత అశ్వినీదత్, ఆయన అల్లుడైన దర్శకుడు నాగ్ అశ్విన్ ఇండియన్ స్క్రీన్ మీద అద్భుతాన్ని ఆవిష్కరించారు.
రాజమౌళి సినిమాలకు ఏమాత్రం తగ్గని స్థాయిలో భారీతనం, విజువల్స్, ఎఫెక్ట్స్‌తో ఈ సినిమా ప్రేక్షకులకు అనిర్వచనీయమైన అనుభూతిని అందించింది. బాక్సాఫీస్ దగ్గర కూడా గొప్ప ఫలితాన్ని అందుకుంది. ఇంత పెద్ద సినిమా తీసి హిట్ కొట్టినా.. రాజమౌళితో సినిమా తీయాలనే కోరిక మాత్రం అలాగే ఉందని అంటున్నాడు అశ్వినీదత్.
“రాజమౌళితో ఇంతకుముందే పని చేశా. ఆయన తొలి చిత్రం ‘స్టూడెంట్ నంబర్ వన్’కు నేను ప్రెజెంటర్‌ని. అది ఆయన తొలి సినిమా అయినా అద్భుతంగా తెరకెక్కించాడు. ఇప్పుడు రాజమౌళి ప్రపంచవ్యాప్తంగా గుర్తింపు సంపాదించాడు. ఆయనతో పూర్తి స్థాయి నిర్మాతగా సినిమా చేయాలని ఎప్పట్నుంచో అనుకుంటున్నా. కాకపోతే కుదరడం లేదు. ఇప్పటికీ ఆ ఆశ అలాగే ఉంది” అని దత్ చెప్పారు.
‘కల్కి’ మూవీ వరల్డ్ వైడ్ ఫుల్ రన్లో రూ.1150 కోట్లు వసూలు చేసిందని చెప్పిన అశ్వినీదత్.. తాను బడ్జెట్ విషయంలో టీంకు ఎలాంటి పరిమితులు పెట్టలేదన్నారు. ‘కల్కి-2’ ఇంకా గ్రాండ్‌గా ఉంటుందని ఆయన చెప్పారు. ప్రభాస్ వీలును బట్టి నాగ్ అశ్విన్ ఈ చిత్రాన్ని సెట్స్ మీదికి తీసుకెళ్తారని చెప్పారు.
This post was last modified on September 29, 2024 9:38 pm
తిరుమ‌ల తిరుప‌తి దేవ‌స్థానం పాల‌క మండ‌లి చైర్మ‌న్ పోస్టులో ఉన్న ప్ర‌ముఖ మీడియా అధిప‌తి బీఆర్ నాయుడు ప‌రిస్థితి సందిగ్ధంలో…
గత ఏడాది లిటిల్ హార్ట్స్ తో పరిచయమైన మౌళికి అంతకు ముందే సోషల్ మీడియాలో ఎంత పాపులారిటీ వచ్చిందో అందరికీ…
స్థానిక సంస్థ‌ల ఎన్నిక‌ల పోలింగ్ ప్ర‌క్రియ ప్రారంభం అవుతున్న నేప‌థ్యంలో వైసీపీ అధినేత జ‌గ‌న్ పార్టీ శ్రేణులు, నాయ‌కుల‌ను ఉద్దేశించి…
ఉమ్మ‌డి క‌డ‌ప జిల్లా రాజంపేట వైసీపీ ఎంపీ పెద్దిరెడ్డి మిథున్‌రెడ్డి ఫోన్ స్విచ్ఛాఫ్ అయిందా? ఆయన ఆచూకీ కూడా క‌నిపించ‌డం…
ఆంధ్రప్రదేశ్‌కు ఆర్థిక రాజధాని అయిన విజయవాడలో ఇప్పుడు పొలిటికల్ హీట్ తారస్థాయికి చేరింది. నగరపాలక సంస్థ మేయర్ పీఠాన్ని కైవసం…
తమకు ఇష్టమైన దర్శకులను పొగుడుకోవడంలో సెలబ్రిటీలు అనుసరించే పద్ధతులు, వాడే పదాలు వేర్వేరుగా ఉంటాయి. ఒక్కోసారి ఇవి అతిశయోక్తిగా మారి…