గత నెల విడుదలై భారీ విజయం అందుకున్న ఆయ్ థియేట్రికల్ గా మంచి రెవిన్యూ సాధించింది. అయితే బిగ్ స్క్రీన్ మీద మిస్ అయిన ప్రేక్షకులు భారీగానే ఉన్నారు. ఇటీవలే నెట్ ఫ్లిక్స్ లో ఓటిటి ప్రీమియర్ మొదలైన సంగతి తెలిసిందే.
ఆడుతున్న టైంలో జరగని డిబేట్ ఇప్పుడు డిజిటల్ లో వచ్చాక రాజుకోవడం విచిత్రం. అదేంటో చూద్దాం. క్లైమాక్స్ కి ముందు బాలకృష్ణ అభిమాని అయిన హీరోయిన్ తండ్రికి ఎప్పుడో ఫ్లాష్ బ్యాక్ లో చిరంజీవి ఫ్యాన్ అయిన హీరో నాన్న కొట్టడమనే ట్విస్టుని ఒక పాత్ర ద్వారా చిన్న ఎలివేషన్ ఇచ్చి రివీల్ చేస్తారు. ఇది బాగా పేలిన సన్నివేశం. పెద్దగా వివాదమూ కాదు.
కానీ ఇప్పుడు మాత్రం ఉద్దేశపూర్వకంగానే దర్శకుడు ఆ ఎపిసోడ్ పెట్టారని బాలయ్య, చిరు ఫ్యాన్స్ పరస్పరం ట్రోలింగ్ కి దిగిపోతున్నారు. ఇది మా రేంజని మెగా ఫాలోయర్స్ కవ్విస్తుండగా దానికి ధీటుగా నందమూరి అభిమానులు పాత సినిమాల్లోని వీడియోలు బయటికి తీస్తున్నారు.
ఉదాహరణకు దొంగమొగుడులో ఎన్టీఆర్ వేటగాడు ఆడుతున్న థియేటర్ ముందు చిరంజీవి గుడ్డివాడిగా బ్లాక్ టికెట్లు అమ్ముకునే సీన్ ఉంటుంది. దాన్ని షేర్ చేస్తున్నారు. దానికి ప్రతిగా ఆదిత్య 369లో బాలయ్య టేప్ రికార్డర్ లో జగదేకవీరుడు అతిలోకసుందరి పాటని ప్లే చేసే బిట్ ని బయటిని తీశారు.
ఇలా నువ్వా నేనాని పరస్పరం ఇద్దరి ఫ్యాన్స్ కవ్వించుకుంటూనే ఉన్నారు. నిజానికి స్టార్ హీరోలకు ఎలాంటి భేషజాలు ఉండవు కాబట్టే అవతలి వాళ్ళ రెఫరెన్సులు తమ సినిమాల్లో వాడుకుంటారు. సమరసింహారెడ్డి స్ఫూర్తితోనే ఇంద్రలో నటించానని చిరు ఈ మధ్యే బాలకృష్ణ స్వర్ణోత్సవ వేడుకలో చెప్పారు.
దానికి కొద్దిరోజుల ముందే రామ్ చరణ్ నాకు చాలా క్లోజని బాలయ్య చెప్పిన వీడియో వైరలయ్యింది. ఇంత స్పష్టంగా వాళ్ళ మధ్య అనుబంధం కొనసాగుతూ ఉంటే ఆన్ లైన్ లో మాత్రం అభిమానులు కవ్వించుకోవడం విచిత్రం. ఇదే ఆయ్ కు మరోరకంగా పబ్లిసిటీ మెటీరియల్ గా మారిందంటే ఆశ్చర్యం లేదు.
ఏపీలో కూటమిగా ఏర్పడిన టిడిపి, జనసేన, బిజెపిలు అధికారంలోకి వచ్చి రెండు సంవత్సరాలు పూర్తయింది. ఈ క్రమంలో కూటమికి నేతృత్వం…
ఓ రాజకీయ పార్టీ తనను వేధించిన విషయంపై అలుపెరగని పోరాటం చేసి తీరుతుంది. అలా చేయకుంటే… అది రాజకీయ పార్టీ…
భారత దేశ ప్రధాన మంత్రి నరేంద్ర మోదీ బుధవారం ఓ అరుదైన రికార్డును సొంతం చేసుకున్నారు. దేశానికి అత్యధిక కాలం…
జనసేన అధినేత, ఏపీ డిప్యూటీ సీఎం పవన్ కల్యాణ్ మరోమారు తెలంగాణ అంశం మీద నోరు విప్పారు. భారత దేశంలో…
ఏపీ అభివృద్ధికి కేంద్రంలోని నరేంద్ర మోడీ ప్రభుత్వం అన్ని విధాలా సాయం చేస్తోందని ఏపీ డిప్యూటీ సీఎం పవన్ కల్యాణ్…
సినీ ప్రియులను అంతులేని విషాదంలో ముంచెత్తుతూ లెజెండరీ దర్శకులు భారతీరాజా కన్నుమూశారు. ఆయన జ్ఞాపకాలలో అభిమానులు గతాన్ని తలుచుకుంటున్నారు. పేరు…