ఇండిపెండెన్స్ డే వీకెండ్లో మాస్ సినిమాలు మోతెక్కించేస్తాయిని అంతా అనుకున్నారు. ప్రేక్షకుల దృష్టి కూడా ప్రధానంగా మిస్టర్ బచ్చన్, డబుల్ ఇస్మార్ట్ మూవీస్ మీదే నిలిచింది. ఇవి రెండూ బాక్సాఫీస్ను ఊపేస్తాయని అనుకున్నారు. కానీ చిన్న సినిమా ఆయ్ ఊపిన ఊపుకి ఇవి కొట్టుకు పోయే పరిస్థితి నెలకొంది.
ముందేమో ఇలాంటి క్రేజీ సినిమాల మధ్య ఆయ్ అనే చిన్న సినిమా పోటీకి వెళ్లడం అవసరమా అన్నప్రశ్న తలెత్తింది. పెద్ద సినిమాల మధ్య ఇది నలిగిపోతుందనే అభిప్రాయాలు వ్యక్తమయ్యాయి. కానీ తీరా చూస్తే నెగెటివ్ టాక్ తెచ్చుకున్న మిస్టర్ బచ్చన్, డబుల్ ఇస్మార్ట్ ఆరంభ మెరుపులతో సరిపెట్టాయి. వీకెండ్లోనే వీటికి ప్రేక్షకులు తగ్గిపోయారు. మరోవైపు ఆయ్ షో షోకూ ప్రేక్షకాదరణ పెంచుకుంటూ పోయింది. ముందు పరిమిత థియేటర్లలో ఈ చిత్రాన్ని రిలీజ్ చేయగా.. తర్వాత స్క్రీన్లు, షోలు పెరిగాయి. వీక్ డేస్లో కూడా మంచి ఆక్యుపెన్సీలతో నడుస్తోంది ఆయ్ మూవీ.
ఆయ్ మాత్రమే కాదు.. ముందు వారంలో రిలీజైన కమిటీ కుర్రోళ్లు కూడా ఇంకా బాగా ఆడుతోంది. ఈ సినిమాకు మంచి టాక్ వచ్చింది. వసూళ్లు కూడా క్రమంగా పెరుగుతూ వెళ్లాయి. ఈ రెండు చిత్రాల్లోనూ స్టార్ హీరోలు లేరు. విడుదలకు ముందు వీటికి పెద్దగా బజ్ లేదు. కేవలం కంటెంట్తో ప్రేక్షకుల దృష్టిని ఆకర్షించాయి. పేరున్న నటీనటులు లేకున్నా..కొత్త, పెద్దగా పేరు లేని నటీనటులు, సాంకేతిక నిపుణులే ప్రేక్షకులను ఆకట్టుకున్నారు.
ఆడియన్స్ కూడా స్టార్లున్నారా అని చూడకుండా కంటెంట్ చూసి ఈ సినిమాలను ప్రోత్సహించారు. టాక్ తెలుసుకుని ఈ సినిమాలు ఆడుతున్న థియేటర్లకు కదిలారు. దీన్ని బట్టి సరైన కథ లేకుండా కాంబినేషన్ క్రేజ్తో సినిమాలు లాగించేయడం కంటే.. పేరున్న ఆర్టిస్టులు, టెక్నీషియన్లు లేకపోయినా బలమైన కంటెంట్ ఉంటే చాలు అని మరోసారి రుజువైంది. ఈ రెండు చిన్న సినిమాల స్ఫూర్తితో అయినా మేకర్స్ కంటెంట్ మీద మరింత దృష్టిపెడతారని ఆశిద్దాం.
This post was last modified on August 21, 2024 7:41 am
నేచురల్ స్టార్ నాని ప్రస్తుతం మాంచి ఊపుమీదున్నాడు. దసరా, హాయ్ నాన్న, సరిపోదా శనివారం చిత్రాలతో హ్యాట్రిక్ హిట్లు కొట్టిన…
గత ఐదేళ్లు వైఎస్సార్ కాంగ్రెస్ పార్టీ అధికారంలో ఉండగా తిరుమల లడ్డు నాణ్యత పడిపోయిందని.. లడ్డు తయారీలో వాడిన నెయ్యలో…
కూటమి సర్కారుకు వంద రోజులు పూర్తయ్యాయి. సంతృప్తి విషయంలో కూటమి పార్టీల నాయకులు తల కోమాట మాట్లాడుతున్నారు. ఇదేంటి? అంటున్నారా?…
దేవరతో టాలీవుడ్ కు పరిచయం కాబోతున్న జాన్వీ కపూర్ డెబ్యూలో ఎలాంటి పెర్ఫార్మన్స్ ఇస్తుందోననే ఆసక్తి ప్రేక్షకుల్లోనే కాదు ఇండస్ట్రీ…
ఈ ఏడాది జరిగిన ఎన్నికల్లో బీజేపీ తరపున 8 మంది ఎమ్మెల్యేలు విజయం దక్కించుకున్నారు. వీరిలో కొందరు ఫైర్బ్రాండ్లు కూడా…
తమిళ హీరో ధనుష్ కేవలం ప్రతిభావంతుడైన నటుడు మాత్రమే.. తనలో మంచి అభిరుచి ఉన్న దర్శకుడు, కథా రచయిత, లిరిసిస్ట్,…