ఎంత పెద్ద ప్యాన్ ఇండియా మూవీ అయినా సరే రెండు వారాలు దాటితే ఖచ్చితంగా నెమ్మదించే పరిస్థితిలో కల్కి 2898 ఏడి దూకుడు ఇంకా కొనసాగుతోంది. తర్వాత వచ్చిన కొత్త రిలీజులు ఆశించిన స్థాయిలో కాదు కదా కనీస రేంజ్ లో మెప్పించలేకపోవడం ప్రభాస్ మూవీకి వరంగా మారుతోంది. నిన్న కల్కికి 32వ రోజు. బుక్ మై షోలో గడిచిన ఇరవై నాలుగు గంటల్లో బుక్ అయిన టికెట్లు అక్షరాలా 63 వేలు. డెడ్ పూల్ వాల్వరిన్ కాకుండా ఇంకే సినిమా నిన్న ట్రెండింగ్ లో లేదు ఒక్క కల్కి తప్ప. దీన్ని బట్టి వీకెండ్ లో తెలుగు ప్రేక్షకులు ఛాయస్ మళ్ళీ ఇదే అయ్యిందని చెప్పడంలో ఆశ్చర్యం లేదు.
ఇప్పటికీ పదకొండు వందల కోట్ల గ్రాస్ దాటేసిన కల్కి ఎప్పుడు నెమ్మదిస్తుందో చెప్పలేని పరిస్థితి నెలకొంది. ఓటిటిలో త్వరగా రాదనే వాస్తవం జనాలకు బాగా రీచ్ కావడంతో థియేటర్ ఎక్స్ పీరియన్స్ కోసం కుటుంబ ప్రేక్షకులు కల్కికే ప్రాధాన్యం ఇస్తున్నారు. ఆన్ లైన్ బుకింగ్స్ ఇలా ఉంటే ఆ చార్జీలు మిగిలించుకుందామని నేరుగా థియేటర్ కౌంటర్లో టికెట్లు కొనే బాపతు భారీగా ఉంటారు. పరిమిత షోలే అయినప్పటికీ నిన్న చాలా చోట్ల ఈవెనింగ్ షోలు హౌస్ ఫుల్ కావడం గమనార్హం. పురుషోత్తముడు లాంటివి మినిమమ్ ఆక్యుపెన్సీకి పోరాడగా రాయన్ ఒక్కటే మెయిన్ సెంటర్స్ లో తట్టుకుంది.
ట్రూ బ్లాక్ బస్టర్ అనే పదానికి కల్కి నిర్వచనంలా నిలుస్తోంది. ఆగస్ట్ 1, 2 తేదీల్లో వరసగా బోలెడు రిలీజులు ఉన్నప్పటికీ వాటిలో స్టార్ హీరోలు ఉన్నవి లేకపోవడం మరో వీకెండ్ కి అవకాశం కలిగించవచ్చు. ఆగస్ట్ 15 మిస్టర్ బచ్చన్, డబుల్ ఇస్మార్ట్ వచ్చే దాకా పెద్ద మార్పు ఉండేలా లేదు. కల్కి 2898 ఏడికి మంచి కౌంట్ లో అర్ధశతదినోత్సవం జరగాలని కోరుకుంటున్న అభిమానుల ఆకాంక్ష ఎంత మేరకు నెరవేరుతుందో వేచి చూడాలి. ఇంకో పద్దెనిమిది రోజులు ఉన్న నేపథ్యంలో స్క్రీన్లు గణనీయంగా తగ్గిపోవచ్చు. మరి ఎన్ని సెంటర్స్ లో ఫిఫ్టీ డేస్ మైలురాయి అందుకుంటుందో చూద్దాం.
This post was last modified on July 29, 2024 10:50 am
వరద భయం లేకుండా ప్రపంచ స్థాయి ప్రమాణాలతో అమరావతి నగరాన్ని నిర్మిస్తున్నట్లు కూటమి ప్రభుత్వం హామీ ఇస్తోంది. మరోవైపు అమరావతి…
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…