మెగాస్టార్ మేనల్లుడు సాయిధరమ్ తేజ్ ఒకప్పుడు ఎంత హుషారుగా ఉండేవాడో తెలిసిందే. కానీ మూడేళ్ల కిందట రోడ్డు ప్రమాదంలో తీవ్రంగా గాయపడి కోలుకున్నాక ఆ జోష్ అంతా పోయింది. తన లుక్స్ మారిపోయాయి. రీఎంట్రీ మూవీ ‘విరూపాక్ష’లో తేజు బొద్దుగా కనిపించాడు. తన కదలికల్లో చురుకుదనం కనిపింంచలేదు. డైలాగ్ డెలివరీ సైతం మారిపోయింది. రీఎంట్రీలో పెద్ద హిట్టయితే కొట్టాడు కానీ.. తెర మీద అతణ్ని చూస్తే కొంచెం తేడాగానే కనిపించాడు. పవన్ కళ్యాణ్తో కలిసి నటించిన ‘బ్రో’లోనూ తేజులో హుషారు కనిపించలేదు.
ఐతే ఆ టైంలో ఒక ఇంటర్వ్యూలో మాట్లాడుతూ.. తాను యాక్సిడెంట్ నుంచి పూర్తిగా కోలుకోలేదని.. తనకు ఇంకా కొన్ని సమస్యలు ఉన్నాయని.. వాటన్నింటినీ అధిగమించి పూర్తి ఫిట్గా తయారు కావడానికి టైం పడుతుందని.. అందుకోసం గ్యాప్ కూడా తీసుకుంటున్నానని చెప్పాడు.
ఐతే ఆ టైంలో మూణ్నాలుగు నెలలే గ్యాప్ అని చెప్పాడు కానీ.. ‘బ్రో’ రిలీజై ఏడాది కావస్తున్నా తన కొత్త చిత్రాన్ని మొదలుపెట్టలేదు తేజు. సంపత్ నందితో అతను చేయాల్సిన ‘గాంజా శంకర్’ ఆగిపోవడమే గ్యాప్ పెరగడానికి కారణం కావచ్చు. ఐతే అనుకోకుండా వచ్చిన ఈ లాంగ్ గ్యాప్ను తేజు బాగానే ఉపయోగించుకున్నట్లు తెలుస్తోంది. ఆరోగ్య పరంగా అతను అన్ని సమస్యలనూ అధిగమించాడని అంటున్నారు.
తన కొత్త చిత్రం కోసం తేజు ఏకంగా సిక్స్ ప్యాక్ బాడీ పెంచుతున్నాడట. కొన్ని నెలలుగా బయటికి రాని తేజు.. పూర్తి ఫిట్గా తయారైన కొత్త లుక్తో ఆశ్చర్యపరచనున్నాడట. సిక్స్ ప్యాక్ చేసే స్థాయికి వచ్చాడంటే తేజు పూర్తిగా కోలుకున్నాడని భావించవచ్చు. రోహిత్ కేపీ అనే కొత్త దర్శకుడితో తేజు ఇటీవలే ఓ పాన్ ఇండియా మూవీని అనౌన్స్ చేసిన సంగతి తెలిసిందే. ప్రైమ్ షో ఎంటర్టైన్మెంట్స్ బేనర్ మీద నిరంజన్ రెడ్డి ఈ చిత్రాన్ని ప్రొడ్యూస్ చేస్తున్నాడు.
This post was last modified on July 27, 2024 10:29 pm
సోషల్ మీడియా ప్రపంచంలో నెగటివిటీ ఎంతగా పెరిగిపోయిందంటే గాలి కన్నా వేగంగా ఇదే ప్రయాణిస్తోంది. కొందరి ఆలోచనలను, వ్యక్తిత్వాలను తీవ్రంగా…
పన్నెండు సంవత్సరాలు ఒక సినిమా విడుదల కాకుండా ల్యాబ్ లో మగ్గితే దాని మీద ఎవరికీ పెద్దగా ఆశలు ఉండవు.…
ఇటీవలే షూటింగ్ మొదలుపెట్టుకున్న అఖండ 2 తాండవం మీద ఏ స్థాయి అంచనాలున్నాయో చెప్పనక్కర్లేదు. బాలయ్యకు సాలిడ్ కంబ్యాక్ ఇచ్చిన…
ప్రపంచ ప్రఖ్యాత ఐటీ దిగ్గజ సంస్థ మైక్రోసాఫ్ట్ మాజీ సీఈవో.. బిల్ గేట్స్తో ఏపీ సీఎం చంద్రబాబు, ఆయన కుమారుడు,…
విశాఖపట్నంలోని శారదాపీఠం అధిపతి స్వరూపానందేంద్ర స్వామి.. వైసీపీ స్వామిగా ప్రచారంలో ఉన్న విషయం తెలిసిందే. వైసీపీ హయాంలో ఆయన చుట్టూ…
ఇప్పుడంతా డిజిటలే. అంతా నగదు రహితమే. పర్సులో కరెన్సీ నోట్లు ఉండాల్సిన అవసరమే లేదు. ఎంచక్కా… చేతిలో మొబైల్ ఫోన్…