పిక్ టాక్: కొత్తమ్మాయి కాదు కత్తి అమ్మాయి

ఒక హీరోయిన్ నటించిన తొలి సినిమా సక్సెస్ అయ్యాక తనకు పేరు రావడం.. బిజీ అవ్వడం మామూలే. కానీ తొలి చిత్రం రిలీజవ్వకముందే ఆ కథానాయికకు హైప్ వచ్చేయడం.. అవకాశాలు వరుస కట్టడం అరుదుగా జరుగుతుంటుంది. ఇప్పుడు ముంబయి భామ భాగ్యశ్రీ బోర్సే విషయంలో అదే జరుగుతోంది. మాస్ రాజా రవితేజ హీరోగా హరీష్ శంకర్ రూపొందిస్తున్న ‘మిస్టర్ బచ్చన్’ మూవీతో ఈ అమ్మాయి టాలీవుడ్లోకి అడుగు పెడుతోంది.

ఐతే ఈ సినిమా ప్రారంభోత్సవంలో భాగ్యశ్రీని చూడగానే హరీష్ సెలక్షన్ సూపర్ అనే కామెంట్లు వినిపించాయి సోషల్ మీడియాలో. ఇక ‘మిస్టర్ బచ్చన్’ నుంచి తొలి ప్రోమో రిలీజవడం ఆలస్యం.. ఈ అమ్మాయి కుర్రకారును ఒక ఊపు ఊపేస్తుందని.. స్టార్ హీరోయిన్ అయిపోతుందని తీర్మానాలు చేసేశారు. ఇప్పుడు అదే జరగబోతున్న సంకేతాలు కనిపిస్తున్నాయి.

‘మిస్టర్ బచ్చన్’ నుంచి రిలీజ్ చేసిన రెండు పాటల్లోనూ భాగ్యశ్రీ సెక్సీ లుక్స్ చర్చనీయాంశం అయ్యాయి. ఆల్రెడీ టాలీవుడ్లో రెండు క్రేజీ ప్రాజెక్టుల్లో భాగ్యశ్రీ కథానాయికగా నటించబోతున్నట్లు తెలుస్తోంది. ఈ లోపు ‘మిస్టర్ బచ్చన్’లో భాగ్యశ్రీ అందాలు చూసేందుకు యువ ప్రేక్షకులు ఆసక్తిగా ఎదురు చూస్తున్నారు.

సినిమాలో కనువిందు చేయడానికి ముందే భాగ్యశ్రీ సోషల్ మీడియాకు తన ఫొటో షూట్లతో విందు అందించే ప్రయత్నం చేస్తోంది. బ్లాక్ డ్రెస్‌లో ఆమె చేసిన కొత్త ఫొటో షూట్‌లో లుక్స్ సూపర్ సెక్సీగా ఉన్నాయి. ఆ ఫొటోలు చూసి ఆమె కొత్త అమ్మాయి కాదు, కత్తి అమ్మాయి అని కుర్రాళ్లు కామెంట్లు చేస్తున్నారు. తొలి సినిమా విడుదలకు ముందే మాంచి ఫాలోయింగ్ సంపాదించిన భాగ్యశ్రీ.. మిస్టర్ బచ్చన్ రిలీజ్ తర్వాత సెన్సేషన్ క్రియేట్ చేసేలాగే కనిపిస్తోంది.