గత కొన్ని వారాలుగా టాలీవుడ్లో ‘కల్కి 2898 ఏడీ’ తప్ప వేరే సినిమా పేరు వినిపించడం లేదు. జూన్ 27న ఈ చిత్రం విడుదల కాగా.. అంతకు కొన్ని రోజుల ముందు నుంచే కల్కి ఫీవర్ మొదలైపోయింది. ఇక రిలీజ్ తర్వాత ఈ చిత్రం ఎంతగా చర్చనీయాంశం అయిందో తెలిసిందే.
‘కల్కి’ వస్తోందని ముందు, వెనుక వారాల్లో చెప్పుకోదగ్గ సినిమాలేవీ రిలీజ్ చేయలేదు. ఈ నెల 12న ‘భారతీయుడు-2’ మంచి అంచనాల మధ్యే విడుదలైనప్పటికీ అది అంచనాలను అందుకోవడంలో ఘోరంగా విఫలమవడంతో మళ్లీ ‘కల్కి’నే బాక్సాఫీస్ దగ్గర లీడ్ తీసుకుంది. ఇక ఈ వారం విషయానికి వస్తే.. తెలుగు నుంచి కొన్ని చిన్న చిత్రాలు రిలీజవుతున్నాయి. కానీ అవి ‘కల్కి’ జోరును ఏమాత్రం ఆపుతాయో అన్నది సందేహంగానే ఉంది.
ఈ వారం కొత్త చిత్రాల్లో ముందు చెప్పుకోవాల్సింది.. ‘డార్లింగ్’ గురించే. కమెడియన్గా పరిచయమై ఆ రోల్సే చాలా వరకు చేస్తూ వచ్చి.. ఆ తర్వాత మల్లేశం, బలగం లాంటి చిత్రాలతో హీరోగా తనకంటూ ప్రత్యేక గుర్తింపు సంపాదించాడు ప్రియదర్శి. అతను లీడ్ రోల్లో, తనకు జోడీగా నభా నటేష్ నటించిన చిత్రమిది. కొత్త దర్శకుడు అశ్విన్ ఈ చిత్రాన్ని రూపొందించాడు. ‘హనుమాన్’ మేకర్స్ ప్రొడ్యూస్ చేసిన ఈ చిత్రం ఎంటర్టైనింగ్ ప్రోమోలతో ప్రేక్షకుల దృష్టిని ఆకర్షించింది. కొంచెం బజ్ అయితే క్రియేట్ అయింది ఈ చిత్రానికి. మరి టాక్ ఎలా ఉంటుందో చూడాలి.
దీంతో పాటు తమిళ నటుడు వినోద్ నటించిన ‘పేకమేడలు’ అనే ఇంట్రెస్టింగ్ మూవీ ఈ వారం థియేటర్లలోకి దిగుతోంది. దీనికి ముందే పెయిడ్ ప్రిమియర్స్ వేశారు. స్పందన పర్వాలేదు. ఇంకా ‘ది బర్త్ డే బాయ్’ అని ఇంకేవో కొన్ని చిన్న సినిమాలు ఈ వారం రిలీజవుతున్నాయి. అవి పెద్దగా ప్రేక్షకుల దృష్టిలో పడుతున్నట్లు లేవు. మరి ఈ సినిమాల్లో ‘కల్కి’ జోరును తట్టుకుని నిలబడి ప్రేక్షకులను థియేటర్లకు రప్పించేవి ఏవో చూడాలి. ఈ చిత్రాలకు టాక్ లేకుంటే మరో వీకెండ్ ‘కల్కి’ దూకుడే చూడొచ్చు.
This post was last modified on July 19, 2024 10:31 am
ఎప్పుడో ఆరేళ్ళ క్రితం రిలీజైన సినిమా. ఓటిటిలో వచ్చేసి అక్కడా మిలియన్ల వ్యూస్ సాధించుకుంది. ఇప్పుడు కొత్తగా రీ రిలీజ్…
సెప్టెంబర్ నెల సగానికి పైనే అయిపోయింది. ఇకపై ఆకాశమే హద్దుగా గేమ్ ఛేంజర్ నాన్ స్టాప్ అప్డేట్స్ ఉంటాయని దిల్…
యూత్ హీరో సుహాస్ కొత్త సినిమా గొర్రె పురాణం ఇంకో నాలుగు రోజుల్లో విడుదల కానుంది. ట్రైలర్ కూడా వచ్చేసింది.…
జనసేన పార్టీ నాయకుడు, ప్రముఖ సినీ కొరియోగ్రాఫర్ జానీ మాస్టర్పై పార్టీ వేటు వేసింది. ఆయనను పార్టీ కార్యక్రమాలకు దూరంగా…
కొన్ని నెలల క్రితం లాల్ సలామ్ అనే సినిమా ఒకటొచ్చిందనే సంగతే చాలా మంది సగటు ప్రేక్షకులు మర్చిపోయి ఉంటారు.…
స్టార్ హీరోలు నటించిన సినిమాలకు పాజిటివ్ టాక్ వచ్చి భారీ వసూళ్లు సాధించడంలో ఆశ్చర్యం లేదు. కానీ చిన్న బడ్జెట్…