Movie News

వావ్.. బాలీవుడ్లో రికార్డు కొట్టిన కల్కి

ఒకప్పుడు బాలీవుడ్ సినిమాలకు, దక్షిణాది చిత్రాలకు చాలా అంతరం ఉండేది. హిందీ చిత్రాల ముందు మన ప్రాంతీయ భాషా చిత్రాలు నిలిచేవి కావు. వాటి బడ్జెట్లు, వసూళ్లు అన్నీ కూడా పెద్ద రేంజిలో ఉండేవి. కానీ ఇప్పుడు సౌత్ ఇండియన్ సినిమాల ముందు బాలీవుడ్ చిత్రాలే నిలవలేకపోతున్నాయి. గత దశాబ్ద కాలంలో ఎన్నోసార్లు సౌత్ సినిమాలు హిందీ చిత్రాల మీద ఆధిపత్యం చలాయించాయి. ఉత్తరాదిన హిందీ సినిమాలను మించి వసూళ్లు కొల్లగొట్టాయి.

ఇప్పుడు మరోసారి బాలీవుడ్‌కు సౌత్ సినిమా ఝలక్ ఇచ్చింది. 2024లో సగం నెలలు గడిచిపోగా.. ప్రస్తుతం హిందీ భాషలో అత్యధిక వసూళ్లు సాధించిన చిత్రంగా ఓ తెలుగు సినిమా నిలవడం విశేషం. ఆ చిత్రమే.. కల్కి.

ఇప్పటిదాకా జనవరిలో రిలీజైన హృతిక్ రోషన్ మూవీ ‘ఫైటర్’యే 2024లో హైయెస్ట్ హిందీ గ్రాసర్ మూవీగా ఉంది. ఆ చిత్రం రూ.215 కోట్ల వసూళ్లు రాబట్టింది. ఐతే గత నెల 27న విడుదలైన ‘కల్కి’ హిందీలో ఆరంభం నుంచి నిలకడగా వసూళ్లు సాధిస్తూ రూ.200 కోట్ల మార్కును దాటేసింది. ఇప్పుడు రిలీజైన 12వ రోజు ఈ చిత్రం ‘ఫైటర్’ కలెక్షన్లను దాటేసింది. రెండో వీకెండ్లోనూ ‘కల్కి’ భారీ వసూళ్లు రాబట్టింది. ఇప్పటికీ రోజూ పది కోట్లకు తక్కువ కాకుండా హిందీ వెర్షన్ వసూళ్లు రాబడుతోంది.

ఫుల్ రన్లో రూ.250 కోట్ల మార్కును కూడా ‘కల్కి’ అందుకునే అవకాశాలున్నాయి. ఏడాది చివర్లో కొన్ని పెద్ద హిందీ చిత్రాలు రావాల్సి ఉంది. అంత వరకు ‘కల్కి’నే 2024 హైయెస్ట్ హిందీ గ్రాసర్‌గా కొనసాగే అవకాశాలు కనిపిస్తున్నాయి. ఇది బాలీవుడ్ ఫిలిం మేకర్స్‌, హీరోలకు కచ్చితంగా ఇబ్బంది కలిగించే విషయమే.

This post was last modified on July 9, 2024 10:01 pm

Share
Show comments
Published by
Satya

Recent Posts

నాలుగు కాదు… ఆరింటి భర్తీకి గ్రీన్ సిగ్నల్ వచ్చినట్టేనా?

తెలంగాణ కేబినెట్ విస్తరణ ఎప్పటికప్పుడు వాయిదా పడుతూనే వస్తోంది. ఇప్పటికే మొన్నామధ్య సీఎం రేవంత్ రెడ్డి, టీపీసీసీ చీఫ్ మహేశ్…

43 minutes ago

కందుల దుర్గేశ్ రూటే సెపరేటు!

జనసేన కీలక నేత, ఏపీ పర్యాటక శాఖ మంత్రి కందుల దుర్గేశ్ నిజంగానే విభిన్న పంథాతో సాగే నేత. ఇప్పటిదాకా…

9 hours ago

టీడీపీ – జ‌న‌సేన‌ల‌కు.. వ‌క్ఫ్ ఎఫెక్ట్ ఎంత‌..!

ఏపీలో అధికార కూట‌మి మిత్ర ప‌క్షాల మ‌ధ్య వ‌క్ఫ్ బిల్లు వ్య‌వ‌హారం.. తేలిపోయింది. నిన్న మొన్న‌టి వ‌రకు దీనిపై నిర్ణ‌యాన్ని…

10 hours ago

అభిమానులను తిడితే సినిమా హిట్టవుతుందా

హెడ్డింగ్ చూసి ఇదేం ప్రశ్న అనుకుంటున్నారా. నిర్మాత సాజిద్ నడియాడ్ వాలా భార్య వార్దా ఖాన్ వరస చూస్తే మీకూ…

11 hours ago

ఎస్ఎస్ఎంబి 29 – సీక్వెల్ ఉంటుందా ఉండదా

టాలీవుడ్ కే కాదు మొత్తం భారతదేశ సినీ పరిశ్రమలోనే అత్యంత ప్రతిష్టాత్మక ప్రాజెక్టుగా రూపొందుతున్న ఎస్ఎస్ఎంబి 29 షూటింగ్ ఇప్పటికే…

11 hours ago

టీడీపీలో కుములుతున్న ‘కొన‌క‌ళ్ల’.. ఏం జ‌రిగింది ..!

మ‌చిలీప‌ట్నం మాజీ ఎంపీ, టీడీపీ సీనియ‌ర్ నేత కొన‌క‌ళ్ల నారాయ‌ణరావు.. త‌న యాక్టివిటీని త‌గ్గించారు. ఆయ‌న పార్టీలో ఒక‌ప్పుడు యాక్టివ్…

11 hours ago