మరికొద్ది గంటల్లో ప్రీమియర్లు మొదలుకాబోతున్న కల్కి 2898 ఏడి ఎదురు చూపులు నిమిషాలను సైతం యుగాలుగా మార్చేస్తున్నాయి. ఇండియన్ స్క్రీన్ మీద అతి పెద్ద విజువల్ వండర్ చూసేందుకు ప్రేక్షకులు సిద్ధమవుతున్న వేళ కొన్ని ఆసక్తికరమైన లీక్స్ కొన్ని విషయాల్లో సంసిద్ధతను డిమాండ్ చేస్తున్నాయి. వాటిలో మొదటిది ప్రభాస్ ఎంట్రీ. మాములుగా ప్యాన్ ఇండియా మూవీ అంటే హీరో లాంచ్ మహా అయితే మొదటి అయిదు పది నిమిషాల్లోనే జరిగిపోతుంది. కానీ కల్కిలో మాత్రం కాస్త ఆలస్యంగా ఉంటుందని ఇన్ సైడ్ టాక్. మరీ లేట్ కాదు కానీ ఇంకెంతసేపు అనే ఫీలింగ్ వస్తుందట.
మూడు ప్రపంచాలను పరిచయం చేసే క్రమంలో దర్శకుడు నాగఅశ్విన్ ఎక్కువ సమయం తీసుకోవడం వల్ల కాసేపు అమితాబ్ డామినేషన్ అనిపించినా ఆశ్చర్యం లేదని అంటున్నారు. ఒక్కసారి భైరవ ప్రవేశం జరిగిపోయాక కథా కథనాలు నెక్స్ట్ లెవెల్ ఉంటాయని అంటున్నారు. మహాభారతంలోని కురుక్షేత్ర సంగ్రామ పరిచయం, కలి పురుషుడి అవతారం గిరించి వివరణ, అశ్వద్ధామకు సంబంధించిన ఎపిసోడ్ వగైరాలు డిటైల్డ్ గా ఉండటం వల్ల రెగ్యులర్ కమర్షియల్ స్టైల్ లో ఉండదని వినికిడి. ఎప్పుడూ చూడని సరికొత్త అనుభూతికి ముందే సిద్ధపడటం ఒకరకంగా అవసరమే.
తినబోతు రుచులెందుకు కానీ భైరవగా ప్రభాస్ ని సూపర్ హీరో పాత్రలో చూసేందుకు ఫ్యాన్స్ ఎగ్జైట్ మెంట్ మాములుగా లేదు. ఆదిపురుష్ గాయం, సలార్ హిట్ అయినా పూర్తిగా సంతృప్తిపరచలేకపోయిన వైనం తదితరాలన్నీ కల్కి 2898 ఏడి పూర్తిగా తగ్గిస్తుందని అభిమానుల నమ్మకం. ఏపీ తెలంగాణలో ఉదయం 4 గంటల నుంచే స్పెషల్ షోలు మొదలు కానుండగా కొన్నిచోట్ల మూడు నుంచే పడతాయని తెలిసింది. ఎలాగూ ఓవర్సీస్ షోల రిపోర్ట్ తెల్లవారకుండానే వచ్చేస్తుంది కాబట్టి ఫస్ట్ డే ఫస్ట్ షో మిస్ అవుతున్న వాళ్ళు కూడా ఆన్ లైన్ లో కల్కి కబుర్లు వెతుక్కోవడంలో బిజీగా ఉంటారు.
This post was last modified on June 26, 2024 6:23 pm
‘కల్కి’ సినిమాలో అత్యంత ఆసక్తి రేకెత్తించిన పాత్రల్లో కమల్ హాసన్ చేసిన సుప్రీమ్ యాస్కిన్ క్యారెక్టర్ ఒకటి. రిలీజ్కు ముందు…
మరో రెండు రోజుల్లో ఏపీలో పంపిణీ చేయనున్న సామాజిక భద్రతా పింఛన్ల విషయంపై సీఎం చంద్రబాబు తాజాగా టీడీపీ నాయకులకు,…
ఇండియాస్ బిగ్గెస్ట్ మూవీ ‘కల్కి’ నిన్ననే ప్రపంచవ్యాప్తంగా ప్రేక్షకుల ముందుకు వచ్చింది. ఈ సినిమాకు రెస్పాన్స్ కూడా అదిరిపోయే స్థాయిలోనే…
తెలుగు కమెడియన్ స్టార్.. అలీ.. రాజకీయాలకు గుడ్ బై చెప్పారు. నిన్న మొన్నటి వరకు ఆయన వైసీపీతో ఉన్న విషయం…
అక్కినేని నాగేశ్వరరావు మనవడిగా ఇండస్ట్రీకి వచ్చిన సుమంత్ కెరీర్ ప్రారంభంలో చెప్పుకోదగ్గ మంచి సినిమాలే చేశాడు. డెబ్యూ మూవీ ప్రేమకథ…
నాడు వైఎస్ చేసిన తప్పే జగన్ చేశారు పోలవరంపై జగన్ అడుగడుగునా మాట మార్చారు జూన్-డిసెంబర్.. అంటూ ప్రాజెక్టును నాశనం…