జయాపజయాలు పక్కనపెడితే బెల్లంకొండ సాయిశ్రీనివాస్ కు మాస్ లో చెప్పుకోదగ్గ మార్కెట్ ఉంది. డబ్బింగ్ వెర్షన్ల రూపంలో హిందీ ఆడియన్స్ కి బాగా చేరువ కావడంతో అనువాద హక్కులకు మంచి ఆదాయం వస్తోంది.
దీన్ని తన వ్యక్తిగత క్రేజ్ గా భ్రమపడిన సాయిశ్రీనివాస్ ఛత్రపతి హిందీ రీమేక్ కోసం మూడేళ్ళ విలువైన సమయాన్ని వృథా చేయడం కెరీర్ లోనే అతి పెద్ద పొరపాటు. ఇప్పుడిది తెలుసుకుని ప్రాజెక్టులు చేయడంలో వేగం పెంచాడు. నిర్మాణంలో ఉన్నవాటితో పాటు కొత్తగా ఒప్పుకునే సినిమాలకు సంబంధించి తెలివైన నిర్ణయాలు తీసుకుంటున్న వైనం కనిపిస్తోంది.
లుదీర్ అనే కొత్త దర్శకుడికి ఛాన్స్ ఇస్తూ సాయి శ్రీనివాస్ ఒక కథకు ఓకే చెప్పాడని సమాచారం. వామన టైటిల్ తో రూపొందబోయే ఈ కమర్షియల్ ఎంటర్ టైనర్ లో ఊహించని అంశాలు చాలా ఉంటాయట. కౌశిక్ పెగళ్ళపాటి దర్శకత్వంలో ఆల్రెడీ ఒక ఫాంటసీ మూవీకి గ్రీన్ సిగ్నల్ ఇచ్చిన సంగతి తెలిసిందే.
దీనికి కిష్కిందపురి టైటిల్ పరిశీలనలో ఉంది. వామన రెగ్యులర్ షూటింగ్ ఆగస్ట్ నుంచి మొదలుపెట్టనుండగా కౌశిక్ సినిమా కూడా సమాంతరంగా జరిగే అవకాశముంది. ఈ రెండూ తనకు పెద్ద బ్రేకింగ్ పాయింట్స్ అవుతాయనే నమ్మకం సాయిశ్రీనివాస్ లో ఉందట.
ప్రస్తుతం తను టైసన్ నాయుడు పూర్తి చేసే పనిలో ఉన్నాడు. ఇప్పటికే వాయిదాల వల్ల విపరీతమైన జాప్యానికి గురైన ఈ మాస్ సినిమాను ఇదే ఏడాది విడుదల చేయాలని చూస్తున్నారు. భీమ్లా నాయక్ ఫేమ్ సాగర్ కె చంద్ర దర్శకత్వంలో 14 రీల్స్ పెద్ద బడ్జెట్ తో నిర్మిస్తోంది.
చిత్రీకరణలో అవాంతరాల వల్ల పోస్ట్ పోన్ల పర్వానికి బలైన టైసన్ నాయుడు కొత్త షెడ్యూల్ ఇటీవలే తిరిగి ప్రారంభమయ్యింది. జూలై చివరిలో గుమ్మడికాయ కొట్టాలని టీమ్ ప్లాన్ చేస్తోంది. దసరా లేదా దీపావళి పోటీలో ఉన్న ఇతర సినిమాలను బట్టి టైసన్ నాయుడు విడుదల తేదీని నిర్ణయించబోతున్నారు.
This post was last modified on June 19, 2024 12:16 pm
రెగ్యులర్ కమర్షియల్ పంధాలో వెళ్లకుండా కొంచెం డిఫరెంట్ గా ట్రై చేస్తున్న విశ్వక్ సేన్ కు ప్రయోగాలు చేసే అవకాశాలు…
ఏపీలో వ్యవస్థలు ధ్వంస మయ్యాయని, గాడితప్పాయని.. ఎన్నికలకు ముందు ప్రచారం చేసిన చంద్రబా బు.. తాను అధికారంలోకి వచ్చిన తర్వాత..…
1999 సెప్టెంబరు 4న హైదరాబాదులోని సంజీవరెడ్డి నగర్ ట్రాఫిక్ కూడలి వద్ద ఐపీఎస్ అధికారి ఉమేశ్ చంద్రను నలుగురు నక్సలైట్లు…
ఏపీలో ఎన్డీఏ కూటమి అధికారంలోకి వచ్చిన తర్వాత నిబద్ధత గలిగిన ఐపీఎస్, ఐఏఎస్ అధికారులు ఏపీకి వస్తున్న సంగతి తెలిసిందే.…
సూపర్ స్టార్ మహేష్ బాబు దర్శక ధీర రాజమౌళి కలయికలో తెరకెక్కుతున్న ప్యాన్ వరల్డ్ మూవీలో విలన్ గా సలార్…
అధికారం ఉందని అడ్డగోలుగా అక్రమాలకు, దాడులకు, వేధింపులకు గురిచేసిన వైఎస్ఆర్ కాంగ్రెస్ పార్టీ నేతల మీద తెలుగుదేశం ప్రభుత్వం గురిపెట్టినట్లు…